[ALIGN=CENTER]السلام عليكم ورحمة الله وبركاته [/ALIGN]
بصراحه انا عارف وبدون ماتحلفون انكم فقدتوا كاتب عظيم وخطير اللي هو نحن واعوذ بالله من كلمه نحن
لكن هذي الدنيا مثل الدحديره اللي معاه كفرات يدحدر واللي ماعنده ينقع بصل
المهم
انا بصراحه كنت في ظروف خطيره وهذا اللي خلاكم ماتشوفون رقعه كتاباتي الشيقه  (مب عاقل نجيب محفوظ)
وين وصلنا !!؟
ايه ذكرت
عاد اقولكم
انا بصراحه
تبون الجد ولا ولد عمه
خلوني اقولكم ولد عمه اوسم واحلى
بصراحه كنت مع ابو الشباب صدام

احلف !!..ولا مصدقيني
الرجال ماكل هوا من hيام العشر الاواخر برمضان انا وياه ماغير ركعي وسجدي بهالجحر انا وياه يقول ما احب اصلي الا وراك في التراويح والقيام (غطيت على السديس)
عاد انا بصراحه ابو عدي اذا نخاني وطلبني ما اقدر ارده
المهم يوم انا خلصنا من ارمضان والرجال مابوه احسن منوه كويس وحتى بالعيد فليناها انا وياه وشبينا شورخه وصواريح وفرح وترح وهز وسط وبسطه
بعد كذا شفت الرجال ماش بدا يتغير علي
الصلاة ماهيب زي اول !!
الفجر يفوتها والعصر يقول اجمعها مع العشاء حنا مسافرين
عاد انا طفشت كلش الا الصلاة
مسكته في زاويه وقلت له ابو عدي
شف انا وياك اخويا صح
وانا تارك اهلي وبيتي ومنتداي وجاي عشان اصير امام بالصلاة
فاذا كانت حركاتك ذي بتستمر فخلني ارجع للبيت اصرف لي


قالي شف جحدر
انا عارف البير وعارفن غطاه
انت من يوم مامثلت في الزير سالم والا هالحين ما احد طلبك تشارك بمسلسلات
يعني بالعربي انت عوطلي
واحمد ربك اني موظفك امام عندي
واذا انت مو عاجبك ...الجحر يفوت جمل ..

قلت هذا اخر كلام عندك صداموووه
قال اعلى مافي خيلك اركبه
قلت انا طالع من هالجحر
واما قولتك انه يفوت جمل فكثر منها ..عساه يفوتني انا وياك ويااالله............ يالخمام !
لكن اوريك ياصداموووه
المهم انا رحت وحجزت في الخطوط الجويه السعوديه
و بالعافيه يالله لقيت عندهم انتظار ويوم ركبت الطياره لقيت ثلاث ارباعها فاضيه
مدري ليه معطيني انتظار!!؟؟
يوم اني وصلت البيت
واخذ الجوال
واستعرض الارقام عندي بالجوال
وبالصدفه القى رقم جوال بوش
قلت في نفسي
وش رايك امنكح هالخمام صداموه مع الصتيمه بوش (من باب المزح)
وانا اللي ادق على هالصتيمه
واسلم عليه (جعله مايسلم)
واقوله لايكثر ترى اكلمك مكالمة دوليه من جوالي وشركه الاتصالات ماتصدق خبر ماغير لهط في الدراهم
وانا اللي اقول له
ترى رفيقنا صدام بالمكان الفلاني
والدراهم اللي بتعطونياها حولوها على حسابي في بنك الدم - فرع سدير

[ALIGN=CENTER]وبصراحه انا لحد كتابة هذة الرساله
حاقد على الشين ابو الذهب
من اول رمضان وانا اقوله ترى صدام بنبطل به .. ماراح نلعبه معنا حبيش كلما مسكناه يقول حابه [/ALIGN]

[ALIGN=CENTER]نهايتوه
لكم وحشه [/ALIGN]

[ALIGN=CENTER]التوقيع
احد تماسيح المنتدى
شموخ[/ALIGN]

صوره طبق الاصل للصادر والوارد
صورة طبق الاصل لكل تماسيح المنتدى
صوره طبق الاصل لوزارة العوطليه

الـحـاتـمــي ....


مــر مـــن هـــــنــــــا .....



