اخواني الزعماء :

ماني رايح أقول مبروك التأهل لأنه بجد تأهل يفشل ولا يرفع الراس

الهلال ضيع الفوز في سوريا بأخر الدقايق وقلنا نبلعها وما عليه مع انه متقدم بهدفين

واليوم برضه نتعادل مع الجيش وفي الرياض لالالا هذا شيء ما ينسكت عليه ويبي له حل سريع يعدل الاوضاع ويلملم بواقي سمعة الهلال الي مرمطها هالهولندي بالقاع

لا حد يجينا ويقول افرحوا بالتاهل لأن اول رد يبي يقابله هو سلامتك محنب فرحين بمهازل هلالية جديده وتلويث لسمعة الهلال الي بنيت بمجهود سنين وكتبها التاريخ بماء الذهب

الهلال يفشل نعم يفشل ومدربه وادارته ولاعبينه كلهم يفشلون ولا واحد فيهم يبيض الوجه

الادارة تجي وتقول لا نية لتبديل المدرب وكانها تقول ولكن بصيغة ثانيه لانية لتصحيح الوضع وانتشال الهلال من هالانحدار والتردي بالنتايج

بعض الجماهير تقول أدموس ماله ذنب اذا كان مدرب عالمي بكبره وعبره ماله ذنب بتردي نتايج أي فريق يدربه فهو مهوب يشتغل اجل ولا يسوي شي وبالحالتين لازم يروح ويفكنا من شره

يا أدموس انقلع

يا ادموس انقلع

يا ادموس انقلع

يا خي اعرفها من روحك ان النادي يتعذرك ووفر علينا الضغط والسكر من مقابل خططك التعبانه


يا رئيس الهلال شف لك حل والي يرحم والديك الوضح يحتاج منك لقرار سريح تنقذ فيه مستوى الهلال الفني والنتائجي من هالسقوط المستمر لا تعطي أي فرصه خلااااااااااااااااص

على اول طياره لديرته وروحه بلا رده

مدرب فاحت ريحته وعرفنا انه ما عنده الا الدجه ولا ينفع للهلال وش الفايده من انك تطول مدة بقاءه ؟


رحم الله والديك يالجزيرة والله انك تبردين الكبد صحيح على اخبارك الي تسر الخاطر ;) والمشكلة فيه ناس ما يعجبهم ان الجمهور الهلال يعرف ويستانس ويتفائل خير بروحة هالمدرب التعبان وجيبة الجنرال


وكانه يبون يكتبون علينا ضيقة الصدر الابدية علشان حكي فاضي وخرط مالأمه داعي


يعني المدرب ماراح يحرص على تطوير مستواه اذا قرأ الجريدة ولقى فيها ان الادارة تفاوض المدرب الفلاني وتبي تجيبه مكانه لا أجل نقوله سو الي تبغاه والفريق تحت امرك مطرس فيه وشكلنا من هالخطط ومن هالتشكيلات الي يا سلام ولا احد راح يمسك الفريق مكانك

بعدين وش هالمدرب الي يتأثر من كلام جريدة ؟ :rolleyes


اخيرا يا رئيس الهلال تحرك ترا الهلال بين ايديك ولا تسوي فيها عقلاني بزيادة , نبغى قرار زي قرار ابعاد منصور الاحمد وتعيين اليوسف ماشاء الله بيوم وليلة حصلت النية وتم التفكير والتقرير

انا معك اقول

ادموس انقلع

ادموس اقلب وجهك

ادموس اذلف

سلا اااااا م




نعم اديموس طولها ولو الفريق مهزووم كان تشوف اراء آخرى




سلا اااااااااااا م

محـــــ الهلال ــــب:

أشكرك على هالتأيد نقولها ونرددها بكل لغات العااااااااالم يا أدموس فارق , ولو تعرفها بالهولندي بعد يا ليت تقولها له ونخوك .


@@@


المعترض :

جدا طولها , احنا نحكم على الاداء العام للمدرب في كل المباريات الي يخوضها ومش من مباراة وحده , والا لو كان الحكم على مباراة كان قلنا يا ادموس مامثلك عقب مستوانا في مباراة النصر .

وهذي مشكلة بعض الشباب انه مرحلي ويبغونا نكون مرحليين مثلهم يعني فزنا اليوم نستانس حتى لو هو فوز باهت او يالله يالله وعلى جريف ويتسغربون اننا نتقد ونحكي ونقول .

