[ALIGN=CENTER]كنت جالس بالعصرية عند التلفزيون وأناظر توم أند جيري ومتحمس معهم يوم دق الجوال <<< بدينا بالنصب .. لينه واحد من شركة فيمتو يكلمن عشان يوقعون عقد معي .. يعني يصيرون هم الراعي الرسمي لهذا اليوزر .. يعني يتبنونن .. جلسنا نتناقش حول العقد وعناصره .. يوم شفت أني طولت عليه قلت له تعال لمي بالبيت خل نتقهوى ونسولف ونشوف وش الوضع والله يكتب اللي فيه الخير .. مرني [[ عند الغروب ]] بالبيت ودخل وجلسنا ننظار سوا توم اند جيري وتحمسنا مع الوضع .. يوم خلصت جلسنا نتكلم بخصوص العقد وبنوده والقيمة والسوالف اللي ما تهم الجمهور الكريم .. أتفقنا على كل شئ ووقعنا العقد بشكل مبدئ باقي بس المؤتمر الصحفي والخرابيط الباقية .. وأتفقنا على يوم ووقت محدد عشان نسوي هالمؤتمر ..
وأنا جالس ازهب عمري عشان المؤتمر رحت أعلم أهلي عن السالفه طبعا أهلي عارفين أني تسذوب ونصاب وماعندي ما عندي جدتي .. حتى أنهم أول الأمر حطوا لي جهاز إذا كذبت طلع صوووت من كثر ما أكذب خرب الجهاز وعقبها جابوا جهاز ثاني بس الوظيفة غير يعني إذا صدقت طلع صوت عشان هم عارفين أني ماأقول الصدق واجد .. يوم جيت أكلمهم هم جلسوا يضحكون ويوم طلع الصوت من الجهاز طارت عقولهم يقولون وشلون ؟؟!! شكل الجهاز خبط !!! كشفوا عليه ما فيه شئ وكل ما قلت السالفة طلع الصوت راحوا جابوا جهاز جديد ماش نفس الشئ جابوا جهاز موديله جديد وإذا كذب الواحد لمخه على خشته ما فيه أمل يصدقون .. ماش ما جاز لهم لين آخر شئ أقتنعوا أني صادق وأستغربوا وشلو يعني فيمتو ما أعجبهم إلا أنا وهالخرابيط وبكم العقد قلت لهم اللي بيني وبين فيمتو أكبر من الفلووووووووووووووووس ما دريت إلا أن الجهاز الجديد كامخني على خشتي ..
المهم أنه جاء وقت المؤتمر الصحفي والتوقيع أمام الصحافة .. وكان المؤتمر في فندق البطحاء .. وزحمة والعالم وأمة محمد يصارخون صدى صدى .. بتحبو مين صدى حبيب الملايين صدى .. وغيره من هالأغاني والمعجبين والمعجبات عاد ألزم ما علينا المعجبات [[ وإلا التماسيح بكيفهم ]] .. المهم بدأ المؤتمر الصحفي وكان يتكلم رئيس شركة فيمتو عن الأسباب اللي خلتهم يختارون صدى الامس وأن شعبيتي الكبيرة وجماهيرتي على المستوى المحلي والخليجي والعربي والقاري والعالمي لها دور .. وأنهم سعداء بها العقد والرعاية .. وقال أكيد أننا حنا اللي كسبنا صدى الامس .. المهم يوم جيت أحتسي وأنتم خابرين الجهاز والبلاوي اللي يبي يسويها لو قلت شئ تسذب فقالوا أهلي اليوم بنفكه لأن مالها داعي تتفشل قدام العالم وقدام الصحافة .. وحنا خابرينك تسذوب ..
بديت المؤتمر حول علاقتي بالفيمتو وأن هالعلاقه والمحبه بدت من يوم أني صغير وأني ما وقفت عن شرب الفيمتو حتى بالأيام العادية وكان هو شرابي على مدار السنة مهوب مثل العالم ما يعرفونه إلا في رمضان .. عشان كذا صارت بيني وبين الفيمتو علاقة محبه متبادله وغيره من هالسوالف ;) [[ أشوى أن الجهاز مهوب فيه وإلا تسان مهوب يكمخني بس لا تسان يبي يسوي حركة سنوكا فيني ]] .. قام الصحفيين ويسألون ورد أسئلة وهات أسئلة وأثر الأسئلة مسربه << على وزن رد البيز هات البيز وأثر البيز خرقه .. يوم خلصنا من الأسئلة بديت بأغنية الحملة والعقد ويوم قلت لهم يالله كلنا بصوت واحد << وش يبي عبدالمجيد .. انت الدنيا وكل شجوني واغلى شئ بعيوني .. يا فيمتو ..يا فيمتو .. انت يافيمتو.. انت الدنيا وكل شجوني .. يا فيمتو .. وانت اغلى شئ بعيوني .. يا فيمتو .. يا فيمتو .. ما دريت إلا الجمهور يرد علي ويقول على مين تلعبها على مين يابن الناس ؟؟؟ عيوني تكذبها ولا ترحم الاحساس على مين تلعبها على مين يابن الناس ؟؟ على مين تلعبها ؟؟ على مين تلعبها ؟؟؟
أثرهم ذولا حقين شركة سن كويك اللي رفضت اني اوقع معهم وأصريت أني أوقع مع حبي الأول فـــــــــيــــــــــــمـــــــــتــــــــــــو <<< إلى الحين خاش جو أنه موقع معهم ..

