السلام عليكم

ضغطي ارتفع وانا اقرا المواضيع الي تطالب برحيل اد دي موس ....

خاصه وان اغلبها يمكن من اعضاء ما حضروا المباراة ولم يشاهدوها ...

انا حضرت المباراة ,,, المدرب لا يتحمل أي مسؤوليه اطلاقا ... فرص بالجملة ضاعت من هجوم الهلال خاصه العنزي ...

والهدف الثاني للطائي كان بسبب خطأ أحمق من الدفاع الهلالي .. اد دي موس ماله ذنب يا عالم .

الفريق ماله قائد في الملعب ... تعاقدات مع لاعبين لم يطلبهم المدرب ... جمهور زعول ... هذه كلها مشاكل الهلال ...

يا ناس ما يصير كذا ... وقسم بالله اني بديت امل من تشجيع الهلال والسبب كل يومين مدرب جديد وكل يومين طقم اجانب جديد ... الي متى بنتم على هالحاله ؟؟ يا ناس اتركوا المدرب خلوه يخسر عشرين الف مره لان بعدها بأذن الله بينتصر 100 الف انتصار .

يعني ما بعد استوعبتوا ان الهلال من بعد مباراة نهائي السوبر وهو من جفره لدحديره ؟ كم مدرب جربناه ؟ متورانا , ارثر , بلاتشي .... متورانا مدرب كولمبيا وبطل امريكا الجنوبيه , بلاتشي حقق في السابق انجازات مع الهلال , ارثر له انجازاته في بلده ... اذن البلا والخلل ماهو في المدربين , البلا ان الفريق ماله قائد سامي غايب , نواف نفس الشي , مدير الكره ما يدري وين الله حاطه

والمصيبه الكبرى هي الجمهور الهلالي الدلوووووووووووووع
ايه نعم ... جالسين في بيوتهم ويبون بطولات ... لا وياااا ويييل المدرب اذا اخفق الفريق ... سبحان الله مرات احس ان الجمهور الهلالي ما يعرف في الكوره الا المدرب اذا فشل الفريق قاموا يسبون ويلعنون في المدرب...

والكارثه ان اغلب المطالبين برحيل اد دي موس ما حضروا المباراة
ولا شافو الفرص الضائعه للفريق الهلالي ولا شافو مستوى الفريق !!!! ولا يدرون ان الهدف الثاني كان غلطه دفاعيه ويتحمل الدعيع ايضا جزء من الخطأ .


انا اطالب بعودة المصيبيح وفي أقرب فرصه ممكنه , سامي لازم يرجع ويكفي اجازات , نواف كان يتمرن مع الفريق ليه ما يلعب لو ربع ساعه ؟ .

اذا المدرب اخطأ فخطأه الوحيد هو انه كان يعتمد على الشيحان والدوسري ونواف في تمارين الفريق الأخيره ... وفجأه اشرك محلهم الشلهوب و العلي والجمعان الي توهم راجعين من المنتخب !!

أخيرا اتركوا المدرب في حاله المدرب ماله اي ذنب ...