صورتي أثناء اشتباكي مع المخربين ( طلال والأسطوره ).
صورتي أثناء (( تلبيق السياره )) لحضور المؤتمر .
وسام الشجاعه من الدرجه الأولى .
هاهاهاهاهاهاهاها ,,,
ملعوبه ياسفر وفي الثمنيات أنا اشهد أن هذا المؤتمر خبطه ولا كل الخبطات عزالله أنك وليده وماينغزابك <==== يحسبها مدحه ,,,
ياحليلهم والله ياسفر , أجل واحد يقولك انزال مظلي والثاني يقولك كونق فو مع بروسلي هاه ,,,
بلاك ماشفتهم يوم واجهتهم ,,,
في البدايه أنا كنت مصدق كلامهم اللي قالوه عن مغامراتهم السابقه ( ايه هين ) وبصراحه قعدت أضرب أخماس في أسداس , تخبر طلال والأسطوره مصداقيتهم كبيره بين أعضاء المنتدى وأنا أحدهم لكن ( وركز هنا على كلمة لكن ) ما أن بدأت المعركه حتى تبين لي العجب العجاب ,,,,
هاهاهاهاهاها ,,,
في البدايه قابلت طلال ( تخبر مظلي والتكتيك الحربي عنده عالي )<== كثر منها يالحبيب , ولا أشوفلك الرجال ماغير يبلع ريقه , انا شفت حالته هذي وقلت ياولد أقصر الشر وتعوذ من أبليس , وعرضت عليه أنه يسلم نفسه من دون مقاومه ,,,
تدري وش قال لي ؟؟؟ ,,,
قال لي طيب !!!! كذا وبمنتهى البساطه !!!! ,,,
قلت الله يرحم أيام زمان , وين أيام حافظ أمين ورفاعه الطهطاوي وزكي جمعه,,,
وبعدين قابلت الأسطوره , هنا أنا وقفت طويلا وأسترجعت بذاكرتي أفلام بروسلي وجاكي شان وجيت لي واميتاب باتشان <==== وش دخل هذا بينهم ؟!؟
وانا أتوجس منه خيفتن <==== ماظنيت ياوليدي أنها تنكتب كذا !!!
المهم توكلت على الله وهجمت وأشتبكت أنا وياه في معركه ولا أم المعارك ,,,
صحيح الأخ ماطول معي لكن عاد الحق ينقال على الأقل قاوم ( تراه مايدق في طلال ابد )
عاد بعد ما أستسلم مسكته على جنب وطيبت خاطره وعطيته اشتراك في الأنترنت لمدة 15 ساعه كامله ,,,
في الختام أحب أقول أن اللي صار ماكان ليتم لولا فضل الله ثم توجيهات قائدنا المحنك سفر < ==== بالله عليكم وش تقولون أذا سمعتوا مثل هذا الكلام ماودكم تسطرون راعيه ,,,
ومن الآن وصاعدا سوف يكون شعاري هو الأرنب الرائع والجميل ( بقز بني ) <==== ماتلاحظون أن الأخ كل يوم له شعار ,,,
وهذي الصفقات ولا بلاش , كود الهلاليين يكلفونك بعقد أحدى الصفقات الهلاليه بدل كريستوفر وباقي الشله ,,,
هذا شكل وجهي بعد المعركه البسيطه
.
تحياتي للجميع ,,,
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــ
[عدلت بواسطة ابراهيم النجيدي التاريخ:22-03-2001 الساعة: 05:00 PM]
) ...
الوضع العادي
