سلااااااااااااااااااام

من عرفت الدنيا وانا اسمع مثل هالخبر.......

وين فلان؟ مااااااااات!!! وشلون؟ ابد حادث ؟! صدم له بعير في الطريق؟؟؟؟

ياناس ما صارت

كل يوم نسمع او نقرأ عن حادث بعارين

والمشكله مهيب في البعير

المشكله في اثنين؟؟؟

الاول : راعي البعارين اللي مسرحهن في هالبران واكلف ماعليه اذا صار الحادث وماتوا الخلق انه يخلي الراعي يطمر لم البعير ويشيل منه " الوشم" اللي يعرف به راعي هالبعير.... ثم روحوا دوروا هالبعير ومنهو راعيه

والثاني : الحكومه؟؟؟؟ عاد اي جهه لا تسألوني؟؟؟ علشان انا مدري؟؟؟؟ هل المسئول هم وزارة المواصلات علشانها ما حطت حواجز وشبوك........ او الأماره علشانها ما قدرت تسيطر على هالبعارين واهلها واستهتارهم بأرواح الخلق..... او البلديه علشانها ما حطت كوبرى مشاة للبعارين

وعلشان كذا ........ احنا لازم يكون لنا موقف من هالبعارين

وداعا لكبدة الحاشي
وداعا لكبسة الحاشي
وداعا للبعارين بكبرها

والله يخلي لنا بنات المذن
ما عمرنا سمعنا ان واحد صادم له دجاجه في الخط ومات

اعلنوها مقاطعه

ورددوا معي

[ALIGN=CENTER]لا للبعارين
نعم للدجاج[/ALIGN]

حتى يصير درس لهم ويعرفون قيمة الآدمي

وسلااااااااااااااام

ريفو ريفو ريفو واحد يحسب نفسه في ملعب الملز أيام الثمانينات
اخوي ريفلينو وراك على البعارين الله يهديك
ياخي هم حبيايب رغم كل اللي سووه!!! وزي ماقلت انت المشكله في راعين هالبعارين اللي يهدونهن ويخلونهن يسرحن ويمرحن في كل مكان!! واللا البعارين يعرفن فرق بين العشب - ان كان فيه عشب- اللي حول الخط ولا اللي داخل البر!!!؟؟ والبعير مايصدق يمشي على الأسفلت وينبسط ان مافيه طلعات ولانزلات زي البر فيكمل طريقه لين يجيه راعي النصيب اللي يعانقه بوجه الموتر ويصير اللي مكتوب لهم جميع!!
يعني بالعربي المذنب هو راعي البعير مهوب البعير نفسه وحنا المفروض مانحط عقلنا بعقل بعير
المهم اني ارى انه ماله داعي تكبر الموضوع وتسوي مقاطعه لمنتجات البعارين من كبده ولحم ولبن وتحرض عليها خلق الله مسوي نفسه واقف مع البعارين وهو بيموتهم

وبالنسبة للدجاج او بالعربي بنات المذن فأنت اعرف حقيقتهن اول وبعدين صر في صفهن
انت عارف ان ثلاث ارباع الدجاجه هرامين-- جمع هرمون---
وان ماكبر صدور السعوديين الا هالدجاج وكلها كم سنه وتشوف الرجال يلبسون.........
ولا عمرك شفت دجاجه في اقل من اسبوع تتحول من كتكوت لدجاجه كبيره في هالمده!!!
وين مرحلة المراهقه حقتها؟؟؟ راحوا فيها الديكه
وتسلم ياغالي

نعم للبعارين
لا للدجاج

إقتباس وعلشان كذا ........ احنا لازم يكون لنا موقف من هالبعارين وداعا لكبدة الحاشي وداعا لكبسة الحاشي وداعا للبعارين بكبرها

وداعا وداعا وداعا وداعا

إقتباس ما عمرنا سمعنا ان واحد صادم له دجاجه في الخط ومات

ايه ما في

إقتباس اعلنوها مقاطعه

الحينحنا قاطعنا امريكا واسرائيل عشان نقاطع البعارين<<< ورطه

إقتباس ورددوا معي لا للبعارين نعم للدجاج

وانت الصادق
لا لماكدونالدز
نعم لكودو<<< الاخ جوووووووووعان

إقتباس حتى يصير درس لهم ويعرفون قيمة الآدمي

وين قاعد تدرس فيزياء شوي شوي

سلااااااااااااام

هلالي2008 .......... مشكور على مرورك بس انتبه لا يصير بدربك بعير

قرقاااااااااص ........

[ALIGN=CENTER]نعم للدجاج

لا للبعارين

لا للقرقاص[/ALIGN]





وسلااااااااااااام

ريفلينوا

رجة ..

بعارين ..


الله يرحم اللي ماتوووووا

والله مشكلة ..

تحياتي

الزعــ 15 ــيم

[ALIGN=CENTER]يااااااااااااي ياكلون لحم

<< اخوكم نباتي [/ALIGN]

لا للبعارين
والصبح وش نفطر كبده دجاج
يبي لك 20 دجاجه علشان تقدر تصلح كبده والقهر هالعشرين مايكفون نص صاموليه

هلا ابو شنب ..

