- في البداية مبروك الفوز المهم و الصعب على فريق الرياض و الذي جاء بمباركة من شركة الكهرب و التي ابت الا ان تساهم في عملية اعادة الهلال .
لأن الفريق بعد عودة الكهرب تغير بشكل كبير و شكل ضغطآ هجوميآ على فريق الرياض من كافة الجهات , لدرجة اننا قلنا يا ليت كل يوم يطفى الكهرب
- هذي اول مباراة اشاهد فيها هلال اديموس على الطبيعة >>>>> طبعآ اول مباراة و طفى الكهرب اقول ورا ما تقعد ببيتكم احسن
و بصراحة قلت بيني و بين نفسي ما ينلامون الشباب الي ينتقدون المدرب منذ مبطي
- مشكلة اديموس برايي هي عدم قدرته على اختيار التشكيل المثالي في كل مباراة يلعبها الفريق , اضافة الى عدم تقديره لفرقاطة النجوم الزرقاء و استغلاله لها بالشكل المطلوب .
- منطقيآ في مباراة الرياض و بسبب غياب سيسيه , كان لا بد من وجود صانع لعب او بالأصح كان لا بد من نزول سامي منذ بداية المباراة . فعمر الغامدي ليس لاعب مبتكر للهجمات او صانع لعب و لكنه مخرب لهجمات الخصم .
- لعب المدرب براسيي حربه و لكنه قتل الوسط بعدم وجود الممول لهذا الثنائي .
- نقطة ايجابيه تسجل للمدرب و هي انزال سامي و نواف بنفس الوقت و بتوقيت جيد مما كان له مفعول نفسي سلبي جدآ على لاعبي الرياض >>>> حتى انا طقتني النفاضه يوم شفت الذيب و الفتى الذهبي على خط التماس
- متى يعرف اديموس انه مكبل الهلال من افتراس فرق الدوري و بسهوله . و الا بالله واحد عنده احتياط مرعب و يفوز على الرياض بصعوبه .
- سامي صانع الفرح الهلالي الدائم
- انطلق الذئب بعد تسجيل الهدف متجهآ قرب احتياط فريق الرياض معبرآ عن فرحته
لحاجة في نفس يعقوب >>>> اكيد فيه واحد مضيق صدر الذيب و حب يسلم عليه
- هل نسمع او نقرآ قرارات فنيه بخصوص ما حدث من لاعبي الرياض و ادارييهم
- نواف دائمآ و ابدآ لاعب يغرد خارج السرب ;) >>>> الف حمد الله على السلامه يابو بندر
- بعد ان طفى الكهرب على الملز , هل يدرك اديموس ان الجماهير و الملعب و حتى شركة الكهرب مستاءه من تجميده لنجوم الفريق بشكل غير مبرر ;)
يقول الاعصار اول زيارة وصارت تفجيرات وإنطفأ الكهرب !!! تصدق بعد كلامة تخيلت اشياء واشياء وتذكرت الرقم الخاص ( 990 ) وقلت يا ولد ورى ما تسويها وتنقل الخبر وبكيف المسؤلين
إقتباس
مشكلة اديموس برايي هي عدم قدرته على اختيار التشكيل المثالي في كل مباراة يلعبها الفريق , اضافة الى عدم تقديره لفرقاطة النجوم الزرقاء و استغلاله لها بالشكل المطلوب .
وزيادة على هالكلام تغييراته كانت بالبركة ولا لها علاقة بالمفيد , يعني في البداية شارك بهجوم بدون وسط , وبعد التعديل شال الهجوم ونزّل وسط !!!!!!
