السلام عليكم


وهكذا ..... رحل اخر لاعبي الجيل الذهبي للكره السعوديه والأفضل عالميا يوما ما , ايه نعم ابو يعقوب في يوم ما كان أفضل من زيدان وريفالدو ...الخ. لكن لأنه سعودي ما خذ حقه من الشهره للأسف !

المهم الان حفل الأعتزال , وانا قريت من بعض الأخوان يطالبون بفرق أوروبيه شهيره وانا ضد هالفكره لعدة اسباب منها المبالغ الهائله الي راح تصرف للفريق الأوروبي , والمباراة ماراح يكون لها طعم توديع اللاعب لان شهرة الفريق الأوروبي راح تغطي على الحدث الأهم لنا وهو توديع الثنيان .

انا أرى انه تكون مباراة بين الهلال و منتخب سعودي مكون من بعض لاعبي الجيل الذهبي للكره السعوديه او كلهم مثل ( فهد الغشيان , فهد الهريفي , فؤاد انور , طقها وألحقها او زليخه , الخليوي , عبد الجواد , خالد مسعد , احمد جميل ... او خلونا نقول منتخب 94 ) , وفي الشوط الثاني يلعب مع المنتخب اللاعبين الجدد الي شاركوا مع الثنيان في 98 و في اسيا 96 .

وللذكرى ممكن يشارك حارس منتخب الكويت , او المدافع الصيني الي سحب به الثنيان على وجهه , او الحمران , ويكون حارس المنتخب مضحي .

منها اوفر مالا وأمتع للمشاهد

انا هذا رأيي وياليت نسمع ارائكم

تحياتي

هذا رائيك

لا بد ان نسمع آرى الأخرين ..

انا رائيي هو اللعب مع المنتخب ضد منتخب أي دوله والأفضل منتخب مصر العربيه وتكون من

استعدادات المنتخب السعودي لدورة الخليج الخامسة عشر بالكويت ويكون اللقاء على درّة

الملاعب .. هذا الأول ..

الرائي الثاني : ان يقابل الهلال فريق جماهيري هنا من أندية السعوديه مثل (( النصر أو الأهلي

أو الاتحاد )) او فريق اجنبي من أي دولة ..

[ALIGN=CENTER]اولا يجب ان يكون الهلال طرف فيها
ثانيا الفريق الآخر لماذا لا يكون نجوم العالم ( نجوم العالم صحيح مثل زيدان- رونالدو- بيكام - كارلوس - اوين - راول ....الخ) بدل من منتخب او نادي
ثالثا مشاركة عبد الهادي ما فهمت منها شي انتو فهمتوا [/ALIGN]

مع احترامي لك .. رأيك ماعندك أحد !!!!

بس لازم أقولك : وجهة نظر لابد من احترامها ..


تحياتي لك حبيبي ..

إقتباس إقتباس من مشاركة صحن قلابه وللذكرى ممكن يشارك حارس منتخب الكويت , او المدافع الصيني الي سحب به الثنيان على وجهه , او الحمران , ويكون حارس المنتخب مضحي . منها اوفر مالا وأمتع للمشاهد

فكرة بطرانة

ابو زياد

إقتباس وتكون من استعدادات المنتخب السعودي لدورة الخليج الخامسة عشر بالكويت

المنتخب ضد اي منتخب ممكن , لكن تكون ضمن الأستعدادات لخليجي 16 هذي قويه في حق ابو يعقوب , الحفل خااص بيوسف .

إقتباس ثانيا الفريق الآخر لماذا لا يكون نجوم العالم ( نجوم العالم صحيح مثل زيدان- رونالدو- بيكام - كارلوس - اوين - راول ....الخ)

على كذا الجمهور بيحضر لمشاهدة نجوم العالم مش لمشاهدة يوسف يودع الملاعب صح ولا لا ؟ الحدث هذا لازم يكون خاص بيوسف الثنيان .

