أحبتي الغاليين...السلاااااااااام عليكم ورحمة الله وبركاته....

&...العيد..<مال قبل>..على قولة اخوانا الخليجيين...
هل اختلف عن وقتنا الحاظر...؟؟


*انا اتذكر جيدا...كان العيد بالنسبه لنا يعني الكثير..في طفولتنا..
كنا نفرح بثوب العيد..ولبس الجديد...
كنا نلهو في الطرقات...ونعايد بعضنا...
والاهم في ذلك الوقت...كانت<الحوامه>...وهي من مظاهر العيد..
والتي كنا نجمعها من بيت الى بيت...
وكنا نردد..معها تلك الانشودة الجميله...:
عطونا عيدنا..عادت عليكم بالحال الزينه.............
نوقف الحمار والا نمشيه......!!
وكنا نعني بتلك الجمله:
<بتعطونا عيديتنا...ولا نروح>...
وكانت <الحوامه>...عبارة عن:
قريض
سيسبان
حلاو<احمر واصفر>..
واذا اهل البيت كريمين:يزيدون عليها < عملة من فئة اربع قروش>..

&&&&&&&&&&&&&&
وكنا نحوم طول النهار...< لذا اطلقت عليها..الحوامه>...
ويوم يجي المغرب...الا وحنا في فرشنا..<قصدي الدواشك>..

والدواشك:هذه عبارة قطعة من الاسفنج..<طبعاهي للي اهلهم فاتح عليهم..>

اوالمطرحه القطنيه: وهي عبارة عن فراش بالوان متعدده منها الاحمر والاخضر..

ومن يوم يجي اليوم الثاني...ومن الصبح..وحنا نحوم..في السوق..
وعلى نفس البيبان....
ويالله كل واحد يروح لبيته...ويشوف كم جمع من كيس....
واذا كان ذيك الايام العيد بالصيف....
الله لاتخلينا من الايسكريم ابو باغه....
طبعا كنا نسميه: عسكريم...مو ايسكريم....
&&&&&&&&&&&&&&&&&&
هذا كان عيدنا< مال قبل>....!!

ام العيد اليوم فحدث ولاحرج....الا مشاء الله....
فتجد نفسك من اول يوم..اذا تبي تعايد رفيق لك...
قالو لك...<الرجال في سابع نومه>..!!

والعيديه الان...صارت<دراهم>..اللي <خمسين>..واللي <خمسمائه> ريال..
طبعا عيدية الدراهم...مو كل طفل يفرح فيها...
ثم نجي< للشروخه>...اللي ابتلينا فيها...
اما طفل مصاب...والا بيت محترق....!!
ماصار عيد....صار ميتم...!!:54::54::54:

ولا اذا جيت بتروح لصلاة العيد....
هذا في سيارته ام يشتمك..<يبي يساقط>...
والا واحد بقميص النوم...<تقول مغصوب>..!!
وفلان سهران طول الليل..<عيده يجيب صحن فول..وشكشوكه>...!!
طبعا المضاهر اللي ذكرتها ليست عامة...ولكنها ظاهرة ..نراها مع كل عيد...
فهل رحل العيد عنا....ام نحن من رحل عنه...؟؟
الباقي عليكم ....عطونا عيدنا عادت عليكم......وكل عام وانتم جميعا بالف خير......وعسااااااكم من عواده.

صحيح عيد مال قبل هو أحلى

مشكوور أخوي على الموضوع والله يعطيك العافية

[ALIGN=CENTER]

إقتباس أحبتي الغاليين...السلاااااااااام عليكم ورحمة الله وبركاته....

هلا وغلا بأبو فيصل...
وعليكم السلام ورحمة الله وبركاته..

إقتباس *انا اتذكر جيدا...كان العيد بالنسبه لنا يعني الكثير..في طفولتنا.. كنا نفرح بثوب العيد..ولبس الجديد... كنا نلهو في الطرقات...ونعايد بعضنا... والاهم في ذلك الوقت...كانت<الحوامه>...وهي من مظاهر العيد.. والتي كنا نجمعها من بيت الى بيت... وكنا نردد..معها تلك الانشودة الجميله...: عطونا عيدنا..عادت عليكم بالحال الزينه............. نوقف الحمار والا نمشيه......!! وكنا نعني بتلك الجمله: <بتعطونا عيديتنا...ولا نروح>...

عيشتنا يابو فيصل بأحلى جو... وهيضت مشاعرنا.. على زمان فات ياليته يعود
مأخفيك اني يوم قريت كلامك تأثرت كثييييييييييير..

