جلست امام التلفزيون في انتظار مباراة الهلال مع الرياض وفي نيتي محاولة كشف النقص او الخلل الي نشوفه في نادي الهلال .....( مسوي بكنباور ؟؟ ) ..
المهم الي لفت نظري فعلا صراحه اسلوب دفاع ((( فهدالمفرج ..))) ذلك النجم المظلوم اعلاميا
مشكلتنا اننا نحكم على اللاعب من غير مانتأكد من غير مانحصي كم كورة شال وكيف خلص الكورة هذي ..وكيف اسلوب وقفاته وكيف ارتقاءه وتخليصه للكرات الهوائية ..ياشباب الدفاع هو قبل كل شيء وين توقف في اثناء الرفعات الجانبية كيف وقفتك تنظر الى المدافع الي دخل المنطقة اثناء رفع الكورة ولا تنظر الى الكورة بس ..وفيه مدافعين والله عيونهم على الكوره المرفوعة بس والمهاجم متروك لوحدة ...يسجل بسهولة ؟؟؟؟؟؟
وفيه مدافعين اذا دخل مهاجم منطقة الجزاء بشكل سريع تجده يتزحلق عليه يبغى يطلع الكوره ويكسره وياخذ بلنتي ..فيه مدافع في الهلال اسلوبه كذا ..وماابغى أ ذكر اسمه منعا للأحراج
وفيه مدافع ثاني جيد في التغطيه من غير كره لكنه سهل جدا رقيق اكثر من اللازم مع المهاجم يعني يخليه يفر نفسه ويجهز نفسه ويشوت على راحته يعني مافيه خبث يدفه كتف يضايقه بيده على الأقل بالأستناد عليه كما ان ذلك المدافع يسحب بسهوله اذا واجه اصحاب المهارات الفرديه العالية
ولن اذكر اسم ذلك المدافع كذلك...
فهد المفرج لاعب متحفز دائما يعني مستعد لأي كوره بأي شكل من الاشكال...حماسي حماسي جدا

فوق ذلك كله ثقه في نفسه .....وأحنا نعاني جدا من عدم الثقة في بعض لاعبيننا ..شيء ثاني ..فهد لاييأس ابدا لو كانت النتيجه على الهلال 6 / 0 فتجده شاد حيله بكل قوته وكأن النتيجه صفر صفر

غير كذا ارتقاءه عالي جدا ..وليس فقط الأرتقاء يكفي...!! فعبدالله الجمعان ارتقاءه عالي لكن هل يحصل على الكوره ...؟؟؟ وأن حصلها فهي في المدرجات ليش ..لأنه يضرب براسه وعيناه مغمضه او انه لم يوقت للكوره زين ...هذا الي اعنيه اما فهد فضربات رأسه جيده وأرتقاءه بتركيز وعقل ..هذا ضرب مثال لضارب الرأس الجيد ..فقط ..وليس له دخل بتغيير الأماكن مثلما اشار بعض الأخوه في موضوع سابق عن نفس اللاعب ونفس الموضع .؟؟؟؟؟!!!!!!
الخلاصه : فهد المفرج هو الخليفه الأول للجنرال وأيضا هو مؤهل الأكثر باللعب بجانبه ....
هذا لايعني انه ليس لديه نقاط ضعف وكل لاعب لديه نقاط ضعف ..لكن نبحث عن الأقل اخطاء ..
ونذكرلكم نقطة ضعفه ..الوحيدة ( اذا خرج خارج المنطقه بمسافه ليست بالقصيره وهنا تظهر نقطة ضعفه فقط في المساحات الواسعه جدا ..حيث انه لايستطيع اللحاق بمهاجم اخذ عزمه بالسرعه العاليه جدا هنا يكون فهد المفرج خلفه بأمتار كذلك .....وهذا عموما لايحصل في كرة القدم بشكل كبير
الا في اوضاع التسلالات البعيده المدى فقط ..... فيجب على فهد معرفة نقطة ضعفه هذه الأحتراز منها ... عموما ورغم ذكر هذه السلبيه الا انها لايمكن ان تمسح امكانياته في التخليص والمراقبة الجيده والتوقيت والتيقظ الذي يشتهر به ولم يضر كويمان الهولندي والداير البرازيلي ودونجا البرازيلي ذلك الضعف ابدا ولم يمنعهم من النجومية الخالصه ... كاسحة اللألغام الهلالية فهد المفرج ..وهو بالفعل امبراطور يذكرنا كثيرا بحماس الأمبراطور الأول صالح النعيمة
اقول لفهد واصل يافهد لما خططت له وحاول ان تطور من مهاراتك وفكرك الكروي وتعلم من اخطاءك والحياة ليست زهور فقط لكن مع الزهور اشواك

يكفي الروح التي يمتلكها هذا اللاعب و التي لو وزعت على جميع لاعبي الزعيم لكفتهم لمواجهة أقوى الفرق العربية و الآسيوية. إلى الأمام يا فهد.

[ALIGN=CENTER]مساء الورررررررررررررررررررررررررررررررررررررررررررررررد


فهد قدم أداء مُذهل في لقاء الرياض ..

ويجب على الجماهير الهلالية إعطائه حقه [/ALIGN]

المفرج ما قصر

والله يعطيه العافيه

حتى هدد مرمى الرياض