اشغلتونا قسم ...
الحين وين تبونا نطس !!!!!!!!!!!!!!!!!
فريق قسم يجيب الوهم والمرض ... ومدرب ما اقول الا الله ياخذ عمره بس لان مافي امل يلغون عقده !!!!!!!!!
كل يوم نبي لاعب وكل يوم نبي مدرب ..شكل الاداره المره الجايه بتسبقنا وبتقول نبي نغير الجمهور !!
لا وبعد تبونا نحضر مباراة الهلال قدام الواحدات
ايه هين بس هذا اللي ناقص...
الحين الواحد يدور الوناسه بالمناقيش وتبون ادفع فلوس عشان اضيق صدري :sad:
اول يوم كان الواحد يروح الملعب وهو ان شاء الله ضامن ان الهلال بيفوز .. الحين نروح قدام اي فريق ركبنا تصافق من البيت الين نرجع مره ثانيه من الملعب .. وطول الوقت مع الاسف الله........ والله ........
الله لايعاقبنا
ما اقول الا الله يذكرك بالخير يا هلال حسن نمشان والعشيوي وعبده صبياني ... جمعنا لاعبين يقالنا فريق يحكي ..طلع فريق يتعتع وبعض المرات اطرم ..
اجل الفتى الذهبي نواف التمياط !!!!! انا ابي اعرف بس متى بيعرف ان زمان التسحيب والجرجره راح ... من جد لاعب صاير غيررررررررر مفيد ابد .. قولو الحمدلله اني منب رئيس كان بعت نواف والدوخي والجمعان ..
ودبرت مصيبه للمطيري والمفرج وخالد عزيز عشان يشطبونهم لان مافي امل ابيعهم عشان مصلحة الكوره السعوديه !!!!!!! يعني بالله هذولي لاعبين وفي الهلال بعد!!!!!!!!!!
ما اقول الا ارزاق بس اللهم لاحسد ...
مااقول الا ياشين طقت التسبد بس .!!!
تراهنوني انو اللاعب جوا المباراة المفروض يحترق اكثر من المشجع انا والله اقول على هلالكم هذا العكس صحيح !! وانتو بعد يالمهبل تحرقون اعصابكم على نادي (( مو فريق بس)) على نادي ماجاب خبركم ...
ياحلاله بس لو عندي فلوس واقدر اصير رئيس ..ياانا بطلعكم للسماء يابجيب فيكم العيد مع ان الاولى ان شاء الله اقرب .
عموما ابت اناملي الا ان تشاااارك ..
لاتقولون شكلك من الناس اللي ماتحضر ..
والله اني احضر كل مباريات الهلال في الرياض .. بس ارجع وانا منصفق ماقد رحت مباراة وكنت مستانس من اولها لاخرها ..
ما اقول الا عندنا سعادة المستشار واخينا الخميس واخينا ابراهيم اليوسف ..ونبي نلفح طيب احلق مب شنبي بس .. اجي عند باب المنتدى وانتف حواجي شعره شعره اذا اخذنا شي هالسنه َ!!
يجيب الله رزق
سلامو عليكوووووووووووم
ياهلال 2004 بقيادة الفتى الذهبي هع هع هع هع