هلا ابوحنفي
الرجال مرتبك شوي .. وماعرف ياخذ حقه واستخدم كلام ماله داعي
نوعا ما مالومه .. بلاه من سوء الخدمة والجشع والنصب وقلة الادب عند بعض الموظفين على الرد .. يقفل الخط بوجهك ولاهمه
ترى صارت لي نفس سالفته ..
فصلوا جوالي بعد صدور الفاتورة بيومين وانا من طلعت الجوالات ماتأخرت بالتسديد ولا مرة .. وباسمي جوالين .. وكلمتهم ويقولون تعديت الحد الائتماني
انا بصراحة طار عقلي
لأني اذكر ان الحد الائتماني عشر الاف ومستحيل اوصل هالمبلغ الخيالي .. اثاريهم حاطينه لي على ثلاث الاف بمزاجهم وانا مادريت ولا علموني .. وفصلوه بمزاجهم وكأني ابي اسرقهم
مايدرون اني احرص منهم على التسديد .
واللي قاهرني ان الفاتورة ماوصلتني اساساً علشان اسددها .. ولا شفتها
يومين من تاريخ صدورها من الشركة الا تلفوني استقبال بس
يعني مايمديها وصلت لصندوق البريد علشان اسدد .. ومايمديها طلعت من شركتهم شركة النصب والسرقة .. ووشلون اسدد شي مادريت عنه
والمضحك ان الفاتورة عليها 2800 وبهاليومين كلمت شوي ومع الـ120 حقتهم وانفصل ..
يعني تعديت الثلاث الاف لوووووول
تراني كلمتهم وطحت فيهم بس مو زي خوينا هذا
واعطيتهم اسمي ورقمي وطلبت تسجيل مكالماتي .. لكن وش الفايدة ( لاحياة لمن تنادي ) تقفل الخط بوجهي ثلاث مرات
وغير هذا الكثير من المشاكل معهم .. مافي داعي لذكرها