الظهير الطائر ( محمد النزهان ) متى نراه مع الزعيم ؟؟ - نادي الهلال السعودي - شبكة الزعيم

عاشق الأسطورة الزرقا · #1 09/12/2003, 10:46 PM

اخواني الزعماء ,, اخواتي الزعيمات ,,

بعد التحية والسلام اقول :

صراحة انا كنت مااطيق لاعب اسمه محمد النزهان الين مرة في مسابقة كأس فيصل جات مباراة عندنا في المدينة بين الهلال والأنصار ولا لفت نظري في ذيك المباراة الا لاعب واحد حرث الملعب طول وعرض حاور وطرحوه واخذوا بسببه كروت صفر لليل

قسما ً كل اللي كانوا موجودين انذهلوا من هذا الاعب

اكيد عارفين من عنوان موضوعي اني اقصد محمد النزهان ;)

اي والله اقصده لأنه فعلا ً لاعب يلعب بروح ولا عب يحاور وكلنا شفناه في الصداقة ايش سوا بإبراهيم السويد خخخ

المهم وين النزهاااااااااااااااااااان

مااقول ان المطيري سيء لكن صراحة حرام يصير النزهان برا التشكيلة

بس خلاص

ضاوي · #2 09/12/2003, 11:37 PM

صراحة النزهان افضل من المطيري في الظهير الايسر ..

و ماشاء الله عليه جوكر يلعب في اكثر من مركز و لياقة و محاورة و رفعات
و الله زمان

سلمان العصيمي · #3 09/12/2003, 11:38 PM

اقول لايكثر بس .. ما اردأ من المطيري الا النزهان .. الحين مابزينا الغامدي وعزيز والمطيري وبربستهم تبي تجيب لنا النزهان

ما باقي الا تقول وين تركي القحطاني وعادل المطيري

تحياتي ؛؛؛

هلالي جنيف · #4 09/12/2003, 11:40 PM

تكفون فكون من النزهان وفلسفته أنا مارتحت ألا من بعد ماصرفوا لطف والنزهان برا

التشكيل وبقي المسعري وأن شاء الله يلحقهم تركي الشايع والجمعان وحسن العتيبي

ضاوي · #5 09/12/2003, 11:51 PM

ارجعوا بالذاكرة للخلف قليلاً

و تذكروا ما قدمه هذا اللاعب من عطاءات .. اهلته للانضمام للمنتخب الاولمبي سابقا

و لو تم اشراكه حاليا .. لقدم الكثير .. اعطوا الحر فرصة ياشباب

شرشبيل · #6 10/12/2003, 12:28 AM

والله صدقت ياخوي ....
ياناس والله أني أشوف في النزهان روح الهلال ....
ياناس هالولد مخلص مخلص مخلص .....وحطه في أي مكان وشف وش يسوي ...

على العموم إن شاء الله بنشوفه في كاس فيصل يرحمه الله وإن شاء الله يبدع ....

الزعيم الحقيقي · #7 10/12/2003, 01:13 AM

النزهان جوكر ونحتاجه في الوسط والظهير الأيمن ........ وما أقول إلا تسلم يمينك ....يانزهان..

@البرفسور@ · #8 10/12/2003, 01:18 AM

إقتباس


	إقتباس من مشاركة شرشبيل والله صدقت ياخوي .... ياناس والله أني أشوف في النزهان روح الهلال .... ياناس هالولد مخلص مخلص مخلص .....وحطه في أي مكان وشف وش يسوي ... على العموم إن شاء الله بنشوفه في كاس فيصل يرحمه الله وإن شاء الله يبدع ....

elgalbelazrag · #9 10/12/2003, 01:37 AM

عساه ما يرجع من جد لاعب نكبه

المعترض · #10 10/12/2003, 03:58 AM

إقتباس


	إقتباس من مشاركة elgalbelazrag عساه ما يرجع من جد لاعب نكبه

آد ديموس ابعد العلي ولم يقتنع فيه للحين تبونه يعترف با النزهان

اديموس ممتاز في اختياراته وما عنده مجاملات ولآ يامه أرحميني

وبندر ماشاء الله عليه هادئ ومتزن ويغطي منطقته بكل اقتدار وهاذاهوالاهم

ويتقن التسديد والكرات العرضيه الخطيره والمركزه منه وهو با المناسبه

مثل المنتخب وكان كابتن منتخب الشباب ومرشح الآن للمنتخب

تحياتي

ZAEEEEEEM · #11 10/12/2003, 10:35 AM

إقتباس


	إقتباس من مشاركة عاشق الأسطورة الزرقا : صراحة انا كنت مااطيق لاعب اسمه محمد النزهان الين مرة في مسابقة كأس فيصل جات مباراة عندنا في المدينة بين الهلال والأنصار ولا لفت نظري في ذيك المباراة الا لاعب واحد حرث الملعب طول وعرض حاور وطرحوه واخذوا بسببه كروت صفر لليل

اخوي العزيز,,,اللي زي النزهان وهنا اتكلم عن مستواه الكروي لا عن شخصه, اللي زي النزهان يبدعون قدام الفرق الصغيرة لأنهم تربية فرق صغيرة , ولا قدام الفرق الكبيرة يخور وتصيبه ام الركب.
الله يفكنا من طقة النزهان والغامدي والمطيري وغيره ويجير للهلال لاعبين محترفين وموهبين,,,أمين,,أمين

ابو يعقوب وبس · #12 10/12/2003, 12:32 PM

الظاهر انت تتكلم عن كارلوس !!!

طيرته في السماء وأنا أخوك !!

أنا بالنسبة لي .. إذا شفت النزهان بالملعب القولون العصبي يدهر ... !!

الحمدلله انه غير موجود الآن وبندر فيه الخير والبركه .. واتركونا من سالفة الاخلاص هذي ... نبي اخلاص + لعب !!!

اما اخلاص بدون لعب وهذا الحاصل عند النجم الكبير محمد كارلوس النزهان فخلونا منه .

الله يرحم حال الكوره اللي صارت الجماهير تنادي بعودة النزهان .... آآآآه يابو يعقوب .. تعال شف .

هلالي جمري · #13 10/12/2003, 07:07 PM

يعني لا يعجبكم العجب ولا الصيام في رجب

انتوا لو يجيبون لكم زيدان بتقولون انه فاشل وما يصلح للهلال

عاشق الأسطورة الزرقا · #14 13/12/2003, 12:40 AM

مشكووورين على التفاعل

وبالنسبة للناس اللي شتموا النزهان ,, اقول الله يصلحكم بس

نسيتم ان النزهان كان صاحب الهدف الاول في مرمى الاهلي في الخماسية الهلالية الشهيرة في افتتاح كأس المؤسس

نسيتم ان النزهان قبل سنتين هو اللي جاب الكأس قدام الاتحاد

تحياتي

AL-BEBO · #15 13/12/2003, 12:46 AM

الجري أفضل منهم الثنين