نادي الهلال السعودي - شبكة الزعيم - الموقع الرسمي - وش رايكم تفــــــــــــــــــــــــاح ولاّ برتقـــــــــــــــــــال

- منتدى المجلس العام (http://vb.alhilal.com/f1/)

وش رايكم تفــــــــــــــــــــــــاح ولاّ برتقـــــــــــــــــــال

السلام عليكم:)

بدون مقدمات أبقول السالفة على طول:mad:

أمس جالس أنا وواحد من العيال نشوف مسلسل الحجّاج ( يقالنا متابعين:D ) المهم خلص المسلسل , وجلسنا نقلب بالتلفزيون ما فيه شي:no: , عاد نبي نشغل أنفسنا جلسنا نسولف سواليف ما أدري وش تبي:sleep: ( بدال ما نروح نذكر الله ضيعنا الوقت بخرابيط) ...

من سالفه الى سالفه وصلنا الى مائدة الافطار, المهم الرجال سألن( اللي مايفهم قصيمي يضيف حرف الياء فتصبح " سألني " ) :

وش تحطون على الفطور؟؟ قلت نحط تمر ( سكري + خلاص + نبتة علي) وقهوه بس , وبعد الصلاة نضرب بالمعجنات:D

سألته أنا : وأنتم وش تحطون ؟؟ قال كل شي تمر+ قهوه+سمبوسه+حلا+ رز+شوربه!!!!!

مهب هذي سالفتنا :no: السالفه انه سألن وقال: ما تحطون عصيرات؟؟ قلت الا نحط عصير برتقال

عاد هو قال : حنا نحط عصير تفاح , ياخي بعض الناس ما أدري وشلون يشربون البرتقال!!! أكثر العالم تحب التفاح...

أنا أحسبه يمزح :laugh: , لكن الرجال طلع صادق:confused: وهنا بدت المشكله:upset:

قلت له سلامة قلبك التفاح اللي قليل من الناس يشربه , واستدليت له بالمطاعم وقلت رح أسألهم وش العصير الماشي أكثر؟؟ , لكن الرجال رفض هالدليل وقال مهب شرط يمكن تفاحهم شين:dead:

المهم حاولت أثبت له بشتى الطرق :no: ما اقتنع , بالاخير قلت اسمع ابحط الموضوع بمنتدى الزعيم وهم يحكمون بيننا:yes: قال تمام ..

عاد انتم وش رايكم

برتقال

http://www.p-i-s.net/images/albom/frout/frout-10.jpg

ولاّ

تفاح

ويا جماعة لا تواخذون تراه كان يوم خميس وفاضين..

تحياتي لكم:)

ههههههههههههههههههههههههههههههههههههههههههههههه

الحمد لله ..شكلكم كنتم في قهوة الاقلاع حقت الهليل :D .

انا اللي احبه صراحه : المانجو:D .

http://2alzaeem./bn%20msa3d.jpg

^
^
^
^
لا تتوقعون خلص ردي يوم شفتوا صورة عبدالله بن مساعد تراني حاطها كذا :D .

المهم .. الـتـفاح .. ---> داري ان الاغلبيه بيكون برت(غ)ال لذلك من باب العداله قلنا تفاح ========>> معكم في قهوة الاقلاع :D .

وهذى يبي لها سؤال

أكيد

تـــــــــــــــــفــــــــــــــــاح:wine: :wine: :) :)

[ALIGN=CENTER]انا بس اللي اشرب تفاح:rolleyes:

اما الباقييين كلهم برتقال:D[/ALIGN]

اكيد تفاح احلى

بس تدري ليش مو ماشي سوقه اكثر من البردقان:D
لان عصير التفاح يتاكسد سريع مع الاوكسجين<<ياشين فلسفة الكيميائيين:D

انا والله احب التفاح مع البرتقال

يعني مخلوطين

مزاجي انا حر:D :D

أنا أحب التفاح

الـحـاتـمـي ...

مـر مــن هـــنــــا ...

