الشماته\ الطنازه - نادي الهلال السعودي - شبكة الزعيم

عزوز10 · #1 15/12/2003, 06:11 AM

[ALIGN=CENTER]بإسم الله:

فيه موضوع احب اتكلم عنه وهو الشماته او الطنازه

الشماته : هي وجود شخص مبتليه الله بشي
وبدال ماتحمد الله تقول كلام فيه سخريه واستهزاء
بهالشخص
طبعا فيه ناس يصرح بالشماته
وفيه ناس يتشمت بس بينه وبين نفسه

والرسول عليه الصلاة والسلام نهى
عن الشماته

والرسول عليه الصلاة والسلام يوم فتح مكه
ماتشمت باهلها رغم كل اللي سووه

اترك الجانب الديني

واروح لجانب الاخلاق

عدم الشماته تعتبر من مكملات الاخلاق
وكل شخص يتمنى يكون كامل الاخلاق
لانها شي مقدور عليه ونقدر نغيره

اللي مااقنعه هالجانبين اروح للجانب الابتلاء باللي جا هالشخص:

اذا شفت في واحد عيب وبغيت هالعيب يجيك ماعليك الا انك تتطنز فيه
ولاتتشمت باخيك يعافيه الله ويبتليك <<< حديث للرسول بس بالمعنى
وهالشي واااقع وملاحظ
وابعطيكم امثله مني:

1) فيه ماده في الجامعه المهم
سمعت عن واحد حمل هالماده مرتين قلت في نفسي وين؟؟والله لو حنا جدران؟؟
والله ثم والله اني حملت هالماده مرتين وبغيت اجيب الهاترك بس الله ستر

2) هذا واحد من الدكاتره اذا جا يقول كلمة لا يكررها اكثر من مره
يعني يقول لا لا لا لا
المهم انا مسكتها عليه و سميته دكتور لا لا لا
والمشكله صارت هالكلمه على لساني ودايم اقولها
صرت اقولها اكثر منه
وانمسكت علي
بس الحمدلله معد صرت اقولها

===============================
المهم ابي كل شخص يقول رايه واذا صار له مواقف تشمت او تطنز فيها
وجته هالشماته او الطنازه يكتبها
===============================
مع السلامه[/ALIGN]

الحاتمي · #2 15/12/2003, 10:36 AM

الـحـاتـمــي ....

مــر مـــن هـــــــنــــــــا ......

ويـقـول : دائما لا تضحك ولا تتشمت على شخص ,, لأن الله قادر على أن يضعك في

نفس الموقف الذي تعرض له من تشمتّ عليه ;)

المملكه الهلاليه · #3 15/12/2003, 10:15 PM

إقتباس


	إقتباس من مشاركة الحاتمي الـحـاتـمــي .... مــر مـــن هـــــــنــــــــا ...... ويـقـول : دائما لا تضحك ولا تتشمت على شخص ,, لأن الله قادر على أن يضعك في نفس الموقف الذي تعرض له من تشمتّ عليه ;)

صح لسانك اخوي ;)