#1  
قديم 15/03/2001, 03:46 PM
الصورة الرمزية الخاصة بـ ماجد المحمد
زعيــم فعــال
تاريخ التسجيل: 15/02/2001
المكان: الرياض
مشاركات: 211
Angry

أخواني الأعزاء في منتدى الزعيم
السلام عليكم ورحمة الله وبركاته :
اللي شفناه في أيران ترى ماهوب ملعب قسم بالله لايلعبون عليكم ترى هاذي روضة أزادي في أيران ، يعني صراحة منتهى الحقارة من الأتحاد الأسيوي أنه يسمح باللعب في مثل هاذي الملاعب ولا اللي يسمونها ملاعب وأخرتها يقولون والله أسفين ماتوقعنا الملعب كذا وليس من المعقول أن يروح وفد علشان يكشف على الملاعب في كل بطولة طبعاً هذاالكلام ورد في تصري ( الوليد بن بدر ) ، يعني بالعربي الأتحاد الأسيوي ماشي بدعاء الوالدين أم فلمبان وشلته ، صدقوني لو أنهم ماصرحو كان أهون لكن الشرهه ماهي عليهم الشرهه علينا أللي ما أنسحبنا من البطولة ، واحد منكم يرد علي قد شاف مباراة لبرشلونه ولا ريال مدريد على ملعب مثل هذا الملعب ، يعني صراحة الشي الوحيد المستفاد من هاذي البطولة أن بطولة النخبه لو بيلعبونها على جبل بدعنا فيها لأنه صار عندنا خبره ، ياشباب الله يرحم والديكم ترى الفريقين اللي راحو يمثلونا يكونون نسبة 95% من المنتخب السعودي وشلون الأتحاد السعودي يسمح لهم يلعبون ووراه تصفيات ووراه بطولات ، صدقوني لازم يكون فيه وقفه من رؤساء الإتحادات في دول الخليج لوقف المهاترات والممارسات الغريبة اللي تتم عن طريق فلمبان وشلته ، يعني شفنا قبل فترة ثلاثة من أعضاء الإتحاد اللبناني أكتشفوا السرقات اللي تتم من قبل المسئولين في الإتحاد الأسيوي وشوتوهم من الإتحاد هاذا بالنسبة للملعب وللإتحاد الأسيوي طبعاً ( إتحاد أي كلام)
أما بالنسبة للفريق فا للإسف ما بيضو الوجه في هاذي البطولة صراحة الحين أمشي وأن متلطم لأننا ما شفنا نجوم الهلام صراحه وللأسف قاعدين نشوف ناس يألفون لعب مافيه خطه مافيه تكتيك داخل الملعب يعني مستوى الهلال ماكان يأهله للعب على كأس أسيا ، كأس مويه وباليالله ، لازم ألإدارة تتخذ قرارات رادعة بحق المتخاذلين من اللاعبين هاذا وهم رايحين على طيارة خاصة ، لاعبين الإتحاد ريحين على دباب ولاعبين أحسن منا ، ولازم يتم مناقشة المدرب على فلسفته في تغييرات سواءً أثناء المبارات أو بداية التشكيل بعناصر مختلفه كل مباراة .
ما أطول عليكم لكن إذا ماكان فيه قرارات رادعة من قبل الإدارة صدقوني ترى فريقنا بيصير مثل كذا وأردى .
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube