السلام عليكم ايها المعشر حقون المنتدى ....تصدقون ...!! ما اشتقت لكم
بصراحه انا ناوي افتح صفحه جديده
واقول للي يبي يفتح صفحه جديده معي يروح اقرب مكتبه ويجيبله دفاتر روكو مصطره ويفتح زيي (قسم بالله اني مملوح وخفيف دم ...نكوتي)
المهم وبعد العوده من اجازت الصيفيه الاعتياديه ورجوع ابنائى وبناتى الى كراسي المدارس ومقاعد الجامعه التى لايوجد بها الا طاوله للذين يكتبون باليد اليمنى واللي يكتبون باليد اليسرى ياكلون تراب ولا ينبطحون في المحاضره على بطونهم ويقعدون يكتبون (والله اني ذيك الايام اتعذب واتعقد اذا بغيت اكتب حيثو اني من الذين يكتبون بالعسمى ((اليسرى))
ومن هذا المنبر
ادعو
واطالب
واشجب
واستنكر
و ..,,و
و,,,الكلام الكبير اللي نسمعه في مقتطفات قنات الجزيره والعربيه وطقتها
(ماتلاحظون اني صليتبكم شرق...انا عن نفسي ملاحظ والله)
نرجع لموضوعنا..هو كان فيه موضوع اصلا
الموضوع وما فيه ان الشباب بالمنتدى اعضاء مجلس الاداره هاتفوني بالسللير(شريكم بالكلام الكبير..)وقالولي ياشموخ القطه حقت المنتدى خلصت ونبيك تجمعها من الاعضاء
وبصراحه انا قلت لهم
ابدا لا ما اجمعها
انا جمعتها السنه الماضيه وحصل ان بعض الشباب وقالو اني سافرت فيها واستخدمتها لاغراض شخصيه
في النهايه قفلت الجوال ورفضت اني اجمع القطه
جلست شوي
والا الجوال يدق والرقم ملكي
رديت الو
الو شموخ
نعم
اتاريه الامير بندر بن ثامر (قسمبالله)
قلت هلا والله امر ياحبيبي بندورووه(امون عليه انا عاد)
قال انخاك ولا انخى الذيب
قلت لا والله يخسى الذيب
قال بكرة تجمع القطه من الشباب بالمنتدى
قلت ابشر
عاد يله كل واحد يبحبح جيبه ويعطيني
المحررين وما فوق يدفعون 200 ريال عشان المواقف المضلله
والمميزين والفعالين الباقين يدفعون 100 ريال
والجدد يدفعون 50 ريال حقت مصاريف رسوم التاسيس وخدمات الشبكه

[ALIGN=CENTER]اخيرا
القطه القطه القطه
ادفعواااااااااا........لتستانسوااااااااااااا
شعار منتدى الزعيم للعام الجديد[/ALIGN]

وحنا لنا نصيب من القطه والا علينا

شمووووووووخ


اشكرك على تقديرك للاعضاء ( المتألقين) مثلي طبعاً ان مالهم اسم في القائمة السوداء ( قصدي القطه)......‍‍‍

يالله قطووووووووا نبي نفرش المنتدى فرش جديد ......بمناسبة العام الدراسي الجديد‍‍‍‍‍!!!!!!


تشكراتي افندم

إقتباس ادعو واطالب واشجب واستنكر و ..,,و

شكلك متأثر بياسر يابو براطم
حتى البراطم صارت هزاز مثله

إقتباس الموضوع وما فيه ان الشباب بالمنتدى اعضاء مجلس الاداره هاتفوني بالسللير(شريكم بالكلام الكبير..)

