[ALIGN=CENTER]ابو خالد هذا ولد خالتي اكبر مني بسنه
كان دايم واحنا بالمرحله الثانويه يقولي وش الفايدة من دراستنا اذا مالقينا جامعه تضفنا
اقول ليه هالتشائم يقول والله انت المتفائل او انك اعمى
ما تشوف البشر المنطله اللي تدور مكان يضفها مو لاقيه
المهم الرجال تخرج وتوفق ودخل الجامعه
وقلتله شفت هذا انت لقيت مكان يضفك
سكت
كملت انا الثانويه ودخلت الجامعه
وفي يوم من الايام كلمني وقال من خلال خبره سنه اولى بالجامعه
احس اني ماراح امشي فيها واحس انك مثلي
قلتله يعني المقصد
قال نفتح مشروع انا وانت علشان اذا ما مشينا بالجامعه يكون ورانا نشي نترزق منه
قلتله اهاااااااااااااااااا مشروع مره وحده
نورنا الله يخليك ما فهمت
قال مشروع مضمون النجاح
نفتح بوفيه شكشوكه وطعميه وكبده وعصاير طازه
ونجيب لنا بنقالي يمسكها ونسير عليه في الوقت الفاضي مره انا مره انت
ساعتها الدنيا صارت سوداء بوجهي وقلتله والله لو مو انت ولد خالتي لاكون ذابحك من زمان
وطول ها السنوات وهو يطلع بمشاريع زي وجهه وخصوصا الفتره اللي نكون حاذفين فيها اترام
الفضاوه تكبر والخيال عنده يسرح
مره بوفيه ومره محل جوالات ومره خياط ومره كفي ينافس ستاربكس
المهم طبعا من كثر الدجه فارق السنه اللي بينا تلاشى وتخرجنا من الجامعه في نفس الترم
وبدت الرحله
طبعا جرايد نقراء وما نفارق الانترنت ننتظر الشركات تعلن
وكل مكان يقولون فيه وظيفه نروح طيران نقدم
والنتيجه طبعا نتصل عليكم او يصرفوننا
المهم جاتنا حاله لا مبالاة صرنا ما نروح نقدم الا بعد اصرار من الاهل وتتطلب
دايم يقولون
يمكن ربنا يرزقكم يا عيال
(ونعم بالله)
اعلنوا عن وظيفه في قطاع صحي بالرياض وكان لازم اول شي اختبار انقلش
قدمت اول يوم وقدم هو اليوم الثاني
اختباري بعد اسبوعين وهو بعد ثلاثه( ابو خالد حاسبها صح) ;)
وعطونا ورقه للاختبار وعليها صورنا
ورجعنا للشرقيه ويوم قرب الموعد رحنا ووصلت القاعه المخصصه للاختبار وناد المنادي ورحت راز وجهي ومعطيه الورقه الصورة صورتي والاسم مو اسمي
طالع فيني وقالي ركض على مكتب الاستقبال صرف عمرك والا بيفوت عليك الاختبار
ومطامر الين هناك والاقي المكتب فاضي وفجاءه تطلع الحسناء الفلبينيه
موظفه بالمكتب
وكلمة مني وكلمه منها المهم فهمت وعدلت الورقه ورجعت ركض الين القاعه كان ياخذني ويختبرني لوحدي وتاركني انا والجدران والورقه
عاد هناك فيه واحد ملقوف كل شوي يطل فيني ويروح
وبالاخير تملك الجرءه وتفلسفس علي بالاتقلش
وقالي لو سمحت
english test or major test
قلت خلني اقهره شوي ورديت عليه بالعربي وقلتله لا اختبار تخصص
المهم هو انقهر مدري ليه ;)
خلصت الاختبار والحمدلله كان حلو
اول ما طلعت الا ولد خالتي يستقبلني ويقول هاه بشر
قلت الحمدلله تمام
قال مالت عليك اسائل عن الاختبار سهل يمديني انجح فيه والا لا
قلت بصراحه هو سهل بس عليك انت واشكالك صعب
الرجال شال الفكره من راسه وهون ما دخل الاختبار
ورجعنا الشرقيه واول ما وصلنا والاهل يقولون فيه تقديم في الجبيل الحقوا
المهم تمرني امرك قال انت بيتكم على الطريق امرك انا
مرني الساعه خمسه الفجر
وطلعت معاه
وقال وين تبينا نفطر قلت الحمدلله انا فاطر ومخلص
قال جعله بالسم
وحطيت راسي ونمت ولا عاد صحيت الا يوم وصلنا نزلنا نقدم وعطيناهم اوراقنا
خذوا ارواقه ورجعوا اوراقي وقالو تخصصك غير مطلوب
يا حسافة القومة من النوم
المهم ولد خالتي العزيز
مامعه صور وقالوله دبر عمرك تصور وتعال
طالع فيهم وقالهم تنفع صور خويي
شاف النظره بدت تختلف قالهم اسف شوي وارجعلكم بالصور
انا من دخلت السياره وانا نايم
والرجال ما غير يلف يدور استديو يتصور فيه
وقعدني من النوم وقالي لقيت استديو لكن ما يفتح الا بعد ساعه
طالعت فيه وقلتله انت رجال تصرف وشوله تقعدني
لانه لو طولها
خرب علي اي شي الا النوم
انا ما ادري وش صار معه ما صحيت الا عند باب بيتنا
طالعت فيه وقلتله اشوف الصور
قلتله قابلني اذا قبلوك على هالصوره
تفضل الغداء معنا قال بروح بيتنا مني منه دخل الرجال
وسوالف وصل اخوي يسولف هو واياه سوى
انا اخذت الاذن ورحت نمت
طبعا هو ما اذنلي :p
بس ما فكرت فيه
وذاك اليوم ادق عليه واقوله تعال لقيت لنا واسطه بتوضفنا في شركه
ما صدق لان له نضره يقول ما احد يتوسطلك الا اذا بيستفيد منك ;)
رحت انا واياه وقابلني الشيخ الفلاني
وتراحيب وكلام تسمعه تحس انك شيخ عليه
كلام تسمعه تحس ان الوظيفه في يدك
قال بدخلكم اختبار
واسطه واختبار
ولا اشترط نحصل في الاختبار اكثر من 80%
والله يا شينها من واسطه
قاله ولد خالتي اذا حصلنا فوق الثمانين ما نبي واسطتك
قاله اوكيه رح اختبر وحصل فوق الثمانين وهذي دقني لو توظفتم
تداركت الوضع
افا يا بو فلان وراك زعلت الرجال يمزح معك وانتم الخير والبركه
مشاها وعطونا موعد واختبرنا وحصلنا فوق 80%
وكل يوم وانا اسمع صوت ولد خالتي وواسطة المهايط مالها لا حس ولا خبر
وبعد عناء خمسة اشهر والشهاده لله انها فترة قصيره للباحثين عن وظيفه ;)
توظف ولد خالتي وانا بعده باسبوعين
ومن يومها وبعض الشركات تتصل عندكم اختبار في الشهر القادم
احيانا نرد بهدوء وسعه صدر واحيانا نتغلى ونشوف نفسنا
[/ALIGN]
[ALIGN=CENTER]من ابزر اللي اتصلوا علي القطاع الصحي
اتصل الموظف وقالي مبروك عندك مقابله شخصيه
قلتله بشر باي قسم
قالي بالاطفاء
قلتله يالحبيب من انت
وداق علي متاكد والا على غيري
الا والله الرجال جاد ما يستهبل
عاد انا مدري هم يصرفوني والا محتاجين لقدراتي
المهم انا قفلت منه ولا عبرته
وظيفتي في يدي
[/ALIGN]
انا وابو خالد ورحلة البحث عن الوظيفة 
الوضع العادي
