بعد طوايفي هلالية >>>>>>> حقوق الطبع محفوظة هالمرة مو مثل بعد تسبدي

هههههه اما انه ردي طويل فهذا من حرة قلبي لما اشوف مجرشي والعنزي يمثلون الهلال

النزهان كان في الاولمبي لانه الموس ما استدعاه ولا هو استدعاه والنزهان قال له ما ابي ابي امي ابي ابوي ابي الاولمبي؟؟؟؟؟؟؟؟؟ والاكيد انه الفريق الاول هو الاهم من الاولمبي مثل الاندية والمنتخب في النهاية الاندية ما وضعت الا عشان يكون بها منتخب ,,,,, وثانيا هذي بطولة المليون دولار اي انها تقدر تغطي الكثير من الخسائر فكما يقول الرمذ النصراوي الاندية مديونيرية وعلى الاقل نطلع خسائر الموسم الفائت الي سمو الامير عبد الله بن مساعد طلب ميزانية ثلاثين مليون ريال على ما اعتقد وفي الاخير النتاج بطولة وحدة بينما الهلال كان يحقق في الموسم بطولتين الى ثلاث بنصف هذه الميزانية

تقولين يا راعاك الله انه كل الي ذكرتهم هجوميين طيب والعنزي وتسو؟ هذا لا هجومي ولا دفاعي ما يدري اصلا وين الله قاطه تلاقينه يطالع في الاحتياط ويشوف الشيحان وابو بندر ومخترع ويقول دنيا حظوظ دنيا حظوظ والله بلا حظ الهلال معاي ما علينا من هذا الحتسي في كرة القدم عندما يكون هناك ظهير نار لازم تحط له لاعب هجومي يخليه ما يتزحزح من مكانه شوفي الفرق من وين تهاجم الهلال اغلب شي من الجهة اليمنى جهة الدوخي ليه؟؟؟؟؟؟؟ لانه لو ما هاجمت الدوخي راح يتقدم كثير وراح يشكل خطورة كبيرة على الفريق الخصم فانت لازم تضرب نقاط القوة قبل الضعف

اما انك توافقين على حركة العنزي فهذي قوية والله اكثر اللاعبين تعرضوا لسب وشتم ان لم يكن كلهم لكن اي لاعب يعرف انه معرض للشي هذا فلازم يتحمل ولا تبينا نصير مثل الاتهاد لعيبتنا يطقون الجمهور؟؟؟

طبعا لو واصلت فراح اكتب لك معلقة طويلة لكن نكتفي بهذا الرد عسى ان تقتنعي

يوووووووووه نقطة عبد الله سليمان انا كنت من المعجبين بهذا اللاعب صراحة منذ كان في الاهلي كان خط دفاع لوحده بس حاليا مستواه هابط وفعلا مستواه بدا يتطور قليلا وصار جيد لكن هذا لا يمنع انه الشريدة احسن فما دام موجود على الدكة من هو احسن من سليمان فشلون يلعب اساسي؟؟؟؟؟؟؟ الا اذا كنتي تخالفيني انه سليمان احسن من الشريدة فهذا شي ثاني

يلا بس كافي لليوم تشاو

اختلاف الاراء ظاهرة صحية

إقتباس إقتباس من مشاركة الهلال سلطاني ************************************* ************************************* المشرف : الاخ الكريم الهلال سلطاني : حرية الطرح ممنوحة للجميع .. وليس من حقك اسكات من لايعجبك طرحه او اسلوبه .. تبغى تناقش حياك الله ناقش بأدب .. والا لاترد بمثل هالردود الخارجة عن الموضوع .

اخوي هلالي عين بن فهيد:
بسم الله نبدأ

إقتباس اختي المدرب ليس ملاكا حتى لا ينتقد(بضم الياء)

لا والله معصي مو ملاك وانا مااقوله انه كامل (الكامل وجه الله)..

إقتباس فهل يعقل ان الزعيم وخلال اكثر من 15 مباراة تحت اشرافه وهو يلعب بخطة واحدة لا تتغير !

اخالفك الراي
لو نرجع للمباريات الأولى .. خلينا نحكي نسبة وتناسب خلال العشر مباراة الأولى في دوري الملك فهد اوكي لو تلاحظ معي
المباراة الأولى الهجوم (الجمعان - تراوري) النتيجة الهلال 0 - الاتفاق 0
المباراة الثانية الهجوم ( الجمعان - تراوري) النتيجة الهلال 2 - الشباب 2
المباراة الثالثة الهجوم ( تراوري فقط ) النتيجة الهلال 1 - النصر1 ولو تلاحظ معي الهلال هو البادئ بالتسجيل..
المباراة الرابعة الهجوم ( تراوري فقط) النتيجة الهلال 2- الأهلي 1 ولو تلاحظ برضو العنزي كان يلعب اساس والمجرشي كان يلعب اساسي..
المباراة الخامسة الهجوم( الجمعان - تراوري) النتيجة الهلال 2 - الوحدة3
المباراة السادسة الهجوم( الجمعان - تراوري) النتيجة الهلال 3- الشعلة0 العنزي سجل هدف منها..
المباراة السابعة الهجوم(العلي) الهلال تقدم على الطائي بهدف ويوم غير المدرب تغير هجومي بدخول الجمعان وخروج الخثران ولهب الهلال بماجمين أصحبت النتيجة الهلال 1 - الطائي 2

المباراة الثامنة الهجوم ( الجمعان - تراوري) النتيجة الهلال0- الاتحاد0
المباراة التاسعة الهجوم( تراوري فقط) النتيجة الهلال 2 - الخليج0
المباراة العاشرة الهجوم (العلي - تراوري) النتيجة الهلال 2 - الرياض1 (بطلعة الروح فزنا)

إذا يفترض برضو اني ماافهم كورة نسبة وتناسب بالعقل كل مالعب الهلال بمهاجمين غالبا المباراة تنتهي سلبية ومو لصالحنا والارقام قدامك
والكلام هذا للجميع مو لك اخوي بس..

إقتباس ولكن ننتقد من حبنا للهلال وخوفنا على مصلحته ولاننا نريده دائما في القمة ولكن كما يقال رضا الناس غاية لاتدرك

مافي شك كلنا نبي مصلحة الهلال..

وشكرا اخوي لمداخلتك ;)

هلا اختي هلاليه

لم اقرأ مقالك بكامله ولكن بغيت اعلق على بعض ماقريت:
الجمهور اللي ماله راي يعتبر جمهور جاهل ,بالنسبه لترواري لو سجل عشرين قول يعتبر عاله الزعيم ومن الظلم ان يعلب للهلال, ومحمد العنزي وخالد عزيز من نفس الفصيله والمدرب لن اقول انه فاشل ولكنه لم ينجح مع الزعيم وبالنسبه لعبدالله بن مساعد فخوفه على الزعيم لايجعله ينجح في ادارته فالمستوى التعليمي والثقافي لن يجعلاه ينجح في ادراة الزعيم وهو حتى الان لم يقدم مايشفع له بالنجاح, والزعيم بشكل عام مستواه يخوف وانا لا اريده ان يفوز بخمسة اهداف ولكن اريده يقدم المستوى الذي يشفع له بان يفوز بهدف’ حتى وان تحسن مستواه في المبارتين الاخيرتين الا انه لازال بعيد عن الزعيم الذي نعرفه وبالنسبه للحضور فلن احضر والفريق بهذا المستوى.
وتقبلي تحياتي وارق امنياتي لك بالتوفيق.

كلام سليم جداً وواقعي

بس المدرب لو يترك بعض الفلسفة الي مالها داعي