ياخوك مالها دداعي تحرجهم
وش عرف الببارق بالسيللر
قسم بالله مو باسكريم يابو الذهب >>> عاد تصوروا انه عضو بمجلس الادارة

إقتباس جلست شوي والا الجوال يدق والرقم ملكي رديت الو الو شموخ نعم اتاريه الامير بندر بن ثامر (قسمبالله)

انت متأكد
ماقال لك جحدر ابو براطم

إقتباس قال بكرة تجمع القطه من الشباب بالمنتدى

ههههههههههههههه
حتى هو مطفرررررر


حيا الله جحدر وين الناااااس
الا
اقووولك
ابو الذهب طلب مني انقل كفالتك له
يقول يبي يحطك في الاستراحة
عشان انت خبرة في تركيب الباعشن
وش رايييك ؟؟

للبيع جحدروووه

إقتباس بصراحه انا ناوي افتح صفحه جديده

لايصير دفترك ابو عشرين ثم يخلص

إقتباس الموضوع وما فيه ان الشباب بالمنتدى اعضاء مجلس الاداره هاتفوني بالسللير

هى انت جحدر تكلم عربى وش سللير لايكون اللى تشبه حلاقه توليت

إقتباس ياشموخ القطه حقت المنتدى خلصت ونبيك تجمعها من الاعضاء

راجعنا بعدين وبعدين انا حامل والدختور مانعنى من كثر الموشى --- وش دخلها بالموضوع

إقتباس الو شموخ

متأكد انه قال شموخ ماقال الو ابوبراتم

إقتباس قال انخاك ولا انخى الذيب

اكيد قلت له انخ الذيب

إقتباس المحررين وما فوق يدفعون 200 ريال عشان المواقف المضلله

اف فيه مواقف مضلله وانا رازعينى بالشمس

إقتباس اخيرا القطه القطه القطه

كخخخخخخ شكل الديانه حاجرينك بالبيت

أقول أنت يا جحدر ..

<--- شاينه الأخلاق ..


ودي استفسر بس القطه اللي تقول وش هي ..؟؟

يعني القطوه أو البسه .. أو تبي تقول ( قطعة ) واختصرتها لـ ( قطه ) بنفس لغة أبو الذهب في قوله ( سئيده )..;)







وش رايك عاد ماهوب خبره في الهروب عن القطة..

إقتباس اتاريه الامير بندر بن ثامر (قسمبالله)

طيب بس عطني مهلة ساعة أتأكد من ابو فهد وأرد لك ..

إقتباس المحررين وما فوق يدفعون 200 ريال عشان المواقف المضلله

طيب واللي يبي موقف مظلل ومكيف ..

بعدين وش رسوم التأسيس اللي بخمسين ريال بس ..

أقول إصقعهم بمبلغ تراهم جدد وطافين ..

المهم ترى ورانا مصاريف ومدارس وأنت خابر يعني .. وش رايك أساعدك ..


تحياتي لك ،،،،

إقتباس اخيرا القطوه القطيوه القطه ادفعواااااااااا........لتستانسوااااااااااااا شعار منتدى الزعيم للعام الجديد

دورت بشوارع الحي ... مالقيت قطه أدفها ( قصدي أدفعها) ... هات لي وحدة من حارتكم

إقتباس قال بكرة تجمع القطه من الشباب بالمنتدى

أشوى انحن يالشياب معفيين ... حيلك فيهم كلهم ... ولاتنسى الشابات

الـحـاتـمـي ........



مــر مـــن هــــنـــــــا ...........



ويـقـول : يـــاخـي أنا لاقي موقع مميز والقطة فيه بريالين !!

تبي تزرفنا يا شمخوه !!!

[ALIGN=CENTER]جااااااااجـــوووهعلى وزن صادوه

وين مسافرهالصيفيه اكيد انك متورط

على العموم انت تامر امر-------------> توهق

لاعن جد انت حددبس من كم وانااوعدك اول واحد يقطقط

تحياتي وانااخوك..,,;)[/ALIGN]

هلا بابو القطات جحدر بن شموخ

إقتباس انا جمعتها السنه الماضيه وحصل ان بعض الشباب وقالو اني سافرت فيها واستخدمتها لاغراض شخصيه

حاشا لله

إقتباس في النهايه قفلت الجوال ورفضت اني اجمع القطه

كفو والله ;) وهذا العشم فيك يابو الجحادر;)

إقتباس جلست شوي والا الجوال يدق والرقم ملكي رديت الو

هماك تقول قفلته الله يصلحك بس

إقتباس اخيرا القطه القطه القطه

وبعدين معاكم ..ترى ازعجتونا .. ولا الواحد ماعنده غيركم

هلا شموخ

أقول توك جاي من السفر وسفريتك كانت على حساب اللي قطوا العام << يعنني ما قط .. وأشوف الدعوه جازت لك وتبي تجهز أمورك من الحين عشان الصيف الجاي ..

