[align=center]السلام عليكم

هلا وغلا بالشباب كلهم .. ابو عابد انا مالي دخل .. تحمّل اللي يجيك ترانا مانشستراويين ناكلك حبه حبه

عزوز .. تستاهل وحنا لم ننتقد فيرغي لشخصه .. فيرغي انا معكم قدم واعطى وبذل .. لكن هنالك اخطاء يجب الاعتراف بها ومعالجتها .. ويبقي فيرغسون شيخ المدربين وكبيرهم مهما تكلمنا ;) .. وصدقني علشان اللي سواه للفريق مابيه يهدم تاريخه بأشياء يستطيع تداركها

خالد .. هلا وغلا بالغالي ..

إقتباس أنا انقد على كثير من الشباب اللي يتكلمون على المدرب تلومون المدرب وانتم بأعينكم تشوفون اللعبين وش يسون في الملعب انتم عطوني لاعبين في الوسط يستحقون انهم يلعبون من فريقنا الموجود حالياً

خالد خلنا صريحين .. من بدايه الموسم شيء معروف ان كينو ماراح يعطيك طول الموسم .. لاعب بعمره صعب يعطيك موسم كامل تقاتل فيه بكم جبهه وبيعطيك بنفس المستوى بديل له مافيه .. كان لازم تفكر ببديل له .

الامريكي كما قرأت أنه قال لفيرغي اي لاعب تحتاجه انا مستعد لجلبه .. الفرق استعدت وجلبت لاعبين وحنا نتفرج !! من يتحمل ؟؟ اليس المدرب ؟؟

إقتباس سميث مهاجم رجعه محور ليش؟؟؟

بيني وبينك لما ترجع مهاجم ممتاز وضارب رأس رائع ومقاتل ويلعب في الهجوم منذ سنوات لمركز المحور وهو مركز حساس .. ماتقتله بالهشيء .. لذلك انا لم ولن الوم سميث اذا ماقدم مستوى سيء .. انت كذا تقتله بأن تجعله خليفه لكين القائد .. وهالشي فيه ظلم بصراحه لسميث .

إقتباس والمدرب حاول انه يغير في تشكيلة الوسط اكثر من مره لعله يجد التشكيلة المناسبة ولكن الاعبين خذلوه

العله معروفه .. في سكولز وفليتشر وسميث .. ومع ذلك نراهم يلعبون اساسيين .. ميلر لاعب شاب ويطلب فرصه فقط .. ليش ماياخذها ؟؟؟ .. متأكد بيكون أفضل من سميث وفليتشر مجتمعين

إقتباس المفروض انه يأدب ريو ويجلسه جنبه في احدى المباريات علشان يرجع لمستواه وأعتقد ان انسب وقت هي مباراة تشيلسي لانها مباراه قويه واي لاعب يتمنى يلعب فيها ادري انها راح تكون مجازفه كبيرة بس هذا هو الحل

اول شي يجب ان نعلم أن كل لاعب مهما كان حجمه تأتيه فترات ينخفض مستواه .. فكيف بريــو الذي كان الأبرز منذ عودته من الإيقاف .. بصراحه انا ماني مع الحمله الشرسه الي يتعرض لها فيرديناند ..

بالنسبه للقاء البلوز .. اذا ليل الفرنسي لم نستطع ايقافهم ببراون وسلفستر وفيردي .. كيف تريد ان توقف دروغبا وجو كول وداف ولامبارد وروبين وغيرهم ؟؟ .. اسمحلي ولكن لا اتفق معك في هذه النقطه .

بالنسبه للكوري .. على الأقل يلعب برووح وأفضل من غيره .. انظروا له وقارنوه بإبن النادي للأسف [ سكولز ] وستعرفون الفرق ;)

مشكورين شباب .. وان شاء الله يحدث تغيير في الفريق ويكون للأحسن .. وان شاء الله بيكون الضحيه فريق المغرورين .. إني أرى رؤوساً قد أينعت وحان قطافها <<<<<< تسمع يابوعابد تراني اقصد فريقكم

فـ مان الله ,.,., [/align]