ويـقـول : أنا أعشق البرتقال والمنقه والكوكتيل والوجه الحسن !!:D :D :D :D

طبعاً ،،
البرتقال أحلى ،،

HiLaLi 2008

[ALIGN=CENTER]هلا بالفاضي:rolleyes::D

<<< افضى منك رد على موضوعك:D

والله شف انا احب البرتقال
وللاسف الوالده تحط تفاح:(
وعشان مااكسر خاطرها اشربه متغصب:)
هي لاحظت هالشي وصارت تحط تفاح وبرتقال مع بعض:D

ماتحس اني فاضي من جد[/ALIGN]

هلا ومرحبا بك أخوي الهاوي ..:)

عاش من شاف هاليوزر ..:):) والشهر عليك مبارك ..:)

شف عاد من يوم اني هالكبر :D أقصد إن من يوم أنا صغير ولا عمري شفت في الفطور إلا عصير تفاح ..:D

يعني حتى الفيمتو ما قد شفناه ديام تفاح :D..
7
7
7
7
7
7
7
7
7
:D..

وش رايك ولا لبناني :D..

عاد شف الكلام الجد ..البرتقال الأكثر حضوراً على مائدة الإفطار ..لأن التفاح ما عرفوه الناس إلا من كم سنة .. أما عصيره عاد ماله إلا سنتين :D..

إلا أنتم يوم تسولفون وشلون كان وضعكم :D:D:D..

يالله عاد نشوفك على خير ..

وتقبل تحياتي ،،،

الغالي كايدهم:)

يرحمك الله:D , ما أذكر اننا كنا في قهوه والصراحه اني ناسي وين حنابه:confused: بس أوعدك اذا تذكرت ابقول لك:yes:
ويابعدي لا تكثر من المنجا ترى جدتي تقول انه تكبر الخدود:eek: وأنت بكيفك, وبعدين ما مسكت معك عداله الا اليوم:upset:

[HR]

حبــــــــــــــايـــبــنـــــــــــا:) :

صــمـت الشفايف:):::::::::::> أجل ما يبي له سؤال:upset:

كيفي كويتية:):::::::::::> سلّمي لي ( سلام عليكم:D ) على الباقين

She7aN :):::::::::::> أقول لا تتفلسف علينا :mad: حتى البرتقال يتأكسد مع ثاني أكسيد النيتروجين الثلاثي

بروق نجد:):::::::::::> هذي والله المشكله اللي ما حسبت له حساب :no: أجل تخلطونهم

saudi2002 :)

الحاتمي :):::::::::::> حتى أنا مثلك أحب الوجه الحسن هذا :D

هلالي2008 :)

عزوز10 :):::::::::::> أنت الظاهر من زود فضاوتك نبي نضمك للاجتماع القادم حقنا :yes: جهز نفسك:cool:

:)تحياتي لكم كلكم :)
[HR]

الغالي البارق:)

هلابك يابعدي:) , الله يبلغنا واياك رمضان 100 سنه قدام:)

ماشاء الله عليك أنت الظاهر من كثر شرب التفاح صرت تدخل لبنان بدون جواز:D

هذا الكلام الصحيح من متى وحنا نشرب عصير تفاح:confused:

بالنسبه لوضعنا يوم نسولف OK وش فيه يعني:confused: لا تورّطنا

تسلم لي وتحياتك واصله:)

[HR]

هلا وغلا بالهاوي وشهر مبارك عليك

مافيه مجال اكيد كنتوا في الاقلاع :D

وبالنسبه للموضوع, عصير البردقان زين بس مشكله " يحتر على التسبد":D خصوصا اذا صار زي حق الطياره :cool:

التفاح ولا تزعل احلى شوي, يعني تشربه بشويش وروقان وريحته تدغدغ حواسك "اخبار علوم:D"

لا تقااطعنا عاااد

عندك تفاحة
ونبغى نقسمها على ثلاثة
كل واحد يأخذ نصف
وشلون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع الاحترام للتفاح ولذتها .. وكون ثمرة التفاح ( المفقوشه ) ترمز للمرأه والـ!!!! ..

ولكن يظل .. البرتقال ( البرتكان او البردقان بالعامي ) .. هي الفاكهة الشعبيه .. لغزارة مائها ... كما انها اشبه بالتطيب بعد الاكل .. فهي فاكهة متفق عليها حتى في الولائم اذا وجدت الفاكهة يستحيل ان لاتجد البرتقال في اعلاها .. وهي تعطر الفم بعد اكل الدسم ..
وعصير البرتقال خفيف اكثر على المعده ..

ولكن هذا لاينفي روعة عصير التفاح ...

.. وحتى لايغضب احد فالافضل ... هو عصير ( البرتفاح ) ..

..