[ALIGN=CENTER]بسم الله الرحمن الرحيم[/ALIGN]

ارحب باخواني الهلاليين وابارك بالفوز على الوحدات وعودة النجم الكبير نواف اللى التسجيل.

حرام اللي قاعد يصير للاعبنا الكبير المفرج من هجوم وسب وشتم ، بعد مباراة النصر نقدِر ونفهم التحامل عليه لان الواحد يكون معصب وما يفكر صح ، لكن بعد الهزيمة بــ 4 أيام نتفاجأ اليوم بأن الجمهور شايل على اللاعب ويهتف ضده كل مامسك الكورة ، ورغم هذا الضغط اللي كان على المفرج الا أنه أثبت أنه كبير ولعب ودافع ومرر صح (أغلب الفترات) مع أن اي لاعب يكون مكانه وتحت الضغط اللي هو عليه كان بيخطيء ويرتبك، وساعد المفرج ان المباراة سهلة على الهلال، والهجمات القليلة لفريق الوحدات كلها كانت من جهة نجمنا الكبير الدوخي .

الشيء الثاني أقول انه مثل ما غضبنا على المفرج بسبب الهدف الثاني كان من المفروض أن نعامل نواف بنفس الطريقة لان نواف كان السبب المباشر في الهدف الاول لانه لعب الفاول بطريقة فيها نوع من الاستهتار وسبب هجمه مرتدة نتج عنها الهدف الاول صحيح نواف صلح غلطته وتسبب في هدف الهلال لكن هذا ما يعفيه من مسؤوليه هدف النصر الاول .

أخيرا الله يوفق هلالنا ولاعبينا كلهم وشكرا لمن مر على الموضوع

الفرج لاعب فوق المتوسط ولاكن المشكلة في أدموس الي حاط الشريدة أحتياط يعني مهما قدم لان يكون مثل الشريدة

تقول ليه نسامح نواف؟!!!

نواف جاب لك كاس الاتحاد...
نواف اهلك لنهائي البطولة العربية اللي خذ فيها احسن لاعب..
نواف جاب لك المؤسس....
نواف احسن لاعب في اسيا2000...
نواف احسن لاعب في السوبر الاسيوي2001...
نواف افضل لاعب هلالي في بطولة اسيا في الدوحة...
نواف تسبب في اهداف الجمعان اللي جابت دوري1423...

غير كل هذا راجع من اصابة قوية...

المفرج وش سوى؟؟؟

لاشئ...

انشاءالله يرجع المفرج لمستواه.......

والتمياط لاعب كبير ومن اجل عين تكرم الف عين....

سلامز

صحيح إن المفرج أخطأ لكن من السبب ؟؟؟؟

بالتأكيد هو أديموس وإلا لماذا يشرك المفرج ويترك الشريده!!!!!!

وبعدين لكل شخص خطؤه ولايجب علينا كجمهور هلالي أن نسب أو نشتم

أي لاعب لأنه في النهايه هو بشر يتأثر بأي كلمه

ويجب علينا أن ندعمه ونرفع من معنوياته

وآسف على الإطاله

تحياتي

[ALIGN=CENTER]نختلف بالرأي من مهاجم للمفرج او مدافع عنه الله يهديه لو دق الكوره الى الركنيه او الآوت كان اراح واستراح
سبحان الله رزق الهبل على الـ.........اللي يعرفون يسيطرون على اقدامهم
ولا البيشي كان مكتمه الشريدة ويلعب مع فريقه له كم سنة ما وصل لهالمديح الا بفلاحة المفرج
الله يذكرك بالخير ياجنرال( جرب غيري تعرف قيمتي ) يمكن عرف قيمته اديموس عشان كذا اشركه قدام الوحدات
عموماً احنا عارفين ان المفرج لم يقصد الخطأ واجتهد لكن ما الفائدة من هالكلام فعله نكب الهلال واعطى الخصم بطولة واللي سمع علي كميخ بالفضائية اللبنانية يتأكد وفرحته ومباركته وبعدين يقولوا ثلاث نكات عفواً نقاط[/ALIGN]

إقتباس إقتباس من مشاركة أسير الوداد انشاءالله يرجع المفرج لمستواه.......

أي مستوى تتكلم عنه انت الحين تعد هذا لاعب كورة قدم أجل والله ماتفهم كورة مع احترامي لك قسما بالله ماشي بالبركة والمجاملات اللي مالها داعي وكلنا يعرفها

سبحان مغير الأحوال

قبل مباراة النصر كان المفرج هو اللاعب اللي يثق به الجمهور
وكان هو اللاعب الحماسي والمخلص
واخذ من المدح من كل واحد سبه وقلل من مستواه

لا وكنتوا تقلون هذا اللاعب المفيد للهلال خاصه من بعد بروزه في منتخب الناشئين وتحديدا في التصفيات اللي اقيمت بالاحساء وكان المفرج قائد المنتخب وجاب لهم القول اللي في اخر الدقايق من ركنيه وكلكم تتذكرونه
وصرتوا تمدحونه وماتلاحظون سلبياته >> طبعا الكل عنده سلبيات مافيه احد كامل غير وجهه<<

