اخبار زفاف ابنت الامبراطور ((النعيمه)) - نادي الهلال السعودي - شبكة الزعيم

ابو هلال · #1 22/03/2001, 12:30 AM

السلام عليكم ،،،

تم اليوم زفاف اضواء النعيمه على علي السعيدان ....... في قصر الرياض

وقد تشرف كل من :
الامير / نواف بن محمد ((عضو شرف نادي الهلال))
الامير / فيصل بن عبدالرحمن ((رئيس النصر سابقاً))
بحضور الزفاف

حضر من زملاء النعيمه :
ابراهيم اليوسف ((حارس الهلال قديما))
فهد العبد الواحد ((فهودي لاعب خط الوسط الهلالي وصاحب التسديدات الولبيه))
عبدالله الدعيع ((حارس الهلال قديماً))

ولم يتسنى للاعبين الاخرين الحضور لوجود معسكر اليوم

* اتى الامير نواف بن محمد في ساعه مبكرة للزفاف واستقبل بالمصورين
* وجود مجموعه كبيرة من المصورين
* امتلاء طريق الملك عبدالعزيز بالزحمه عند القصر

هذا كل اللذي استطعت ان انقل لكم

تحياتي /
ابو هلال

انزاغي اليوفي · #2 22/03/2001, 02:40 AM

مشكوووووور ..
وتستاهل رقم مميز من مشاركاتي اللي هو 100

عاشق النمر · #3 22/03/2001, 04:07 AM

مبروك ألف ألف مبروك

انزاغي اليوفي · #4 22/03/2001, 04:11 AM

عاشق النمر توه طايح له على كم صورة ومزعجنا بها ..
أمزح .. عاد لا تصدق ..

عاشق النمر · #5 22/03/2001, 04:22 AM

وشو عقبه عقب ماطيحت وجهي لاكن معليش

انزاغي اليوفي · #6 22/03/2001, 04:25 AM

لالالا .. يخسى من يطيح وجهك .. والله إن الصور اللي تجيبها كل واحد أحلى من الثاني .. وإلى الأمام ..
<==== تراها غايرة ..

azez · #7 23/03/2001, 06:13 AM

ما نقول إلا الله يوفقهم جميع

عبودي · #8 23/03/2001, 09:07 PM

الله يوفق الجميع ...
والله وشيب أبو فهد ... هذي ثاني بنت تتزوج له ...
الله يوفقهن إن شاء الله ... وعقبال فهد .

ابو مصعب · #9 24/03/2001, 04:39 PM

ياعاشق النمر انت وانوكي يوفي مدري وش والله ياهو صعب يضيق صدري لا جيت ابي اقراه...... اطلعو سولفو برا الموضوع يخص النعيمه.....

ابو هلال الله يسلمك بس قلي ما تعشيت معهم.........

هلالية سدير · #10 24/03/2001, 04:43 PM

عسى ربي يوفقها ان شاء الله ..
والله يفرحه بفهد ..

ابو هلال · #11 24/03/2001, 05:26 PM

توه ما شيب ابو فهد
فهد توه صغير بالمتوسط
وما عنده الا بنتين وتزوجن

بنت البلد · #12 24/03/2001, 06:31 PM

عقبالي