إقتباس رأيك ماعندك أحد !!!!

=

إقتباس وجهة نظر لابد من احترامها ..

!!!!!!

أنا رأيي إن يلعب فريق الهلال مع فريق نجوم العرب

ابو يعقوب يبغاله اعتزال تاريخي يليق بسمعته

و يا اخ قلابه ليه وش شايف جماهير الهلال يوم تقول ما راح تحضر فرضا الا اذا جا فريق اوروبي الى هذي الدرجه تستهون بجماهير الهلال و الله راح يمتلي الملعب ولو لعب الهلال مع المريخ السوداني( مع احترامي)

و انا احترم وجهة نضرك بس اخالفها في الاسماء الي ذكرتها

تحياتي

لو يلعب الهلال مبارة مع فريق اوروبي يستضيفه يكون احسن او مع منتخب له الشهرة الكبيرة البرازيل المانيا مع احد المنتخبات العريقة
او مع منتخب نجوم العالم
او مع منتخب نجوم العرب
او مع فريق محلي كبير
وبـــــــــــــــــــــــــــــــــــــــــــــــــــــــــــــــــــــــــــــس!!

انا اشوف ان اعتزال نجمنا الكبير لازم يكون في مستواه ومستوى الهلال

نادي عالمي كبير ونجوم عالميين يشاركون مع الهلال في المباره مع مشاركة نجوم سعوديين

نبغى حفل اعتزال يليق بنجمنا الكبير نجم النجوم

و الله أنا برأي يكون منتخب نجوم العالم مطعم بنجوم المنتخب القداما صح إنو النجوم العالمين ممكن هم يلي ياخذو الأضواء من أبو يعقوب بس لمن أبو يعقوب مثلا يسحب روبرتو كارلوس شوف إيش بيصير بالملعب هادي ناحيه و من ناحيه تانيه الجمهور أكيد بيكون مملي الإستاد بالكامل فأكيد النادي راح يستفيد من دخل التذاكر و لا أنا غلطان دعم للنادي بنفس الوقت استمتع و متع غيرك

نحترم رأيك اخوي بس انت تقول انه المباراة مع فريق اوروبي تكلف مبلغ مالي وقدره ...

تتوقع انه الثنيان ما يستاهل المبلغ اللي بيندفع مقابل اعتزاله !!! عجبي عجبي عجبي

انا اتوقع الاخ عبدالهادي خانه التعبير او جهازه جديد ..
ثاني شي بنت الزعيم وش هالتوقيع...روقي مانبي سياسه وهالحركات ...
ثالث شي فكره فريق اوروبي ترى من جد سخيفه لاني يجي وياخذ فلوس ويدق خشمنا ولا يلعبون من قلب زي ماسوى اي سي ميلان مع الاتي..
..كلام اخونا جميل واؤيد مشاركة حسن حمران بالذات ولكم جزيل الشكر ..
تحياتي

ياحبيبي أنا احترم وجهة نظرك ،، لكن جميعنا يذكر اعتزال الأمبراطور صالح النعيمة وكانت المباراة ضد نجوم العالم ومع ذلك لم يسحبوا البساط من النعيمة وودع الجمهور صالح بحرارة التصفيق والدموع ،، وثاني شيء أبو يعقوب يستاهل يدفع له ملايين في حفل اعتزاله ،، ونريد حفل اعتزال يليق بسمعة هذا اللاعب ،، ولعل تذكر اعتزال الطلياني عدنان وكيف بدأ الإعلان عنه منذ أشهر قبل وقته والنجوم الذين تم دعوتهم لهذا الاعتزال مع إن الطلياني لم يقدم للإمارات نصف ماقدمه الثنيان للسعودية ،،،

يعني بالعربي نريد حفل اعتزال خرافي يكون أفضل حفل اعتزال على مر التاريخ ،،،،

وابو يعقوب يستاهل أكثر ،،،،،،،،