فى يوم من الايام قمت من النوم على غير عادتى صحيت بدرى حوالى قبل غروب الشمس فقمت

وغسلت علشان بأصلى المغرب وانا فى الصلاه قعدت اتذكر انا غيرت زيت السياره ولا لا ( الله

لايعقبنا ) وبعد ماخلصت الصلاه قلت بأروح اغير ملابسى يوم ناظرت خشتى بالمرايه

اللهم ياكفى وش هالخشه بسم الله على كأنى حورى ( ايه هين الا من زود الحلا يدلعونى يالغراب )
ومايقهرنى الا اذا بغيت احلق راسى مستحيل يحلّق لى بدون ورقة اصلاح من المرور وتعريف من

المرجع و اخلاء مسؤوليّه منى بس ابشركم الاضرار بسيطه وفكنى الله ماتعورت ومايضيق

صدرى الا المرور مايجى الا الين تدبغنا الشمس اقول عطنا اثنين فلافل وواحد عصير خلاط

وبعد ماطقيت الزين كله قلت مالك الا تجرب حظك بهالسوقه يمكن تلقى وحده تحبك ;)

وانا اقوم واصلح ذاك الشاهى ابى امخمخ على مباره الهلال وهذوليك اللى يقولون شارب زمزم

بالحيب شوف الاتى ايش يجيب وبعد مارحنا للمرور ومزعو فينا بالتوقيف

اقول وراك ماحطيت شطه فى الفلافل فى هاللحظه تذكرت انى ماصليت العشاء فقمت

وغسلت وانا فى الصلاه قعدت اتذكر ياربيه انا غيرت السيفون ولا لا يوم تعبت من

الدوجان بالسوق ومالقيت احد يعطينى وجه وتونى باطلع الاذيك اللى تقط الطير من السماء ;)

بس الحمد لله الهلال فاز امس وبيض الوجه انت يالشين عطنى شكشوكه بدون

طماط وانا الحقها من شارع الى شارع ومن محل الى محل يوم شفتها ماعطتنى وجه ( اكيد

مهيب معطيتك وجه من زين هالخشه ) المهم انى تعبت من الدوجان فى الصناعيه ادور على

ورشه رخيصه ولا لقيت الا افغانى كان دهان بس وانا الحس صحن هالشكشوكه والحقها بكوب

حليب قليل الدسم يوم شفتها ماعطتنى وجه وانا امشى جنبها واقول لها ترا اهم شى الاخلاق

يوم التفتت على الزبده انه صلح موتر وكانه راش الرفارف برشه جرانيت

وانا تونى بأحاسب راعى البوفيه الا ويوم انه صكنى بسؤال محرج قال لى وش تعرف عن العولمه

وهى اللى تلفت على وتقول ( بابا انت فيه مسكل ) طلعت سيلانيه

قلت له العولمه الظاهر والله اعلم انى مدرى












نصائح ماادرى وش تبى :

1- كانى سامع ان فيه ناس ناوين يسافرون يبون يحضرون راس السنه . ترا هالامور ماتجوز واتركو

الهبال عنكم ( المسيكين مالقى له حجز )


2- مايطلقه البعض على عمليه القبض على صدام مع تقدم الصناعه والتجاره فى بنجلادش وسيرلانك

مع ارتباطها بالحاله النفسيه للمدافع طارق المولد و الذي عرف عنه حبه لتلميع الكفرات بشارع

منصور هذا الكلام يقودنا الى سؤال واحد اللى هو وش تغديتوا أمس???

3- لااحد يشره على الموضوع ترانى كاتبه وانا خارج التغطيه