إقتباس
انطلق الذئب بعد تسجيل الهدف متجهآ قرب احتياط فريق الرياض معبرآ عن فرحته
لحاجة في نفس يعقوب >>>> اكيد فيه واحد مضيق صدر الذيب و حب يسلم عليه
الذيب ما يهرول عبث يابعدي , خل ابو عبدالله يزيد الضغط والسكر
إقتباس
نواف دائمآ و ابدآ لاعب يغرد خارج السرب >>>> الف حمد الله على السلامه يابو بندر
ابو بندر الله يسلمة ما يحتاج لشهادة او توثيق امكانيات , لكن والله يا امس وكل ما استلم نواف كورة اني اقول الله يستر واتمنى انه يتخلص منها بأسرع وقت ورغم انه بالفعل ما كان ما يطول بالكره إلا انه تعرض لأكثر من ضربة لكن الله ستر
[ALIGN=CENTER] هلا بك بو راكان والشهر مبارك والقرقيعان يسلم عليك
إقتباس
- هذي اول مباراة اشاهد فيها هلال اديموس على الطبيعة >>>>> طبعآ اول مباراة و طفى الكهرب اقول ورا ما تقعد ببيتكم احسن
ما سمعت باللي يقول
يا مرحبا يا مرحبا خشتك اقصد نورك غطى على الكهربا
إقتباس
و بصراحة قلت بيني و بين نفسي ما ينلامون الشباب الي ينتقدون المدرب منذ مبطي
ابو راكان تكلمنا بعد 11 مباراة مؤلمه فنيا
تسببت لنا بكل الامراض النفسيه
بعد ان كنا البعيدين عنها
إقتباس
- مشكلة اديموس برايي هي عدم قدرته على اختيار التشكيل المثالي في كل مباراة يلعبها الفريق , اضافة الى عدم تقديره لفرقاطة النجوم الزرقاء و استغلاله لها بالشكل المطلوب .
محد قدر يحل هالمشكله الشائكه
المستوى في نزول متواصل للاسف
إقتباس
انطلق الذئب بعد تسجيل الهدف متجهآ قرب احتياط فريق الرياض معبرآ عن فرحته
لحاجة في نفس يعقوب >>>> اكيد فيه واحد مضيق صدر الذيب و حب يسلم عليه
ودك انه راح يفحط قدامه ويعلق فنيلته بخشمه مع احترامي الشديد للجميع
إقتباس
- بعد ان طفى الكهرب على الملز , هل يدرك اديموس ان الجماهير و الملعب و حتى شركة الكهرب مستاءه من تجميده لنجوم الفريق بشكل غير مبرر
بعد كل هالعدد من المباريات اتمنى انه ادرك
انه يسلب متعة الهلال ولا بد ان يعيدها افضل من السابق
هههههههههه الي مضيق صدر الذئب بغى ينهبل يوم احتسبت الجزائيه بغى الا انهبل وقام يراكض بالملعب ومن الهبال المباراة الجايه لفريقه مو لابس السديريه اظنه بيلبس بالطوااو بشت وبر ازين له ههههههههه.
انا المتضرر الوحيد من هالخبر صراحة ;) بس الحمد لله على السلامة على كل حال .. تصدق انت رجعت وبديت اشوف ردود ( رائد ) !!! الظاهر انك يوم تسافر اخذت معك كرت اشتراك النت
[ALIGN=CENTER]يالله انك تحيي هالخشه حيا الله ابو راكان, نورت الرياض بطلتك البهية يا الغالي, وانا اقول وش الطاري طفت انوار الملعب أمس اثاريك حاضر والظاهر انهم قالوا نورك يكفي
إقتباس
- مشكلة اديموس برايي هي عدم قدرته على اختيار التشكيل المثالي في كل مباراة يلعبها الفريق , اضافة الى عدم تقديره لفرقاطة النجوم الزرقاء و استغلاله لها بالشكل المطلوب
صدقت يا الغالي, ولو تلاحظ تشكيلته في المباراة الماضيه غاب عنها تقريباً 3 لاعبين, ومن وجهة نظري لو أنه أشرك الحربي مكان الغامدي, كان افضل خصوصاً واننا لاحظنا اجتهادات الشلهوب في الجهه اليمين وغياب للغامدي في اغلب فترات المباراة,,,
إقتباس
منطقيآ في مباراة الرياض و بسبب غياب سيسيه , كان لا بد من وجود صانع لعب او بالأصح كان لا بد من نزول سامي منذ بداية المباراة . فعمر الغامدي ليس لاعب مبتكر للهجمات او صانع لعب و لكنه مخرب لهجمات الخصم .
