انتهى الديربي بين الهلال والنصر


وهدت الاعصاب ولله الحمد



وتكلم على المفرج من تكلم


وتكلم عن سليمان من تكلم


وتكلم عن عزيز من تكلم


وتكلم عن نواف من تكلم


وتكلم عن الحربي من تكلم


وتكلم عن تراوري من تكلم



احبائي الزعماء


حنا جمهور عودنا الزعماء اللاعبين على النصرر ضد النصر

وعودنا زعمائنا على التصوير مع الكؤوس بالنادي

وعودنا زعمائنا ان نخرج من الملعب مبسوطين ونفرح باعلامنا ونقهر اللي ضدنا




وقفت على مباراة وحده؟؟؟؟؟؟؟؟


ياجماعة الخير خلونا نوقف وقفة ابطال ونترك عنا الصياح والنياح واطردو ادموس وجيبو يوردانيسكو

انا مااقصد بكلامي ان ادموس كويس ولكن مو هذي الطريقه اللي نطالب فيها باقالة المدرب


عبدالله بن مساعد


ماهو سبب تغيبك عن النادي مساء الجمعه؟؟؟؟

مو انا اللي احاسبك الله يطولي بعمرك ولكن انت بنفسك تعرف ان الهلال فيه مشكله اداريه وفنيه

املنا فيك كبييير ياابن مساعد ولاتخيب ظن الزعماء الاوفياء اللي تركت الاختبارات والبرد وجت علشان تساند الازرق وبالاخير تقابل بهالنكران؟

استمع لهم ياابن مساعد فمنهم من عنده اراء تفيد منتخب وليس فريق



سامي الجابر

كم تمنيت ان الفاول حقك هز شباك المعوق شريفي علشان ترد على كل من يقول ان سامي

انتهى!!!!!!!!؟



البقيه


ابو عبدالعزيز ماقصرت والله يعوض عليك بشريده وخليل بالمباريات الجايه يارب

الدوخي لا تــــعــــــلــــــــيــــــــق يابطل

سليمان والمفرج

ابطال ولكن المباراة هذي مو مباراتكم واللوم مو عليكم على مدربكم اللي مالعبها صح

لان وبصراحه سبرنت المفرج وسليمان تعتبر ابطى سبرنتات مدافعين بالمملكه العربيه السعوديه

ولكن متفوقين باشياء ثانيه وهذا اللي خلى البيشي يسرح ويمرح بالدفاع الهلالي ولا لو كان الشريده وخليل ( قبل كل شي عامل الخبره بيلعب دور) وغير كذا ان السبرنتات عندهم عشره على عشره

بس مانقول الا الله يعوض علينا

الخثران لعب بمركز مو مركزك واول ماجيت للهلال لعبت بهالمركز واثبت انك ماتقدر تعطي بهالمركز بس ماحولك احد ( ولا الجري وينه؟)

عزيز والغامدي (سيدورف وديفدز) ياليت كل اللاعبين يلعبون بروحكم يا ابطال ماقصرتو


نواف التمياط ابو بندر الطريق طووووووويل وماقدمت اللي يشفع لك ضد النصر لكن الكل يعرف ظروفك وان شاء الله ترجع كما عهدناك فتى ذهبي كبير

احمد الحربي الا ليت حربي النجمه يعود يوما وش اللي صاير فيك يا احمد؟؟؟

سيسيه ماقصرت ( يامانجوت :p ) بس يعيب عليك الاستعجال قدام المرمى والتاخير على الخط

تناااااااقض ياسيسيه ولكن تضل نجم تفيد الازرق في المحافل القادمه

تراوري من زمان ماشفنا لاعب بالهلال يجيب الكور الهوائية وكم تمنيت لو كان جنبك الصويلح علشان كل الكور اللي بالهواء تنزلها للصويلح وخل السبرنت عليه



اديموس


لن اطيل الكلام بك ولكن لتعلم انك اجبن مدرب مر على تاريخ الزعيم واغباهم مع احترامي لك

فها انت تجلس سامي على الاحتياط وتحسب ان معه عصا سحريه علشان يجيب التعادل بس سامي طلع اذكى منك




-----------------------------------------------------------------------------------------------

سامي الشيحان الجمعان خليل الشريده سعد الدوسري ( من وصل المنتخب لكأس العالم 2002)

ياناس هذولا احطهم احتياط؟؟؟؟؟ يا ادارة الهلال ماتفهمون بكورة القدم؟؟؟؟


سامح الله كل من نوى يهدم البيت الهلالي سامحه الله

------------------------------------------------------------------------------------------------

تحياتي للجماهير اللي تستحق لقب الزعماء فكم انتي وفيه وكم كان بودنا ان يكون بالملعب من يرد لنا هذا الوفاء ( يوسف +سامي)

مجنون ابو عبدالله.... اهنيك على هذا الموضوع الرائع... اعجبني اسلوبك في طرح الموضوع بشكل فيه من الاحتراف الصحفي... فعلا يجب علينا كجمهور هلالي عدم تحميل المسؤلية على اللاعب الفلاني وترك الاخر... ونقوم بخلق التفرقة بين اللاعبين... اعجبني كلامك وانت تشكر سليمان والمفرج على مجهوداتهم داخل الملعب وفي نفس الوقت طالبت باشراك الشريدة وخليل لخبرتهم.... شكرا لك..

يعطيك العافيه ألأخوي مجنون أبو عبدالله..
موضوع رائع للغايه..
تسلم لي,,



أخوك من قبيلة عشاق الذئب.
مجنون سامي999999999;)