مدخل////
سئل احد الحكماء أي ابنائك احب اليك فقال:
(الصغير حتى يكبر والمريض حتى يشفى والمسافر حتى يعود )
تذكرت هذه الحكمه بعد ان رأيت من يتعصب للاعب اكثر من تعصبه للهلال العشق الأكبر ويصل الحال الى اخفاء ادوار بقيه اللاعبين وخاصة عندما يقال ان اللاعب الفلاني حقق البطوله للهلال واللعب العلاني حقق بطولات للهلال بينما العكس هو الصحيح فالهلال هو من يحقق لهم البطولات(الشهره،المال،الجاه الأجتماعي …الخ)
والهلال حقق بطولات قبلهم وسيحقق بطولات بعدهم بإذن الله .
انا لا اطالب بعدم التحيز للاعب دون آخر وإلا لما اوردت الحكمه (المدخل) ولكنني اطالب بالتعقل في التحيز وليكن التحيز الأكبر للهلال الكيان،الهلال الذي قالوا عنه:
((من اراد ان يفرح فليشجع الهلال))
((شجعوا الهلال وارتاحوا))
((الهلال يرد اعتبار الكره السعوديه امام اليابانيين))
((كل لاعب سعودي يتمنى اللعب للهلال))
((أي لاعب خليجي يتمنى اللعب للهلال))
والقائمه تطول………. ونحن نقول المقوله الشهيره ((هلاليون واشربوا من ماء البحر))
لم اكن احب ان اتطرق لهذا الموضوع لولا ماكتبه اللاعب الهلالي السابق والكاتب الرياضي المرموق تركي العواد عما يحدث بين نجوم الهلال وعتب عليه من عتب وهو صادق فيما كتبه فنحن نبالغ في مديح اللاعبين لدرجه لاتوصف.
صحيح ان لاعبي الهلال لايقارن بهم أي لاعب سعودي او خليجي وحتى اللاعبين العرب ولكن العين ماتعلى على الحاجب فالهلال ثم الهلال ثم الهلال ثم الهلال ثم الهلال ثم اللاعب ، وماهي نتيجةالمديح الزائد غير الدلع الزائد ، اليس اللاعبين بشر لهم اخطائهم ويتأثرون بكلامنا عنهم سواء مدحا او قدحا لذا فالمأمول ألا نبالغ في المديح الذي يوصلهم للغرور والتعالي على الهلال .
(( لم ارغب في ذكر امثله بأن الهلال هو الأصل وان من يلعب للهلال هو المستفيد الأول وليس الهلال لأن الكل يتمنى اللعب للهلال حتى لا ازعل بعض الإخوه عاشقي بعض اللاعبين ))
نحن في عصر الأحتراف كل لاعب سيبحث عن مصلحته ولاعب النادي سيلعب للمنافس غدا وهذا من حقه ونحن كجمهور للهلال يهمنا مصلحه هذا النادي الشامخ محليا وعربيا واسيويا وقريبا سيسجل اسمه بأحرف من ذهب عالميا بإذن الله وسترون ذلك (( تذكروا تحقيق الهلال لبطولة الصداقه الأخيره من كان يمثله من اللاعبين))
والذي اقصده اننا قد نطري على لاعب إطراء لايوصف ونجعله سوبر ستار ووحيد زمانه ثم نتحول لشاتمين له إذا انتقل لنادي آخر (((( فهد الغشيان))) ونسلبه حقه الذي اعطاه اياه الأحتراف اذا" نحن هلاليون ومصلحه الهلال هي الأهم ومن هذا المنطلق يجب ان لانرحم أي لاعب يتهاون او يتخاذل في أداء حق الهلال عليه.

هذا هو موضوعي الأول آمل ان تتقبلوه مني بصدر رحب فأنا هلالي منذ بشير الغول الى عصر الشلهوب مرورا" بمحسن بخيت وسلطان مناحي وفهد بن نصيب وصالح النعيمه والبيشي والمصيبيح وسعد مبارك وهذال الدوسري ((هداف للدوري))
والتخيفي والثنيان وسامي والتمياط والشلهوب وغيرهم كثيرون جدا" جدا" ،تمعنوا تتغير الأسماء ويثبت إسم الهلال مع البطولات.
كم أنت كبير جدا " جدا " وزعيم ودرٌه لأسيا(لقب جديد من ريال مدريد)ياهلال.

يعطيك العافيه على هالموضوع المهم ..
وصدقت .. الهلال ثم الهلال ثم الهلال ثم الهلال ثم الهلال ثم اللاعب ..

منذ بشير الغول ........ احلى يا الشايب ...... ...


..
.
.
امزح لا تزعل ..
.
. اتفق معك يا الغالي ان الهلال هو الاساس ......... والحب والاخلاص اولا واخيرا له.....بس نجوم الهلال برضو لهم معزه وحب ولولاهم لما استمتعنا بالهلال ........
........
.......
......وصدقني مافيه تفضيل للاعب على النادي ولكن المبدع لابد من التفاخر فيه .
.
.
الهلال منبع النجوم....وعرين الاسود...........

