[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="solid,4,gray" type=0 line=200% align=center use=ex length=0 char="" num="0,black" filter=""]
تشك بحبي وأنا اللي حبي لك بلا مقياس
تشك فيني وأنا اللي حالف بدنياي ما أخونك

غريبه حالة الدنيا غريبة لعبة الإحساس
كثر ما تصون لهم عهدك كثر ما هم يخونونك

أنا يالغاليه شارب من احساسك وعطفك كاس
أنا أذكرك دايم يوم كل الناس ينسونك

أنا كلي محبة من طرف رجلي لين الراس
أنا وإن كنتِ ما تدرين يقولون عني مجنونك

أنا ما عندي مانع بس على شانك أخاوي الياس
أنا اللي لو تناديني بأعلى صوت أقول عونك

خلاص اصحي من أوهامك وإنسي الهم والهوجاس
وغيري كل نظراتك وكذبي أغلب ظنونك

بقول لك شي سمعي زين وخلي عنك الوسواس
يا أطهر من مشى على الارض أنا ماأعيش أبد دونك

وحق الله أحبك موت وأشوفك في عيون الناس
وحتى في بعض الأوقات أشوف الناس بعيونك
[/poet]