إقتباس ادعو واطالب واشجب واستنكر و ..,,و و,,,الكلام الكبير اللي نسمعه في مقتطفات قنات الجزيره والعربيه وطقتها

لا من جد أنت عربي هذا حد العرب

إقتباس اتاريه الامير بندر بن ثامر (قسمبالله)

أخس يالشين .. أجل بندر بن ثامر ..
أقول قل غيرها بس ;)

إقتباس المحررين وما فوق يدفعون 200 ريال عشان المواقف المضلله

أي محررين يالقديم يوووووووووووووووووووه من زمان الربع شايلينها من سنة السبلة يا بعدي

تحياتي لك يالشين ,.,

هلالي الجوف

إقتباس وحنا لنا نصيب من القطه والا علينا

هلالي انت قط اول وانا راح اكلم الامير بندر في موضوعك هذا

الزعيم ابو خالد

إقتباس شمووووووووخ

لبي قلبك

إقتباس اشكرك على تقديرك للاعضاء ( المتألقين) مثلي طبعاً ان مالهم اسم في القائمة السوداء ( قصدي القطه)......‍‍‍

لا تشيل هم المتعلقين ماعليهم قطه..عليهم بدل خطر وتحري

إقتباس يالله قطووووووووا نبي نفرش المنتدى فرش جديد

القطه ماتشمل
لا الفرش
ولا العام الدراسي الجديد
وانما تساهم في مكافحة القمل والناموس

الكنز نوواف

إقتباس ياخوك مالها دداعي تحرجهم وش عرف الببارق بالسيللر قسم بالله مو باسكريم يابو الذهب >>> عاد تصوروا انه عضو بمجلس الادارة

والله انك صادق انا من يوم شفت هالبارق يربي دجاج وانا داري ان ماله في السللير ولا الادارة

إقتباس انت متأكد ماقال لك جحدر ابو براطم

تصدق !! والله نسيت وش قالي بالضبط ..بس اللي اذكره اني جتني شوي مويه من السماعه ...مدري ليه

إقتباس حيا الله جحدر

الله يحييك ي بعدي

إقتباس وين الناااااس

ابدا اسال عندي بنغلاديشيه مقهى شوشة القذافي بليبيا

إقتباس ابو الذهب طلب مني انقل كفالتك له يقول يبي يحطك في الاستراحة عشان انت خبرة في تركيب الباعشن وش رايييك ؟؟

اووهوه اتاريكم قلبتوني من جحدر الا هندي
اقول كنز انت صاحي انتقل لكفالة هالمهوي
اروح لكرنتينا متشردنا ولا انقل كفالتى لهلشين ..ناقص شين انا

هلا وغلا بشموخ هلا والله بوزير الماليه

إقتباس ادفعواااااااااا........لتستانسوااااااااااااا

شموخ يقرب لك صالح كامل ولو من بعيد؟؟؟ لأنه يقول ادفعوا لتشاهدوا
المهم انا ومعي كم عضو سهل 88888888 والحاتمي نطلب اعفائنا من الرسوم خبرك تونا متزوجين ودافعين اللي ورانا واللي قدامنا واللي جمبنا بعد واذا ماعندك مانع تعطونا من القطه ومالكم الا الأجر

ابو الذهب

إقتباس هى انت جحدر تكلم عربى وش سللير لايكون اللى تشبه حلاقه توليت

ايوه بالضبط ..بس اطول شوي

إقتباس اف فيه مواقف مضلله وانا رازعينى بالشمس

كل هالسنين وانت توقف بالشمس ... الشرهه مب عليك الشرهه على هالدمجه اللي حاط فيها شوي بقدوني وبصل اخضر

إقتباس كخخخخخخ شكل الديانه حاجرينك بالبيت

ياعيال نصيحه ببلاش...اللي عنده سر .. لا يقوله لبو الذهب ....ترااااه خراره..مايقعد فبطنه شي ..انا مدري ليه معدته لحد الحين مستحملته

البارق2000

إقتباس أقول أنت يا جحدر ..