إقتباس ومن يوم يجي اليوم الثاني...ومن الصبح..وحنا نحوم..في السوق.. وعلى نفس البيبان.... ويالله كل واحد يروح لبيته...ويشوف كم جمع من كيس.... واذا كان ذيك الايام العيد بالصيف.... الله لاتخلينا من الايسكريم ابو باغه.... طبعا كنا نسميه: عسكريم...مو ايسكريم.... &&&&&&&&&&&&&&&&&& هذا كان عيدنا< مال قبل>....!!

ياحلو العيد قبل .. كل شي له طعم
كل شي له نكهه خاصه.. قلوب متحابه ومتصافيه
قلوب تضللها المحبه والقلوب الطاهره..
ياليت لنا عمر ثاني كان نرجع نعيشه وحنا أطفال...
صح لسانك ابو فيصل... كلام لامس وجداني وعشته بكل لحظه
ومن حلاوة الموضوع قريته أكثر من مره

إقتباس والعيديه الان...صارت<دراهم>..اللي <خمسين>..واللي <خمسمائه> ريال.. طبعا عيدية الدراهم...مو كل طفل يفرح فيها...

صدقت يالغالي..

إقتباس طبعا المضاهر اللي ذكرتها ليست عامة...ولكنها ظاهرة ..نراها مع كل عيد... فهل رحل العيد عنا....ام نحن من رحل عنه...؟؟ الباقي عليكم ....عطونا عيدنا عادت عليكم......وكل عام وانتم جميعا بالف خير......وعسااااااكم من عواده.

للأسف نحن من رحل عن العيد
افعالنا وتصرفاتنا هي التي تغيرت ,,, هي التي غيرت حلاوة العيد وجماله
والمسؤليه عامه ...
اسعدني رؤية قلمك المبدع ياخالد الانصاف...
وكل عام وانت بالـــــــ 1000 ـــف خير يالغالي
والله يعيده عليك وعلى المسلمين اعواما مديده
أختك / شهد [/ALIGN]

الـحـاتـمـي ..



مــر مــن هــــنـــــا .....


ويـقـول : فرق بين عيد الحين وعيد زمان ,, وعيد بن شاكر !!


بس العيد في القرية أحسن لأن الأقارب غالبا ما يجتمعون عند الكبار الذين

يسكنون القرى ويفضلونها على زحمة المدينة ;)

اخوي الغالي: saudi2002
شكرا لمرورك وتفاعلك....,,
وكل عام وانت بالف خيرررررررررر..,,,


الاخت الغالية: شهدالدلوعه

تسلمين ياغالية....وعساكم من عواده...يارب...وكل عام وانت والاسرة الكريمة بالف خير...,,,

إقتباس عيشتنا يابو فيصل بأحلى جو... وهيضت مشاعرنا.. على زمان فات ياليته يعود مأخفيك اني يوم قريت كلامك تأثرت كثييييييييييير..

ومن منا لايتأثر لتلك الايام.........وعلى كل حال ماطافنا شي.....
شدي حيلك بهاالعيد.....واجمعي حولك احبابك...وحاولي تطبقين افكار قبل هالسنه....

إقتباس اسعدني رؤية قلمك المبدع ياخالد الانصاف... وكل عام وانت بالـــــــ 1000 ـــف خير يالغالي والله يعيده عليك وعلى المسلمين اعواما مديده أختك / شهد

ومن يقول....ياغالية....
وانا اسعد بردك اللطيف....
فقد توقفت امامه كثيرا.....,,,
تحياتي لك.....,,


الاخ الغالي: الحاتمي
ياليتك قبل تمرررررررررر....,,;)

إقتباس فرق بين عيد الحين وعيد زمان ,, وعيد بن شاكر !!

صدقت اما بن شاكر هذا يبيله من يغصصه بقريض.....

إقتباس بس العيد في القرية أحسن لأن الأقارب غالبا ما يجتمعون عند الكبار الذين يسكنون القرى ويفضلونها على زحمة المدينة

صدقت....بالقرية له طعم..وذكري....
بس لاتنسى وانا خوك بعض المدن الان لازلت تطبق العادات الماضية....
فمثلا في اغلب مناطق الرياض..الان
يجتمعون اهل الحارة...من بعد صلاة العيد وكل شخص مشمر ساعديه وجايب عيده....

وكل عام وانا خوك وانت بالف صحه وعافية والله يعيده علينا وعلى الامة الاسلامية بالخير والبركة..,,

كل عام وأنت بألف خير

وعساك من عواده بصحة وعافية ،،،

اخوي الغالي: ذواق الفن السامي

كل عام وانت بالف خير....
والله يعيده علينا وعلى الامة الاسلامية اعوام عديده....

مثمنا لك مرورك..,,,

هلا بالغالي محترف توقيعات

بصراحه كلماتك هذي خلتني أسترجع أيام الطفولة في العيد

" سيسيبان , حلاو اصفر وابيض ", الله ما أجمله من تعبير

تحياتي لك اخوي

وكل سنه وانت طيب