هلا وغلا اخوي الشبكه

إقتباس واليوم برضه نتعادل مع الجيش وفي الرياض لالالا هذا شيء ما ينسكت عليه ويبي له حل سريع يعدل الاوضاع ويلملم بواقي سمعة الهلال الي مرمطها هالهولندي بالقاع

التعادل حصل بتوفيق الله أولا ثم حماس اللاعبين ودعم الجماهير فغطى تخبطات عارض الازياء الهولندي ;)

إقتباس الهلال يفشل نعم يفشل ومدربه وادارته ولاعبينه كلهم يفشلون ولا واحد فيهم يبيض الوجه

الله يغير الحال بحال تسر يارب

إقتباس يعني المدرب ماراح يحرص على تطوير مستواه اذا قرأ الجريدة ولقى فيها ان الادارة تفاوض المدرب الفلاني وتبي تجيبه مكانه لا أجل نقوله سو الي تبغاه والفريق تحت امرك مطرس فيه وشكلنا من هالخطط ومن هالتشكيلات الي يا سلام ولا احد راح يمسك الفريق مكانك

اللي هالحين بيتم السنه ولا طلع اللي عنده ولا عرف لاعبيه متى يبي يعرفهم هالداهيه واللي وصلنا لهذا المستوى هم أصحاب الصبر زين وعطوا المدرب فرصه لاربع أو خمس مباريات وأصحاب الاعذار الواهيه من مثل الفرق تلعب مع الهلال غير الفرق الاخرى .......الخ

مع أن المدرب العربي الرائع العجلاني حقق للطائي 6 نقاط من 4 مباريات أشرف فيها على الفريق

شـــهـــاب :

إقتباس التعادل حصل بتوفيق الله أولا ثم حماس اللاعبين ودعم الجماهير فغطى تخبطات عارض الازياء الهولندي;)

الله يغربل بليسك أجل عارض أزياء عاد هو ذوقه مهوب شين باللبس أبد ولا بقصات الشعر ويعرف يتنقى مساعدين ومدلكين مضبوط

لكن بخصوص اللاعبين شوف يا شهاب , احنا حضرنا المباراة وهي احسن من الي أشين منها , لكن تضييع الفرص ونخوك ماتجي الا اذا كان الشغل دنفسه خاصة اذا كانت من نوعية الفرص الي شفناها , يا خي فرص تسجيلها مضمون وتضيع بشكل خيالي !!! وهالدنفسه أكيد للاعبين فيها سهم مافي شك وتبغى الصراحه ما انقذنا الا الله ثم الصويلح راعيها

إقتباس الله يغير الحال بحال تسر يارب

لانية يا شهاب , وراك وراك نشب(ن) في تراقيك

إقتباس اللي هالحين بيتم السنه ولا طلع اللي عنده ولا عرف لاعبيه متى يبي يعرفهم هالداهيه واللي وصلنا لهذا المستوى هم أصحاب الصبر زين وعطوا المدرب فرصه لاربع أو خمس مباريات وأصحاب الاعذار الواهيه من مثل الفرق تلعب مع الهلال غير الفرق الاخرى .......الخ مع أن المدرب العربي الرائع العجلاني حقق للطائي 6 نقاط من 4 مباريات أشرف فيها على الفريق

مسكيييييييييين أصلا هالمدرب بعدين انت يا شهاب مرجف الله يهديك من المرجفين اذا عدو ما فرحت بتأهل الهلال بارك الله فيك مع ان المدرب يلعب وهو نااااااااااااااااااقص ولا عنده لاعبين جاهزين أبد على الله ثم على هالمصابين وهالكم لاعب الي معاه ومع كذا تأهلنا افرح وانبسط وهــــــــــــــك على روحك بهالكلام وقل هلالنا هلال

الإداراة تستنى لما يطيح الفاس بالراس بعدين تبي تغيره


يعني إن هبطنا للدرجة الأولى أو طلعنا من الدور الأول لبطولة آسيا


ذيك الساعه تبي تغيره


مدرب غبي يلعب بمهاجم واحد والفريق الخصم مدافع؟؟

وهو بين أرضه وجمهوره


من متى الهلال يلعب مدافع وهو بين أرضه وجموره؟؟


لا يكون يحسب أنه قاعد يدرب الشعلة ولا التعاون



والمشكلة عنده بالاحتياط مهاجمين خطيرين ويلعب بمهاجم واحد (( وهذا يدل على قوة غباء هذا المدرب ))


وشفتوا يوم دخل الصويلح والشيحان ومعهم تراوري و سجل الصويلح هدف ..واظن المدرب كان (( مغصوب )) على هالحركة

وأنا متأكد انها مو من راسه جايه لأن مدى غباه أكثر من كذا بكثير


مدرب فشلنا الله يفشل وجهه

أذلـــــــــف ياأدمـــــــــــوس