المهم وبعد فرصه واحده جاء منها القول
قلبتوا عليه
فعلا انتم جمهور ماتفيدون بشي >> احترامي لوجهات النظر كلها <<
انتم جمهور مجاملات
وماتطلعون الا بعد مايقع الحابل بالنابل

سؤال لكم انتم ياجمهور الهلال ؟؟؟؟
**ليش ما لمتوا الخثران اللي كان مع المفرج واللي ماسوى اي شي يذكر في المبارات
**ليش ما لمتوا تراوري >> اكبر سلبي في الفريق والعاله الي تصرف عليها من دون فايده<< اللي لو استغل كوره وحده من الكرات اللي جهزها الدوخي وسيسيه والحربي لما لمتوا المفرج المسكين
**ليش ما لمتوا الغامدي اللي يلعب عشان ياخذ كرت ويحسب انه مهم بالتشكيله ومافيه احد احسن منه بالجهة اليمنى
** ليش مالمتوا نواف التمياط اللي ماسوى اي شي سوى الكرة العرضيه الرائعه اللي جاء منها الهدف
أعرف ان نواف لاعب عالمي وكبيييييييييير ولكن لا تقلولي توه راجع من اصابه ,,, ياخي ما أحط نفسي بمواقف حرجه زي كذا مثل تمريرة القول النصراوي الاول اللي أثبت ان التمياط مو بجاهز للمبارات والا يا خي اشوف الدوخي مصاب برا والدفاع طالع قدام شلون العب كوره بهذي الطريقه >>هذي راحت عليك يانواف<<<
بس اللي فرحني عودة نواف بهدفين ولا أروع بالوحدات اعاد ثقتنا بنواف


احترامي للجمهور الهلالي عامة
ولا احد يزعل



فاصله::::::::

الدوري بدى يشعلل واللاعبين بدوا يضهرون مستوياتهم

وفاندرليم ماخذ اجازه في بلاده ؟؟؟؟؟؟
لاتعليق



وبس

شكرا لكل من مر على الموضوع ، وشكرا لكل من أبد رأيه

الاخ بن سماره كلامك كله من البداية الى النهاية سليم 100% (من وجهه نظري أنا) ولو البقية يفكرون بهذا الشكل كان صار حالنا أرقى من كذا

الاخ دلوية ، أي مجاملات اللي تتحدث عنها .؟؟؟ تراها اشاعات وكلام غير صحيح ، ولو فيه مجاملات أصلا كان مافرض اد ديموس تشكيلته الغير مقنعة دائما

الاخ almoj9 ، معليش خلهم يفرحون بفوزهم هذا ، القادسية عطاهم الخسارة ، وان شاء الله نردها لهم في نهائي أو نصف نهائي أو نطلعهم من الدوري

الإمبراطور نواف ، شكرا لردك المنطقي (نعم لندعم كل من يلبس شعار الهلال)

أسير الوداد ، شكرا

العا15شق ، انا ماقلت نسامح او ما نسامح اصلا، انا قلت مثل ماقمتوا على المفرج اللي حاول يقطع الكورة واخطأ وتباطأ وسبب الهدف الثاني المفروض ان تلومون نواف على استهتاره بالفاول ولعبة للكرة بالطريقة السهلة اللي سببت هدف النصر الاول ، وبعدين ماحد ينكر انجازات الفتى الذهبي نواف لاأنا ولا أنت وكلنا نفتخر بهذا اللاعب الكبير وحاطين آملنا عليه بعد الله ، وهذا من أدوار لاعبي الوسط والهجوم ، أما المفرج فهو لاعب مدافع وشلون تبيه يسجل أهداف ويصلح أهداف ويجيب بطولات؟

عاشق المو10هوب شكرا ، والشريده كبير ولكن لن يبقى الى الابد يلعب ويعطي ، السن له أحكام

إقتباس إقتباس من مشاركة العا15شق تقول ليه نسامح نواف؟!!! نواف جاب لك كاس الاتحاد... نواف اهلك لنهائي البطولة العربية اللي خذ فيها احسن لاعب.. نواف جاب لك المؤسس.... نواف احسن لاعب في اسيا2000... نواف احسن لاعب في السوبر الاسيوي2001... نواف افضل لاعب هلالي في بطولة اسيا في الدوحة... نواف تسبب في اهداف الجمعان اللي جابت دوري1423... غير كل هذا راجع من اصابة قوية... المفرج وش سوى؟؟؟ لاشئ...

ياهوه يالعاشق كل الي في نفسي قلته وان شاالله اخونا يقرا ويقارن ؟؟؟؟

يا ابن الحلال لا تحاولون تبرون المفرج المفرج نتيجة عدم تغطية جيدة وهو مدافع( شغلته ) وبامكانه يذلف الكورة للاوت.......
اما التمياط فمناولة خاطئة على رأس منطقة جزاء الخصم..........
شف وفرق واحكم........
المهم مباراة راحت المهم الجاي......
وارجو انا مانكثر كلام في هذا الموضوع......