D S L السعوديه


أنا فيني كلام شوي عن خدمة DSL

هذي خدمة جديدة في السعودية وبدت تنتشر أكثر في الفترة الأخيرة

وأكيد راح تنتشر أكثر وأكثر ومن المتوقع لها تكون من أفضل وارخص طرق الاتصال بالانترنت في المستقبل القريب


خلونا نشوف مميزاتها وسعرها ونقارن بينها وبين الاتصال العادي Dial Up والاتصال عن طريق الستلايت

مع استخدامك ل DSL بيكون عندك انترنت بسرعة عالية تتراوح من 64 كيلو بت بالثانية حتى 512 أو أكثر ( معظم الشركات في السعودية ما تعطي أكثر 512 )

وتعطيك اتصال مستمر بالانترنت بدون انقطاع يعني بمجرد الكمبيوتر يكون شغال بتكون أنت شابك على الانترنت

ولو كان عندك أكثر من جهاز في البيت تقدر تشبكهم مع بعض عن طريق شبكة منزلية (LAN) عن طريق كرتين شبكة وكيبل UTP

حاليا في السعودية معظم شركات الانترنت تقدم خدمة DSL لكن يختلف سعرها من شركة للثانية والأسعار تتفاوت بشكل كبير

أما شركة الاتصالات تأخذ رسوم قدرها 220 ريال على استخدام هذي الخدمة

ومع استخدامك لخدمة DSL تتيح لك استخدام خط التلفون بشكل طبيعي وأجراء و استقبال المكالمات بدون تأثر على اتصالك بالانترنت .


مع كل هذه المميزات قد تكون ال DSL ارخص من الاتصال بالانترنت عن طريق Dial Up .

لو كانت تجيك الفاتورة 1000 ريال أو أكثر أو اقل شوية في 3 اشهر مع حساب رسوم الاشتراك في الانترنت ب 100 شهريا بتطلع التكلفة 1300 في 3 اشهر

كثير من العائلات فيها أكثر من شخص يستخدم الانترنت وتوصل الفاتورة أكثر من ألف وتلقاهم يقللون استخدام الانترنت قد الأماكن عشان الفاتورة لا تعدي عن ألف ريال

لاحظ ال DSL لو اشتركت في شركة ب 200 ريال شهريا ( معظم الشركات أسعارها أكثر من 200 ريال و أسعار ال DSL في انخفاض مستمر )

مع دفع مبلغ 220 ريال شهريا للاتصالات بيكون التكلفة 420 وبيكون التكلفة في 3 اشهر 1260 ريال .

مع استخدامك كل ميزات ال DSL من سرعة وعدم انقطاع واستمرارية في الاتصال 24 ساعة بدون أي تكلفة إضافية .



أخر شي بنقارن بين ال DSL وخدمة الستلايت ( استقبال فقط )

هذي الخدمة متوفرة في السعودية والخليج والكويت ومصر ويقدمها أكثر من شركة مثل فالكن ستريم في الكويت و أوربت في السعودية وايجبت سات في مصر .

مع استخدامك للستلايت راح تضطر لدفع مبلغ شهري للشركة إلى تشترك فيها بالأقمار الصناعية يتراوح من 40 إلى 80 دولار

بالإضافة إلى تكلفة خط التلفون وتكلفة الاشتراك المحلي وتكلفة كرت الاستقبال بالعادة يكون كرت PCI أو جهاز استقبال USB

كل هذي المصاريف زيادة عشان بس تحصل على انترنت أفضل وأسرع وهذا تقدمة لك ال DSL بتكلفة اقل وأسهل .

وباستخدامك للستلايت تحتاج إلى إعادة توجية الطبق في كل مره تغير فيها الشركة المشترك عليها للقمر الصناعي .

الشي الوحيد الى يقدمة الستلايت وماتقدمة خدمة ال DSL هي فتح المواقع المغلقة لان الستلايت مايمر باي بروكسي او أي فلتر او مرشح .

هلا اخوي ندفد ..

شركة الاتصالات تقدم لك خدمة DSL برسوم 300 ريال شهرياً ..
قبل ذلك يجب ان تركب الاجهزة الخاصة وشركة الاتصالات تركب لك الخدمة وتوصل كل شي لحد بيتك بـ 2200 ريال طبعاً تختلف الرسوم حسب سرعة الاشتراك (على ما اعتقد ان الرسم هاذي تطلع مع الفاتورة) ، واول ثلاث اشهر تكون مجاناً ، وبعد ذلك تدفع 300 ريال كل شهر ..

8
8
8
طيب لو شاركت بأول ثلاث اشهر حقت المجان وبعدين قلت ماابي اشترك
تمشي علاهم والا ينشبون بحلقي

إقتباس إقتباس من مشاركة فتى المدينه 8 8 8 طيب لو شاركت بأول ثلاث اشهر حقت المجان وبعدين قلت ماابي اشترك تمشي علاهم والا ينشبون بحلقي

هههههههههههههاااااي
ياخوووي ودك وودي بس هاذي ماتمشي عليهم

والله اني محتاج لDSL بالمره لان في البيت اربعه نستخدم النت والفاتوره توصل الالف بعض

الاحيان وشوف انواع التشويت

بس ياخوي هوفيه رسوم لشركة الاتصالات ورسوم لمقدم الخدمه ؟؟

بصراحه اذا كثرو الناس اللي يستخدمون النت في البيت ماراح استفيد ..

