السلام عليكم ورحمة الله وبركاته
صباح الخير او مساء الخير ياشباب
انا اول مره اكتب قصة في هذا المنتدى بس ان شا لله تعجبكم
القصة هذي حصلت لي اليوم عقب ما أختارني استاذ الرياضه في منتخب المدرسه
علشان نلعب مع مدرسه ثانيه
ويم جت الساعه 9 في تص الحصة الثانيه ويجينا استاذ الرياضه يقول يالله مشينا
واطلع انا وزملاي اللي في المنتخب(الله واكبر البرازيل الحين) ونوصل هناك في المدرسه الثانيه والله واستقبلونا ويعطونا الشاهي والقهوه ويقعد مديرهم يقر قر علينا ساعتين نحتريه يسكت المهم سكت الرجال وقم مرشدهم ياخذنا في جوله على مدرستهم ويودينا لمعمل الكمبيوتر ومختبر العلوم اخر شي ودانا للمكتبه ويحطنا فيها ويروح بعدين جونا طلابهم يسلمون علينا بعدين قالوا فيه مسابقه ثقافيه بين المدرستين والاستاذ ما أختار الا اللي يلعبون كوره بس ما احسب حساب للمستبقه هذي المهم والله الا ستاذ قال لي يالله قم انا واحد من الزملاء انا قلت الحين وش بنسوي بيعطونا اسئله مناب عارفينها قال الاستاذ : جاوب اي شي قلت : طيب والله يقوم مرشدهم يسألنا سؤال ونجاوب ويسألهم ويجاوبون لين وصلنا لأخر سؤال ويسألهم مرشدهم ولا عرفوا يجاوبون ويسألنا السؤال نفسه ونجاوب عليه والله ونفوز عليهم في هالمسابقه (والله ما أدري وشلون فزنا ) بعدين قالوا يالله الحين جا دور الكوره
ويا خذنا الاستاذ في ملعبهم ونقعد نسخن (اللي يشوفنا يقول الهلال مو منتخب مدرسه) وتبدأ المباراة والا ستاذ خلا ني على الدكة والله ويلعبون فريقنا ظغط عليهم وضغط لين جبنا الهدف الاول ويقعد هالمصري مدرسنا يناقز من الفرحه ويسنترون ويبدون يلعبون وفريقنا والله ماعاد لعبوا زين من جابوا الهدف وبعدين ينادين الاستاذ يقول يالله سخن انا على طول ما صدقت خبر وا قعد اسخن وتطلع الكورة برا وانزل للملعب بدل واحد من الشباب وعطاني فنيله لا زم البسهــا علشان اعرف اخوياي ويعرفوني المهم بدأ اللعب وانا توني ما لبست ذي الفنيله وتوني مدخل راسي في الفنيله الا حارسنا يشوت الكوره فيني وترجع على بابنا قووووووول لهم وهالمصري ازعجني قعد يصايح علي قلت طيب يصير خير وندق الكورة ونلعب ونشد عليهم ونضغط لين جا فاول قبل لايتنهي الشوط الا ول بشوي واقووول للشباب خلوه انا اللي بأشوته قالوا يالله شت يا ابو يعقوب قلت طيب تشوفون الحين والله واشوت الكوره ما دريت الا هي في بابهم قوول ثاني لنا وذا المصري يطامر (قلت في نفسي تو يسب ويلعن فيني والحين قاعد يطامر) وبذا الهدف انتهى الشوط الاول
ونقعد بين الشوطين ويعطونا مويه وعصير وذا المصري قاعد يمدح فيني بعدين قعد يوجه في الاعيبه اخوياي قال : لا زم تضغط على حامل الكوره وكلام كثيييييير انا والله ماسمعته المهم ويلعبني انا ورا في الدفاع قالوا الشباب لا يارجال ما ينفع الولد ما يلعب الاوسط صانع لعب وذا المصري يعيي ويقول الا دفاع قلت انا دفاع دفاع الشكوى لله
ويبدأ الشوط الثاني والله وتجيهم هجمه مرتده وما فيها الا انا وحارسنا قلت يا ولد لا زم اقطعها منه واجيك امشي 1000 ما اشوف الا اللي معه الكوره واقطعها منه وتبدأ هجمه لنا وانا جنحت يمين بالكوره والقا واحد من اخوياي رافع يده الا وارفه له الكوره ويحطها براسه (جعله يسلم) في الباب هدف ثالث لنا والصري يطامر فرحااان
ةبعد هذا الهدف ركد اللعب صارت الكوره في الوسط ذا ياخذها وذا يقطعها ويجيك كابتن فريقنا ويا خذ الكوره ويشوووتها الا وهي في الباب الهدف الرابع والمصري يطامر واتنتهي المباراة بنتيجة 4/1 ونرجع لمدرستنا لقيناهم في الحصه الاخيره قعدنا معهم شوي الا وترن انتهى الدوام المدرسي واطلع من المدرسه واروح للبيت واخذ لي دش يحبه قلبك واصكهــا نوووومه ما دريت عن نفسي الا وامي تقومني تقول قم الساعه 5 والله واقوم واتوضأ واصلي العصر واقعد اكتب هالقصه لكم .

وشكرا ,,,,,,,,,