ههههههههههه سبحان الله كنت متوقع ان هذا هو ردك
مشكلتك عزيزيalhawey 11 وغيرك من الاخوان مشجعين الهلال اللي يقولون سامي انتهى انهم مايدرون وين وكيف سامي انتهى .. هو انتهى وبس ولا احد يسالني ليه ووشلون
اذا كنت ما تذكر انا اذكر
..
من وين تبي نبدا ؟
اظن انه من العباطة
مناقشة مستوى سامي من عام 98 الى 2001 لان ابداعه ما كان له حدود خلال هالسنوات ابتداء بنهائي 1418 وابداعه مع المنتخب في استعدادات كاس العالم ومباراة انجلترا
ومرورا بنهائي كاس القارات 99 ومستوى سامي في ذاك الموسم 1419 مع بشار والشلة
اللي انتهى نهاية سيئة بسبب الزياني
ثم عام 2000 التاريخي في الهلال ومساهمة سامي بشكل فعااااااااال وحقيقي في 3 بطولات من اصل 4 ( المؤسس والاسيوية وولي العهد)
وانتهاء باجمل مشاركات سامي مع المنتخب والمتمثلة في التصفيات النهائية لكاس العالم اللي كانت 2001
والمستوى الغير طبيعي اللي لسامي في ذيك السنة
ترى راح عليه سنتين بس !
اذا كنت منتب مقتنع بالكلام المختصر اللي فوق تكفى قل لي عشان افصفص لك المباريات مباراة مباراة
.. عموما اتوقع انك مقتنع
بعد كذا مرحلة ثانية .. هي عام 2002 واللي كانت العلامة الفارقة فيه فضيحة كاس العالم
اذا كنت تحمل سامي مصيبة المانيا تكفى قل لي عشان افصل في هالنقطة
رجع سامي مصاب ومريض ومتعب نفسيا والله لا يلومه بعد ما حملوه الجهلة وزر فضيحة المنتخب
بعد مارجع سامي لعب 3 مباريات حلوة قدام الرياض والاتفاق ( روعة كان مستوى سامي مع الاتفاق ) والنصر
اصيب سامي في مباراة النصر على ما اظن او في التمرين اللي بعدها وتفاقمت عليه الاصابة بعدها بشكل كبير بسبب اصرار بلاتشي على مشاركته متحاملا على اصابته سواء في الدوري او في الخليجية
ترى الكلام هذا كله حقيقي وموثق اذا ودك اوثقه وثقته
بعدها سامي حس ان السالفة ماتسوى عليه وان تضحيته باللعب اضرته كثيرا فتعالج علاج طويل الين رجع في نهاية الموسم في نص نهائي كاس ولي العهد مع الاتحاد
وجاب قول
صحيح انه ما ادى ذاك الاداء .. لكن مايلام اول مباراة بعد الاصابة
ثم لعب سامي بعدها 3 او 4 مباريات كلاعب بديل وكان مستواه معقول جدا قياسا على فترة ابتعاده
نجي لهالموسم 2003.. قبل لا يبدا الموسم اساسا اصيب سامي اصابة قاسية بغت تذبحه
ولا لعب حتى الان اكثر من ساعة مجتمعة فهل من العقل الحكم عليه ؟؟ وان كان ماقصر نوعا ما وانقذ الفريق في مباراة الرياض
نرجع لعام 2002 ولو سلمنا جدلا انك تبي سامي سوبر مان وحتى لو هو مصاب يصير احسن لاعب
تراه يابعدي موسم واحد
وهل من المنطق انك تقول ان لاعب انتهى وتطالبه بالاعتزال من خلال موسم واحد ؟ على فرض انه من الغبااااااااااااء مناقشة مستوى سامي عام 2001
وما قبله
اخويalhawey 11 اتمنى انك قريت ردي السابق بعقل متفتح
انتظر ردك مرة ثانية
لكن أغلب المباريات الاخيره لسامي لم يقدم فيها ماهو مرجو منه( تسبب سامي في ركلة جزاء لايعني انه يقدم مستويات رائعه ) , بالتأكيد لم أبني هذا الرأي الا عن متابعتي المستمره للفريق وليس كره أوحقد كما يظن البعض
؟؟
الوضع العادي