مثلا الأخ ( عبدالعزيز الأول) لو استخدمت النت وكل الموجودين معك في البيت راح تقسم سرعة النت اللي انت مستخدمها على اربعه وشف كم يجي كل واحد ..

يعني لو اخذت سرعه 265 راح تقسمها على اربعه = 64 ,,, تقريبا الاشتراك العاديDial up من التلفون يوصل لحد ال 50 ,,ولا تنسى تشوف كم سعر ال 256 علشان كذا اذا تبي تشترك خلك لحالك او شف واحد بس معك .. وبرضو راح تطفش يعني خلك لحالك بس .. او قسم الوقت اللي بتستخدم فيه النت مع اخوانك وهذي صعبه ,, بس احسن شي وارخص لك الستالايت ..

اخوي ندفد اسف على تعليقي على الموضوع لكن فعلا ال DSL فيها نصب واحتيال بشكل كبييير
ارجو ان تقبلوا مشاركتي بصدر رحب

مساء الوررررررررررررررررررررررررررررررررررررررررررررررررررررررررررد


سؤال ..

كم هي المبالغ التي ستدفع مقابل الحصول على DSL .

سوائاً .. عند الإنشاء .. أو بشكل دوري .. ( شهري ) ..

بالتفصيل لوتكرمتم ..


تحياتي ..

فيه شركات تقدم هالخدمة وبسعر معقول وبدون دفعات اولى ...
مثل شركة سعودي نت ...

بس انك تدفع في البدايه حق الثلاث شهور الاولى .. ورسم التأسيس حق شركة الاتصالات اللي يجي حوالي 200 ريال ..

وبعدين بعد كل ثلاث شهور .. تجي فاتورة تجديد لثلاث شهور جايه .. ويجي مع فاتورة الهاتف رسم ال DSL... الميتين ريال .. اللي يكون تبع شركة الاتصالات ..

وبالنسبه لسعر الفاتوره حقت الشركة اللي كل ثلاث شهور .. تكون حسب السرعه المستخدمه ..
اما 64 او 128 او 256 ..
والاخيرة يكون سعرها شهريا 560 ريال .. وبالضرب في 3 يكون عليك كل ثلاث شهور 1680ريال..
راح تحس انها كثيرة شوي .. بس لو يكون معك في البيت اكثر من مستخدم ... راح تكون مقسمه بينكم .. وبالتالي بتصير ارخص واسرع من الاتصال العادي ..

وطبعا لاتنسى في البداية سعر الاجهزة اللي تحتاجها .. عشان توصل عندك هالخدمة ..

وتقبلوا تحياتي ..
.... ماتهــــاب ....

مساء الوررررررررررررررررررررررررررررررررررررررررررررررررررررررررررررررد


للغالي . ماتهاب . كل الشكر ..

لكن وشي هالأجهزة اللي تحتاجها .. عشان توصل عندك هالخدمة ..؟؟

مودم خاص مثلاً ؟؟ وكم أسعارها ؟؟

الأخوة الأعزاء ...
المودوم في المملكة العربية السعودية سعرة تقريباً الف ريال هذا بالإضافة إلى 500 ريال تركيب بالإضافة إلى 500 ريال مقسم لأنه باختصار تستطيع أن تشبك أربعة أجهزة في مودم واحد بشرط أن يكون ذو موزع ....

أما بالنسبة لسرعة الجهاز فقد تم حسابها بدقة متناهية حيث قمت بتحميل ملف من مايكرو سوفت حجمة (( 1 )) قيقا في زمن وقدرة
40 دقيقة ولكم تخيل السرعة ..

لكل من اراد الإشتراك في المملكة هناك تكلفة مبدئية بقيمة 4000 ريال
تشمل قيمة الأجهزة والأشتراك ثم عليه أن يدفع مبلغ مقطوع للهاتف
200 ريال شهرياً ...
أو أن يكون الأشتراك مقسط بمبلغ وقدرة400 ريال تقريباً شهرياً وطبعاً
المبلغ يختلف اختلاف بسيط من شركة لأخرى .. وسو احاول ان أجد لكم قائمة بأسعار سعودي اولاين واثير ونسما ....

مساء الورررررررررررررررررررررررررررررررررررررررررررررررررررررررررررررد


بإنتظارك .. ندفيد ..

السلام عليكم ..

انا باتكلم عن طريقة الاشتراك في سعودي نت ..

اول شي تقدم طلب عند شركة سعودي نت .. وتعطيهم المعلومات المطلوبة ..
بعدها هم يتصلون عليك بعد ما يشوفون خط التلفون اللي تبي تركب عليه ينفع والا لا ..
ويتفقون مع شركة الاتصالات ..

واذا دقو عليك .. لازم تشتري الاجهزة الاتيه ..

موديم الدي إس إل بحوالي 650 ريال
الكيابل بحوالي 75 ريال
فلتر الدي إس إل 50 ريال
والتركيب تقريبا بحوالي 150 ريال

وبعد التركيب بيعطونك البيانات اللازمه للاشتراك .. مثل اسم المستخدم وكلمة المرور الخاصه فيكم ..

وبس ...