ويـقـول : زود هذي يا شمخوه ;)

صــورة طـبـق الأصــل لـمـسـتـشـفى الأمــراض الـعـقـلـيـة !!

انا اللي ياليت عندي رقم مستشفى شهار ؟؟؟؟





































تسلم لنا شموخ .

لحاتمي

إقتباس الـحـاتـمــي .... مــر مـــن هـــــنــــــا .....

الى هالحين وانت تمرمر في المواضيع
الله يعين رجلينك على دورانك

إقتباس صــورة طـبـق الأصــل لـمـسـتـشـفى الأمــراض الـعـقـلـيـة !!

طيب كلم سكرتيرتي ناريمان العصلا .خلها تسوي الصوره

abu_riman

إقتباس انا اللي ياليت عندي رقم مستشفى شهار ؟؟؟؟

مثل رقم الدفاع المدني بالزززززبط بس غير الرقم الاخير وخله صفر

هلا ابو براطم -------- يمون هالحبيب

إقتباس بصراحه انا عارف وبدون ماتحلفون انكم فقدتوا كاتب عظيم وخطير اللي هو نحن واعوذ بالله من كلمه نحن لكن هذي الدنيا مثل الدحديره اللي معاه كفرات يدحدر واللي ماعنده ينقع بصل

طيب واللى ماعنده بصل يشرب قرايه وش دخلها مدرى

إقتباس انا بصراحه كنت في ظروف خطيره وهذا اللي خلاكم ماتشوفون رقعه كتاباتي الشيقه  (مب عاقل نجيب محفوظ)

الله المستعان صرت تعرف سباكين يلعن ابو الثقافه ياابو الذهب

إقتباس وين وصلنا !!

وصلنا يوم كنت نايم وتلعب بأصبع رجلك اليسار بخشمك

إقتباس تبون الجد ولا ولد عمه

لا نبى سبيس تون

إقتباس بصراحه كنت مع ابو الشباب صدام احلف !!..ولا مصدقيني

تقهوى الله يسلمك

إقتباس الرجال ماكل هوا من hيام العشر الاواخر برمضان انا وياه ماغير ركعي وسجدي بهالجحر

قاييلك يالشين ماله داعى تدور ضبان خلك على الجرابيع احسن لك

إقتباس بعد كذا شفت الرجال ماش بدا يتغير علي

امبين عليه من شفت وجهه تقول اسد ماافطر وانا غاسل يدى منه

إقتباس وبصراحه انا لحد كتابة هذة الرساله حاقد على الشين ابو الذهب من اول رمضان وانا اقوله ترى صدام بنبطل به .. ماراح نلعبه معنا حبيش كلما مسكناه يقول حابه

ابو الذهب مسوى فيها ذكى يوم سمع طارى الدراهم راح للعراق وقال لهم انا عزت ابراهيم

إقتباس نهايتوه لكم وحشه

حتى انت يالشين لك وحشه انت وبراطمك هاللى تقول ملقاط فحم














شموخ لاتشره على اليوم ;)

8
8

هههههههههههههههههههههههههههههههه والله اني اقرا الرد واموت ضحك
المهم بشر عساك حصلت دراهم?

ابو الذهب

إقتباس هلا ابو براطم --------

هلا ابو النحاسه (واحد قروي مايحب التاليه تصير عليه)

إقتباس لا نبى سبيس تون

الا على طاري سبيس تونه هذي
لايفوتك الاقط اللي يباع عند دوار الثمامه الثاني قسم بالله على كيف كيفك توني شاري منه وماصعن لي ميه وعشرين ريال من هالرويتب الله المستعان (وش جاب هالسالفه الحين )

إقتباس حتى انت يالشين لك وحشه انت وبراطمك هاللى تقول ملقاط فحم

امممممممممممممممممممممممواه وهذي بوسه من شفايفي يابعد عمري(اشوى ان عمري معروفن قدره عند الكل )

bestuser 8

إقتباس هههههههههههههههههههههههههههههههه والله اني اقرا الرد واموت ضحك

وعندك واحد يسوي دعاية معجون اسنان وصلحووووووووووووووووه

إقتباس المهم بشر عساك حصلت دراهم?

لو حصلت دراهم في ظنك اني ابجي واقعد اتبطح عندكم بالمنتدى
والله انك ماعندك لا ذوق ولا احساس ولا مراعاة لمشاعري