[ALIGN=CENTER][ALIGN=CENTER]
هذه القصيده قالها شخص حكم عليه بلاعدام بسبب ترويجه للمخدرات..
قالها في وقت القصاص وهو بسجن,,,

ياناس اسمعو قصة واحد بسجوني
يقول ذبح السيف ياناس هايبه

يقول ارحم بالرصاص اقتلوني
والعين ملفوف عليها عصايبه

لعل بعض الناس مايعرفوني
ودي لو التنفيذ والشمس غايبه

انتم عرفتم قصتي فارحموني
اخاف تلحق على ابوي عايبه

لويعرفون اني مروج للافيوني
ولو يدري اني للمسلمين جايبه

ومدمن حشيش ومثقل بالديوني
يدعي علي ودعوة العود صايبه

ولاتخبرون اللي بطبعه حنوني
الوالده تكثر عليها مصايبه

اخاف لا دريت يصيبها جنوني
اوتصبح عليله عالة على شايبه

من ضاع عقله ماتفيد العيوني
والعقل من مد الكريم ووهايبه

واللي جرح قلبي وزود طعوني
وروحي عليه من العام ذايبه

جماعتي اللي من سجني قاطعوني
وكيف الفتى ينسي من اقرب قرايبه

كله سبـــــايب شلة دهوروني
وصارالثمن راسي وفوقه نصايبه

حسبي الله عليهم شلة ضيعوني
الموت حان وقربو لي ركايبــــــــه

ومشيت في درب السراب امغمومي
وعقول البهايم بين الاكواخ سايبه

الله يرميهم مثل مارموني
موت الهونه شلتي هم جلايبه

ماطعت يوم الطيبين انصحوني
ولاينصح الانسان الاحبايبه

يالله ياللي امرك بين كاف ونوني
خلقتني مابين صلب وترايبه

عوض علي دنياي واحسن ضنوني
واغفر لنفس عن الشين تايبه

ياللي حضرتم مقتلي سامحوني
وهذي نهاية قصتي مع سبايبه[/ALIGN][/ALIGN]
ملاحظة / تم نقل هذه القصيدة من منتدى هلا بالجميع للكاتبه جوري