آخر كلام ,, والخبر الأكيد ،، عن نقل مباراة الهلال والطائي - نادي الهلال السعودي - شبكة الزعيم

الدبلوماسي · #1 04/01/2004, 08:59 AM

[ALIGN=CENTER] بسم الله الرحمن الرحيم

صبحكم الله بالخير شباب

كثر التساؤل عن مباراة الهلال والطائي وعلى أي قناة منقوله

في مباراة الاتفاق والشباب بالامس

والتي انتهت بفوز الاتفاق

وفي نهاية المباره تحدث معلق المبارة عن مباراة الهلال والطائي

وقال ان المباراة منقولة بصوت الزميل أحمد الظبي

يعني المباراة منقولة على الرياضيه والثانية

لان لو كانت منقوله على اوربت بس ماكان تكلم المعلق وقال اسم المعلق

والخبر الاكيد مثل ماقال الاخ نقوشي في موضوعه

ولكثر التساؤلات جري النشر

تحياتي لكم [/ALIGN]

المغترب عن الديرة · #2 04/01/2004, 09:34 AM

والله شيء يقهر ياجماعه الخير ..

لو ان المباراة في خارج المملكة كان قلنا صالح كامل الله لا يوفقه احتكر علينا المباراة ..

لكن هالحين المباراة بحائل ولا نعرف من الذي سينقلها من القنوات ؟؟؟

اين ادار المنتدى فأعتبرها مسؤوله عن صحه اي خبر ينشر يخص الزعيم ..

ومسؤولة عن متابعه الباريات المنقوله للزعيم ..

هل هذا خطأ من الاعلاميين ؟؟

هل هذا خطأ وقلة متابعه من مسؤولي التلفزيون ؟؟

نريد خبر اكيد وصريح لجميع المباريات القادمه للهلال ؟؟

ألم تكن ( مجدولة ) في برامج التلفزيون ؟؟

ابو طاقيه · #3 04/01/2004, 09:36 AM

بالخير ...

انا جالس كل البارح احتري القناة تسكر عشان اشوف برامج اليوم

..

وبالاخير ماكتبوا شي عن المباراة يعني الله يستر الظاهر انه مهب منقوووله :sad:

زعـــ( اسيا )ـــيم · #4 04/01/2004, 10:27 AM

الي اعرفه و الي ضامنه ان المباراة انشا الله على اوربت ESPN ....

و سلامتكم

hilalemooot · #5 04/01/2004, 10:37 AM

ابوو طاقيه والله نفس الشي

بعدين مباراه الاتفاق والشباب نقلوها السعوديه ولا لا؟

وعلى اي قناه ؟؟؟؟؟

الرياضيه الارضيه ولال الفضائيه؟

والا القناه الثانيه ؟؟

تكفوون خبرونا...

تحياتي,,,,,,

الدبلوماسي · #6 04/01/2004, 10:41 AM

[ALIGN=CENTER] هلا وغلا بالشباب

أعتقد ياشباب لو إن المباراة ماهي منقولة

على السعوديه الرياضية والثانيه الفضائيه

ماكان معلق مباراة الاتفاق والشباب بيقول

بصوت الزميل أحمد الظبي

صح ولا لا ؟؟

لانها اذا حصريه ماراح يتكلم ويقول .،.،.

تحياتي لكم

[/ALIGN]

riyad · #7 04/01/2004, 10:45 AM

للمره المليون اقولها المباراه منقوله على السعوديه الرياضيه الثالثه الفضائيه والارضيه مع قناتي اوربت Espn و art
وسلامتكم
ريـــــاض

الدبلوماسي · #8 04/01/2004, 10:50 AM

[ALIGN=CENTER] هلا وغلا

رياض كلامك صحيح

بس هدي نفسك شوي

شكرا لك [/ALIGN]

ركوني · #9 04/01/2004, 11:01 AM

كيف يارياض تقول انها منقوله على الرياضية السعودية وماكتبوا في برامج اليوم انها راح تنقل؟؟!!!

riyad · #10 04/01/2004, 11:27 AM

هلا اخوي ركوني بس انت افتح موقع القناه ومنتداها على الانترنت وتشوف وبعدين انت لا تنسى ان القائمين على القناه مضيعين الصقله وما يدرون عن شي
على العموم هذا هم اللي كاتبينه ومؤكد من اكثر من مصدر تلفزيوني او على الانترنت
وانا معاكم على الحلوه والمره وبعدين انا خارج المملكه والود ودي ينقلوها ان شاء الله على الاولى ليش راح اكذب يعني ؟؟؟؟؟؟؟؟
مشكوووووور حبيبي على استفسارك اللطيف وان اصبت فمن الله وان اخطات فمن نفسي والشيطان
اخوكم / ريـــــــــاض