السلام عليكم

بدون مقدمات أبقول السالفة على طول

أمس جالس أنا وواحد من العيال نشوف مسلسل الحجّاج ( يقالنا متابعين ) المهم خلص المسلسل , وجلسنا نقلب بالتلفزيون ما فيه شي , عاد نبي نشغل أنفسنا جلسنا نسولف سواليف ما أدري وش تبي ( بدال ما نروح نذكر الله ضيعنا الوقت بخرابيط) ...

من سالفه الى سالفه وصلنا الى مائدة الافطار, المهم الرجال سألن( اللي مايفهم قصيمي يضيف حرف الياء فتصبح " سألني " ) :

وش تحطون على الفطور؟؟ قلت نحط تمر ( سكري + خلاص + نبتة علي) وقهوه بس , وبعد الصلاة نضرب بالمعجنات

سألته أنا : وأنتم وش تحطون ؟؟ قال كل شي تمر+ قهوه+سمبوسه+حلا+ رز+شوربه!!!!!

مهب هذي سالفتنا السالفه انه سألن وقال: ما تحطون عصيرات؟؟ قلت الا نحط عصير برتقال

عاد هو قال : حنا نحط عصير تفاح , ياخي بعض الناس ما أدري وشلون يشربون البرتقال!!! أكثر العالم تحب التفاح...

أنا أحسبه يمزح , لكن الرجال طلع صادق وهنا بدت المشكله

قلت له سلامة قلبك التفاح اللي قليل من الناس يشربه , واستدليت له بالمطاعم وقلت رح أسألهم وش العصير الماشي أكثر؟؟ , لكن الرجال رفض هالدليل وقال مهب شرط يمكن تفاحهم شين

المهم حاولت أثبت له بشتى الطرق ما اقتنع , بالاخير قلت اسمع ابحط الموضوع بمنتدى الزعيم وهم يحكمون بيننا قال تمام ..

عاد انتم وش رايكم

برتقال



ولاّ



تفاح


ويا جماعة لا تواخذون تراه كان يوم خميس وفاضين..

تحياتي لكم