سلام كليم والا كلام سليم اللي تبي
إقتباس
- نقطة ايجابيه تسجل للمدرب و هي انزال سامي و نواف بنفس الوقت و بتوقيت جيد مما كان له مفعول نفسي سلبي جدآ على لاعبي الرياض >>>> حتى انا طقتني النفاضه يوم شفت الذيب و الفتى الذهبي على خط التماس
مهيب العاده من اديموس انه يغير بدري لكن الظاهر انه يشوف الوقت وهو يمشي ويحسب ان المباراة ما بقى عليها شي عموماً تغيير ناجح واظن اشراك هذا الثنائي الرائع كان كفيلاً برفع معنويات لاعبي الهلال والجماهير الحاضره,,,
إقتباس
- متى يعرف اديموس انه مكبل الهلال من افتراس فرق الدوري و بسهوله . و الا بالله واحد عنده احتياط مرعب و يفوز على الرياض بصعوبه .
يظل الخوف من الهجوم هو مشكلة اديموس, ولو تخلص منها لكان أكوس مدرب
إقتباس
- انطلق الذئب بعد تسجيل الهدف متجهآ قرب احتياط فريق الرياض معبرآ عن فرحته
لحاجة في نفس يعقوب >>>> اكيد فيه واحد مضيق صدر الذيب و حب يسلم عليه
والله الظاهر ان هاللي مضيق صدر الذيب ما تحسر امس من زود القهر وهذي عادة سامي دائماً يرد على منتقديه على ارض الواقع
إقتباس
- هل نسمع او نقرآ قرارات فنيه بخصوص ما حدث من لاعبي الرياض و ادارييهم
ما ظنيت ولو حصل وصار فيه قرار ايقاف وشطب اليوم وبكره يطلع قرار عفو بمناسبة العشرالاواخر
إقتباس
- نواف دائمآ و ابدآ لاعب يغرد خارج السرب >>>> الف حمد الله على السلامه يابو بندر
الحمدلله على عودة النجم الكبير نواف التمياط بالسلامة,,,
وبإنتظار إبداعات ذلك الفتى الذهبي,,,
[HR]
تحياتي[/ALIGN]
بعد الأنفجارات و الكهرب
شكلها ابشجع الهلال بالأنتساب او منازل احسن
الأخ العوام
إقتباس
يقول الاعصار اول زيارة وصارت تفجيرات وإنطفأ الكهرب !!! تصدق بعد كلامة تخيلت اشياء واشياء وتذكرت الرقم الخاص ( 990 ) وقلت يا ولد ورى ما تسويها وتنقل الخبر وبكيف المسؤلين
طيب تعرف احد بالخطوط يقدم حجزي
خلاص تبت ما عاد اتعودها , و ان شفتوني بالملعب مرتن ثانيه , ما لك الا فواتير الكهرب اسددها لك لمدة سنه قابله للزيادة >>>>> وش رايك بالعرض ;)
إقتباس
الذيب ما يهرول عبث يابعدي , خل ابو عبدالله يزيد الضغط والسكر
يقولون سحور بعض الناس ذيك الليله , مااااصخ و ما له طعم ;)
الأخ تحدوه البشر
إقتباس
والشهر مبارك والقرقيعان يسلم عليك
القرقيعان و الطرطعان و التفجيرات >>>>> الله يستر بس
إقتباس
ما سمعت باللي يقول
يا مرحبا يا مرحبا خشتك اقصد نورك غطى على الكهربا
خشتي اقول معاك حق اما نوري ما و الله هقيت
لأني جاي طال عمرك و عندي كم ( سليك ) منفصل بدميجتي الظاهر هو الي كان مسبب ربشة على شركة الكهرب و لخبط الوزنيه حقت كشافات الملعب
إقتباس
محد قدر يحل هالمشكله الشائكه
المستوى في نزول متواصل للاسف
تبي الكلام الي يجمد على الشارب
اللاعبين لو لعبوا بذمه و اخلاص و بمستواهم المعروف كان ما جبنا خبر اديموس و لا غيره ;)
إقتباس
ودك انه راح يفحط قدامه ويعلق فنيلته بخشمه مع احترامي الشديد للجميع
يفحط !!! وش قالوا لك راعي دتسن مسحب
بس لو انه معلق الفنيلة مثل ما قلت كان صارت تاريخيه و يسمونه هدف ابو خشم
الهلال و الرياض . . . و شغل الكهرب يا اديموس ! ! 
والشهر مبارك والقرقيعان يسلم عليك 
الوضع العادي
