السلام عليكم

منذ بدء الدوري وبالتحديد بعد مباراة الاتفاق ونحن نسمع ان اديموس لايصلح للهلال ليش؟: لانه تعادل مع الاتفاق!!! ياسلام ويوم تعادل مع الشباب قامت قائمة اولئك الذين لا يريدون التقدم للهلال احتجاجا على منصب او ماشابه , تعادلنا مع النصر يمكن هو اللي يلام عليها مستر اديموس لانه كان اسهل من شربة الماء (القصيم ) ولكن ماتلاحظون شي !!!!! انه بكل مباراه يغير لاعب بسبب الاصابه وكل مباراه يضاف لاعب الى قائمة المصابين (سامي ونواف والخثران وبدرا وحسن العتيبي والحربي وامس المطيري)

وفيه ملاحظه ثالثه بعد ان 90% من المصابين لاعبين وسط يعني اللاعبين اللي يطبقون الخطه اغلب فترات المباراه مثل التغطيه والمرتدات ومساندة الهجمه وغيره. اللي ودي اقوله ان مدربنا ياجماعة الخير مدرب صح بس يبي حاجتين, انا معكم انه يلعب المفرج وسط شي غلط بس الرجال وش يسوي.

الحاجه الاولى جماهير الهلال تعطيه فرصه والحاجه الثانيه يشوف حل للمشاكل اللي بين اللاعبين ويمكن شفنا الجمعان امس وش سوى لتراوري يوم لامه على كوره كان تراوري اكثر جاهزيه للتسديد, اقول للكابتن عبد الله يعني انت كذا تضر الهلال بتعنتك وتقلل اصدقاءك اهدا شوي والله انك افضل هجوم حاليا بس اهدا شوي علشان محبينك وعلشان الهلال اسمعو وش قال السيد اديموس عن المفرج "ان جربت اللاعب بالوسط ونجح" اسمع الكلام جربت اللاعب يعني ماعنده احد فابدا يجرب اللاعبين اللي مش اصلا وسط, نهاية الموضوع ان تعطو هالمدرب فرصه تراه العام بعد 5 اسابيع من استلامه الفريق حققنا بطوله, ليش؟؟ علشان كان عنده فريق جاهز مافيه اصابات.



سلملم