طب لاتدف

إقتباس يعني القطوه أو البسه .. أو تبي تقول ( قطعة ) واختصرتها لـ ( قطه )

خبرك انا عايش وحداني مع الماما وعنا مربيه لبنانيي وانا بنت برستيج وعم بدلع ..مشاك هيك ....بئول يبو قفل ادفع القطه لاحوس شوشتك وادفع حق الكوالين والمفاتيح اللي عليك ترى الهندي حق محل المفاتيح مارنا في المنتدى يدورك

إقتباس بعدين وش رسوم التأسيس اللي بخمسين ريال بس .. أقول إصقعهم بمبلغ تراهم جدد وطافين .. المهم ترى ورانا مصاريف ومدارس وأنت خابر يعني

اول مره تقول كلام يخش دمجتى ...شلون مافكرت فيه ...على الاقل تطيح هم فاتورة الجوال (ماكني جبت الطعه)

J.A.J
جاج انا شايف دوى هالايام بالصيدليات حق الغمص نازل باسم jaj لايكون من خبز يديك

إقتباس هات لي وحدة من حارتكم

شف في شارعنا ماضنيت تلقى ولا في الشارع حق المنتدى لان الحاتمي كل يوم يدور حول المنتدى ويصدمهم ..لكن لو بتدور بالشمال عند طلعة ديراب يمكن تلقى

إقتباس لـحـاتـمـي ........ مــر مـــن هــــنـــــــا ...........

ترى بنجمع رسوم اضافيه على اللي يدورون بالمنتدى .....الكلام للجميع ...سمعتوو

إقتباس أنا لاقي موقع مميز والقطة فيه بريالين !!

بلا والله من كثر الدوران بالنت
منتدى الزعيم ماهو من حقون ابو ريالين ياالكريم ياحاتمي(واحد يريشبه عشان يدفع)

برق الزعيم

إقتباس لاعن جد انت حددبس من كم وانااوعدك اول واحد يقطقط

وتقولون وراك تحب برق الزعيم
شوفو وشلون كلامه ينقط فلوس قصدي عسل
مش زي بعض الناس
وشتبي بالقطه
وين بتحطها
بتسافر فيها
برق هذي شهاده من عندي
انت مثال رائع للقطاط الجيد

ابو العلالي الهلالي

إقتباس هلا بابو القطات جحدر بن شموخ

هلا والله
اي واحد اسمه ابو العلالي الهلالي تراه يشرب مويه اذا عطش(قل قسم)

إقتباس هماك تقول قفلته الله يصلحك بس

هماك انت قلتا كفو والله ....

إقتباس وبعدين معاكم ..ترى ازعجتونا .. ولا الواحد ماعنده غيركم

ايه واحد اسمه ابو العلالي الهلالي تراه مايشرب مويه اذا عطش يشرب خل

صدى الامس

إقتباس هلا شموخ

هلا انت والله(واحد يحسبها سبه)

إقتباس وأشوف الدعوه جازت لك وتبي تجهز أمورك من الحين عشان الصيف الجاي

اجهز من الحين للصيفيه الجايه ..الله المستعان....احد قايلك اني الكنز نواف ولا صدى الامس...انا اسافر بالصيف سلف وبعدين اجي اخذ القطه واسدد ياذكي عشان يحسبون على فايده بسيطه واخليهم يسترزقون مني

إقتباس لا من جد أنت عربي هذا حد العرب

تصدق هذا اصدق ماكتبت يدك هاليوم (من جد)

إقتباس أخس يالشين .. أجل بندر بن ثامر .. أقول قل غيرها بس

اذا مو مصدق جب خبزه برقر احلف عليها

إقتباس سنة السبلة يا بعدي

وعندك واحد قروي هنا بالمنتدى ..وصلحووووواااااااااااا