مقال رائع جداً

الهلال ثم الهلال ثم الهلال

ثم

اللاعب .

مصلحة الهلال أولاً ثم مصلحة اللاعب .

لكن تركي العواد !!!!!!!!!!!!!!

الهلال هو الهلال باللاعبين السابقين والحاليين فهو (الهلال الذي لايغيب ) مع الاعتذار للأخ عبد الله الموكاء على هذه الإستعاره

تعجبني يابو حطبة .. موضوع رائع بحق

نعم كلنا نتفق على الهلال وهذا هو الاهم ..

شكرا لك

اعتقد ان اثنينهم يكماون بعض

هلاليه سدير
الف شكر لك انت اول واحد رد على اول مقال لي مانيب ناسيك وتسلم لي.


ابو مصعب
انت عسل بس تراني منيب شايب لكني احب اتفرج على الأزرق وخاصة المباريات القديمه وعساني اشيب طالما احب الهلال.
والتفاخر باللاعب مطلوب بس لا نبالغ وهذا اللي ناديت به.


عبد الله الموكاء

تسلم حبيبي على ما كتبته وبخصوص تركي العواد مجتهدوقصده التنبيه والأصلاح.



الذئب99

طبعا الهلال هو الهلال واللاعبين هم المتغيرون ومع ذلك البطولات ماتبي إلا الهلال من يستاهلها غيره.


ياقاهرهم ياسامي

اووووووووووووووووووووووووووه منيب مصدق اني احظى برد واحد مثلك يارجل انا الاحقك من منتدى لمنتدى وما ارتاح لين القى اسمك واقرأ اللي تكتبه مره ومرات لأنه يبرد قلبي وكلام موثق.
بصراحه وبدون مجامله أنت والله اللي قاهرهم بكتاباتك الرائعه والمحمه

تسلم لي وللهلال ولحبيبك سامي يا بطل



رائد2001

الهلال كامل وهو اللي يكمل غيره صح

نعم الهلال ثم الهلال ثم الهلال لأن الكيان هو الباقي واللاعب هو الراحل
وهذه سنة الحياه وليس معنى ذلك لأنؤيد اللاعب ولانكون معه بل نحترمه ونقدره
أذا أخلص لناديه وشعاره .

حب الهلال امر مفروغ منه ..فالهلال مزروع بأفئدتنا الى ماشاء الله ..اما النجوم الحقيقيون الذين يقدمون حبهم واخلاصهم وتفانيهم وعرقهم من اجل الهلال فلهم مكانة لاتنسى ابداً ...

محمد 2000
نعم نؤيد اللاعب ونحترمه ونقدره اذا اخلص لناديه وشعاره ((كلام حكيم)) وازيد عليه ونحاسبه اذا قصر في حق الهلال
كم انت رائع يا محمد 2000 (( الأسم صح ،عسى مانيب مخطي))



عايش العنزي
ياسلام عليك كلام رائع بحق... النجم الحقيقي من يجعل لنفسه مكانه دائمه في نفوسنا نحن عاشقي الهلال بحبه وتفانيه في خدمة الهلال

عين العقل وعداك العيب يا ابو حطبه

كلامك في محله .. و بعدين انت منتب شايب و انت تعرف منهو ابوحطبه .. اكيد انك من جيلي .. و يمكن الوحيد في هذا المنتدي اللي بيعرف "جورح سميث, فصفص, غازي سعيد, بداح , ناجي, فواز .... الخ" وانا متاكد انك حاضر اول مباراه يلعب فيها فهد المصيبيح, حسين البيشي و سلطان المهنا دفعه وحده

وبعدين كم استمر جورج سميث مع الهلال .. الله يا زمان .. المدرب يجي قبل ما يبدأ الموسم .. و لا يحكمون عليه من اول مباراه .. و يطردونه

ان شاء احد يكتب مقال عن المدربين و الوقت اللي يحتاجونه لكي يتعرفون على اللاعبين .. و تحديد طريقة اللعب التي سيقومون بتدريب اللاعبين عليها

سامي ثم سامي ثم سامي ... علشان مايزعلوا مننا بعض الناس..

اخي العزيز ابو حطبه
صراحه و بدون مجامله بدايه قويه و موضوع اقل ما يقال عنه رائع رائع رائع.... نعم ياليت كل جمهور الهلال يفكر كذا

اتمنى من الجمهور الهلال الرقي بتفكيرهم ... وعدم التعصب للاعب بعينه ... فنحن عرفنا الهلال قبل اي لاعب .. عشقنا الهلال قبل عشقنا للاعب معين .... نعم الهلال الهلال الهلال ...ثم اللاعبين

اشكرك مره اخرى على الطرح الممتاز واهنيك على رقيك في التجيع الحضاري.....