أول شيء انتبه لروحك لا يدرون عنك البعارين ويطلعون لك على الدائري بعملية انحاريــة..

الشيء الثاني .. قال لك قرقاص إن البلى في أصحاب البعارين ..

الشيء الثالث .. الرسمه اللي على البعير اسمها ( وســم ) .. ما ادري حنا نسميها كذا ..

الشيء الرابع .. من ناحية اقتصادية وسياسية ..أذا قاطعنا البعارين وكبداتهم وكبساتهم ..بالشكل هذا راح يكثرون .. وراح تكثر الحوادث .. وبيصر انقراض للبشر..

الشي الخامس .. شكلك رحت للبوفيه وطلبت كبدة حاشي وقال لك إنها مخلصة ..وجيت على طول وكتبت الموضوع هذا..


تحياتي لك ،،،

إقتباس إقتباس من مشاركة البارق2000 هلا ابو شنب .. أول شيء انتبه لروحك لا يدرون عنك البعارين ويطلعون لك على الدائري بعملية انحاريــة.. الشيء الثاني .. قال لك قرقاص إن البلى في أصحاب البعارين .. الشيء الثالث .. الرسمه اللي على البعير اسمها ( وســم ) .. ما ادري حنا نسميها كذا .. الشيء الرابع .. من ناحية اقتصادية وسياسية ..أذا قاطعنا البعارين وكبداتهم وكبساتهم ..بالشكل هذا راح يكثرون .. وراح تكثر الحوادث .. وبيصر انقراض للبشر.. الشي الخامس .. شكلك رحت للبوفيه وطلبت كبدة حاشي وقال لك إنها مخلصة ..وجيت على طول وكتبت الموضوع هذا.. تحياتي لك ،،،

[QUOTE]إقتباس من مشاركة قرقاص
ريفو ريفو ريفو واحد يحسب نفسه في ملعب الملز أيام الثمانينات





يا الشايب فضحت نفسك

سلاااااااااااااااام


.............

الزعـــ 15 ـــيم.............. منيب راد عليك؟؟؟؟؟ اكتب اسمي زين بالاول !!! وش ريفلينوا ؟؟؟؟
عموما الله يرحمنا برحمته
_____________

سهل 888 ........ لاااااااااااا وازيدك من الشعر حي كامل مهوب بيت بس..... ناكل كبده نيه!!! يااااي

_____________

ابو صاموليه ......... قصدي ابو الذهب ...... فيه اختراع اسمه خرفان تقدر تاكل كبدتها وبقيمة هالعشرين دجاجه تقدر تجيب لك بربري

_____________

البارق 200000000 ......

اول شي العمليات اللي يسوونها على الدايري حنا نسميها - انتحاريه ;) <<<< منقهر من سالفة الوسم

وبالنسبه للناحيه الاقتصاديه والسياسيه...... اسمح لي ماعندك سالفه يا عبدالباري عطوان...
لأنه لو قاطعناهم..... حقين المطاعم بيجيبون لنا من بعارين استراليا... ام سنامين... يقولون ان لها كبدتين..... يعني عمليه مجديه اقتصاديا

وبالنسبه للملاحظه الخامسه فهي صحيحه ولكن ناقصه... حيث انني عندما لم اجد كبدة الحاشي قمت على الفور بطلب صحنين فووووووووووول مع فحل بصل قبل التوجه للعمل.... يعني افهمها

____________

المعترض........... مشكور على الاقتباس يا زوووووووووول

____________

راعي الكيف ......... من اول مشاركه اقتباس؟؟؟؟؟؟!!!!!!!...... وقاعد تتصيد في ذا الشياب

____________


سلااااااااااااااااااااااااام

أقول لا أحد يجيب طاري الدجاج قدامي
<<==== ديك

الله يرحم من مات
بس هذا ما يعني انكم تتجهون على ربعي ( الدجاج ) وتتركون البعارين اتقوا الله !!!!!

إلا على طاري الكبده

ترى مطعم يامال الشام الكبدة الي عنده كبدة دجاج
وما عنده كبدة حاشي
صحيح انها تعبر
لكن الحاشي غير (على غرار جده غير )


الجبل الأخضر

هيييييييييييييييييييييييييه يحياء العدل ....


خلاص انا من اليوم راح اقطع اي لحم بعير والا غنم ،، بس بلييييييييييز لاتقولون في التونه شي :sad::sad:

يا شباب اليكم هذيه الفاجعة
ضاعت علي دجاجة مسميها (( نانسي ))
دورت علييها في كل مكان مالقيتها
وارسلت للشرطة بلاغ
وكتبت في الجرايد مواصفاتها ولمن يجدها 5 ريال
وانا جالس انتظر اي شي عن الدجاجة
اتصل على واحد تلفون واعطاني هذا الخبر الي كان كالصاعقة
على طريق جدة _____ المدينة وجدوا جثة دجاجة وعند التحقيق عن هويتها وجدوها الدجاجة
المفقودة!!!!!!!!!!
واقمنا واجب العزاء في بيت الدرج
للتعزية الرجاء الاتصال على الرقم التالي
جوال : 055556555
وسلامتكم.