أقحن من الفيمتو وخل عنك البربسه [/ALIGN]

فميتو =

ههههههههههههههههههههههههههههههههههههههه
الله يرجك

مشاء الله على البركه

اجل راحت فيها اليسا

دمرت مستقبلها حررررام عليك يا لاطخم

هلا تغريد ..

إقتباس فيمتو

لا سن كويك ايه فيمتو وش فيتس
<<< لا طقها احسن

مشكوره على المرور ..

هلا هلالي 2008 ..

ويرجك بعد

مشكور على المرور ..

هلا اسير ..

ويبارك فيك

مشكور على المرور ..

هلا الكنز نواف ..

إقتباس اجل راحت فيها اليسا دمرت مستقبلها حررررام عليك يا لاطخم

انت شفت يقولك ببسي تحسفوا يوم شافوا الحفل

تحياتي لك ,.,

هلا الفيروسة ..

إقتباس اهيء اهيء وانا محد يبي يتبنا الفيروسه ويصير الراعي الرسمي لها

اتركي الرجه وكلن يبي يوقع معتس

إقتباس اجل على كذاا انا بخلي الراعي الرسمي حق مواضيعي وردوي بيبسي ==>> ماتستغني عنه حتى في رمضان

وش لتس وللمتغر خلتس معي بالفيمتو ابرك لتس

إقتباس يااخي وش عبدالمجيد قل راشد الماجد

شكلتس ما شفتي دعاية كوكا كولا حقت عبدالمجيد ;)

إقتباس شكل صدى الامس توه مقضي لمقاضي رمضان وشاري عشر طعشر كرتون من الفيمتو ==>> فضحته

الفيمتو مخزن عندي من العاااام لانه مشروبي اليومي

تحياتي لتس ,.,

[ALIGN=CENTER]



عاد فيمتووووووووووووو

والله احسن من سنكويك وطقتهم ولا تانج وعععععع

ما اشرب منه إلا الفراوله بس ومضطره بعد

الفيمتوووووووو احلى واحلىىىىىىىىىىى

;);)

لالالا باين عليك ذوييييييييييييييق;)

حررررررررركه توقيعك ممكن ازرفه بس حط لي وردة الهلال[/ALIGN]

صدى الدجه بعلم عليك المــalmojــوج

كيف تسوي اعلان في الشبكة بدون تصريح


[HR]

مبروك عليك الشهر الفضيل و كل عام وانت بخير ,,

تحياتي لك و للفيمتو حبيب الشعب

تانج تانج تاااااااااانج

<<----- متعصب للتانج

خذني معك فــ الاعلان ولو أشيل الكرتون حق الفيمتو وأنت تشرب

والا كلملي حقين السن كويك ترا فاضي هاليومين ماعندي اعلانات

اللهم اٍ ني مفطر

كيد عذالك بالتانج