اخواني الزعماء :

قرينا خبر في الجرايد اليوم يقول أن الادارة الهلاليه سوف تقوم بدفع 3 ملايين للاعب عبدالله الجمعان مقابل اعادته لقائمة المحترفين .

وكأني أشوف بان الرقم هذا مبالغ فيه جدا جدا جدا . لنه مافي حاجه لهالأرقام الخياليه هذي على لاعب لسه راجع للاحتراف . خاصة بعد بأن الجمعان لاعب غير منتظم لافي تدريبات ولا سلوكيا في المباريات الرسميه بالاضافة الى أنه لاعب كثير الاصابات

وانا متأكد بأنه لو عرض عليه مبلغ مليون ريال مقابل التوقيع لمدة سنتين فقط راح يوافق ولو تردد في البداية لكن راح يرضى بالنهايه

لاعب بنفسية الجمعان كويس مره منه اذا اعطاك موسم واحد بالكثير دون مشاكل او توقف لأي سبب من الاسباب وأعتبر اعطاءه زي هالمبالغ هذي مغامره غير محسوبة العواقب من الادارة

يقولون أعجبهم انضباط اللاعب وين هالانضباط هذا مانشوفه في المباريات لأنه اغلب المباريات الي يكون مشترك فيها يكون بعيد عن المستوى المأمول ولا يقدم شيء يذكر سوى تسديدة او ثنتين بعيده عن القول

بالنهاية أقول بأن الجمعان وأربع سنوات أكبر خطأ . وقيمه زي القيمة هذي يعتبر تبذير ما أنزل الله به من سلطان

الجابر مصاب ويبغى له وقت طويل على بال ما يرجع للتمارين ويبغى له مدة زيها على بال ما يقدر يشارك ويبغى له ضعفها على بال ما ترجع له حساسية الكورة يعني معسكرات هولندا وأبها راحت أدراج الرياح وهذا حكم الله ما نقول الا الف الحمد لله على السلامه يا بو عبدالله وماجاك طهور وتمحيص ذنوب ان شاء الله . لكن والله العالم أن هالموسم راح علينا بدون شوفة الجابر .

وهذا التمياط جددو عقده بالشيء الفلاني ولا راح نستفيد منه مطلقا هذا الموسم الا في مباريات قليلة تعد على الاصابع اذا الله أراد له رجعه سريعه .

وسيبي بدرا نفس الشيء ووو ... كل هذي فلوس طارت وخسرناها , ومبالغ بأرقام زي الارقام هذي شيء يعور الراس انك تفقدها كذا خاصة ان وضع النادي المادي حاليا لك عليه .

والغريب ان الادارة ترجع وتبالغ باغراءاتها الماديه وتمسط بثلاث ملايين للاعب زي الجمعان ما تقدر تظمنه ابدا .

وين التخطيط الله يرحم والديكم ؟