اخواني الزعماء :


يمكن يكون خبر جيت عبدالله الشيحان وانتقاله لنادي الهلال بمثابة البشرى السعيدة لكثير من الجماهير , ومافي شك بطبيعة الحال انه لاعب كويس وله اسلوب محبب للنفس;):p وطريقته بغزو المرمى المنافس وسرعته بالركض تتم وفق خطط علمية مدروسه ولكنه مع كل هالمميزات مشششششش ضالة الهلال ومن يقول غير هالكلام مع احترامي اقول له بالمشمش


الهلال يعاني حاليا من كبر سن لاعبيه , وهذا ما يتوجب على ادارتنا التفكير بشكل جدي حول هالموضوع والعمل على ايجاد بديل شاب كفؤ بأسرع وقت ممكن حتى لو أدى هالشي الى اختصار عامل الزمن وعدم انتظار ماكينة التفريخ الهلاليه على خلق هالمواهب المنتظره والسرعة في التعاقدات مع لاعبين سعوديين شباب من الاندية الاخرى لسد حاجات الفريق الحاليه والمستقبليه القريبه


ولكن الامير عبدالله بن مساعد الظاهر انه ما فكر في هالشي وما زال يزايد على لاعبين انهكتهم الاصابات وكبر فيهم العمر وجلبهم للنادي وزاد الحمى مليله يعني حنا محنب ناقصين شيبان يا جماعة الخير يكفينا الي فينا , وعبدالله الشيحان عمره بالملاعب قصير وما راح يعطيك للمدة الي تتمناها بالاضافة الى انه لاعب لسه راجع من اصابه , ولا شفناه يلعب مع الشباب في اي مباراة ولا ادري صراحه هل هو طاب من اصابته 100 % والا بعد الهلال يبي يتكفل باكمال علاجه وارجاعه الى ناديه طيب معافى بعد انتهاء فترة اعارته وكاننا فاتحيناه ضمان اجتماعي وعيادة خيرية للعالم


من تجديد عقد التمياط وهو مصاب اصااااااااابه خطيره ودفع في عقده الشي الفلاني مرورا بالتجديد لحسن العتيبي وهو رايح فيها لا من ناحية الاصابه ولا حتى المستوى الفني لو هو طيب ومرورا بعد بعبدالله الجمعان وارجاعه لقائمة المحترفين والدفع فيه 3 ملايين ريال عدا ونقدا والظاهر انها ساعدته على دفع المهر وقبل يغلق الموسم راح يتخانق مع مدربه ويزعل وينتقل وقولو ما قلته وزعله من تبديل المدرب له في مباراة الشباب خير دليل وما أشبه اليوم بالأمس


يا عبدالله بن مساعد بعد جلب الشيحان ., كيف راح يكون مصير لاعيبتنا الشباب في خط الهجوم وهل راح يكونون مهمشين على خط الاحتياط زي أحمد الصويلح النجم الهلالي القادم وزي محمد العنزي واللاعب المبعد في ظروف غامضه حسين العلي ؟ وايش هي الفايده من تكديس اللاعبين في خط الهجوم خلونا نحسبها :

بخط الهجوم لوحده اللاعبين التالين :

عبدالله الجمعان _ سامي الجابر _ تراوري _ أحمد الصويلح _ محمد العنزي _ (( الشيحان )) _ حسين العلي !! كم مهول من اللاعبين في خط واحد وفي المقابله شح رهيب تعاني منه الخطوط الاخرى وبالذات خط الدفاع والي يمشي حاله الى الان باجتهادات ابو مبارك وخنبقات احمد خليل واخفاقات عبدالله سليمان


ليش ما نستفيد من لعيبة الاستثمار الي جابهم نجيب الامام والي على حسب ما قرينا بان الطائي والاهلى يتنافسون على ضم واحد منهم ومركزه دفاع ؟ مهوب فريقنا احق بالتدعيم وسد الثغرات من الفرق الثانيه والا المقابل المادي الي راح نجنيه من هالصفقه شي يفوق الوصف لدرجة انه يمكنا من الاستغناء عن دعم الوليد بن طلال لشهر قادم ؟؟