اول مرة اشوف رونالدو بمباراة المان مع بولتون بافتتاح الدوري .. عندما منحه السير الفرصة بالشوط الثاني ..
بصراحه اللاعب يمتلك تكوين جسماني رائع .. وحاول يسوي شي وحاول يستعرض مهارته للجمهور .. وتسبب بضربة جزاء مشكوك فيها لأنه يتظاهر بالسقوط كثير وبأي كورة تقطع منه .. وبأي احتكاك .
الحكم عليه الأن بالنجاح او fالفشل خطأ .. لأنها اول مباراة رسمية له خاصة وعمره 18 سنه يعني قليل الخبرة .. وربما واجهته بعض الرهبة من الجمهور ;)
اتمنى له التوفيق سواء مع المان او مع منتخب البرتغال .

الطريف اني تابعت لاعب بمنتخب البرتغال للناشئين ببطولة كأس العالم الحالية والمقامة بفنلندا يحمل الرقم 7 واسمه فييرا .. اللاعب فنااااااااااااان .. وقال عنه معلق المباراة ان رقم 7 بالمنتخب البرتغالي حلم كل ناشيئ البرتغال
وياترى من يفوز بالرقم بالمستقبل وبعد اعتزال فيقو .. هو والا رونالدو ;)


تحياتي لك اخوي مدريداوي محايد
ومشكور على نقل اللقاء

هلا وغلا بمشرفنا الغالي هلالي الجوف انا خلاص يكفيني بموضوعي ردك قفله خلاص معد ابي ردوود يشرفني والله دخولك وتعليقك على موضعي

<=== ماخاف ابد يوم شاف انك الوحيد الي راد قلت شكل هالمره مهوب نقل موضوع الا طرده

هالايام البرتغاليين مع قرب كاس اوربا كل يوم طالع نجم الله يزيدهم برازيل اوربا يستاهلون وانا قررت اتابع المانشستر عشان هالاعب بعد مدحك له ومدح بعض الاخوان الاعضاء وايضا بعد كلام فيقو عنه

الف شكر مره ثانيه و 7 تحيات لك

<=== تراه ماسرق ايميلك يوم انك تنقل موضوعه ذاك اليوم

لاامزح لاتصدق وترى بدال الايميل عشره لاتضيق صدرك ووسعه على الاخرررر

والسلام

8
8
8
تـريـلتي فـاضيـه .. تـبيـني اضـف هـالموضوع
مـااااااااااااش الـسوق الـيوم لك عـليه ..

انـت خـابر .. الـزباين نـصّـهم زولـه والـيوم جـمعـه يـعني مـافـيه إلا فـروسـية ..
هـااااااااااه نـشـيل ؟

قـلبي مـايطاوعـني والله ..
ودك والله مـن يـرهّـم هـالأديـداس ويـفـنقر الـيوزر اللـي فـوقك
<== قـلب عـلى خـويه

والايـميل خـويي هـو اللـي سـارقه وهـذا هـو ===>
وهـذا اخـوه ==>
وهـذا سـواقـهم الـفلبـيني ===> (( بـرينـقلز ))

مـاتحس ان ردي مـدري وش يـبي !!

اوووف اوووف كل المشرفين بموضوعي صار مجلس اباء ذا خلاص توبه معد اكتب موضوع
القى رد ومن مين مالينكو شكل ولد الجوف منادي فزعه وعيال الحاره عجز يشيله نادى سطحة ملينكو تظفه

إقتباس إقتباس من مشاركة MALINKO 8 8 8 تـريـلتي فـاضيـه .. تـبيـني اضـف هـالموضوع مـااااااااااااش الـسوق الـيوم لك عـليه .. انـت خـابر .. الـزباين نـصّـهم زولـه والـيوم جـمعـه يـعني مـافـيه إلا فـروسـية .. هـااااااااااه نـشـيل ؟ والايـميل خـويي هـو اللـي سـارقه وهـذا هـو ===> وهـذا اخـوه ==> وهـذا سـواقـهم الـفلبـيني ===> (( بـرينـقلز )) مـاتحس ان ردي مـدري وش يـبي !!

تسويها شكل ايدك تحكك توك شايل موضوع نادي الحكومه وانا للحين محتار اقول ياربي ذا وش فيه مهيب عادة مايتحمل اي كلام على الريال

نقهويكم السزابله ؟؟ <<===ماخاف ابد من المشرفين والله واحد جاي بسطحته ناويها

بس الي سرق الايميل شكله هو وشنبه ارهابي من جد لاتحرش فيه ياراعي الجوف <<= بدا يمون هماه رد على موضوعه وبيتقهوى عنده خلاص واسطات

تشكرات لتعليقاتك اخوي مالينكو

والسلام

لـحظة لـحظة وشـو حـشيـشه
قـصدي وشـو سـطحـته

مـاودي اقـلب الـموضوع تشـات .. لـكن يـالغالي مـوضوع فريق الحكومة تـم التـصرف فـيه حـسب اللـوائح .. ولـكاتبه الـحق الـكامل بـالإسـتفسار عـنه عـلى الـرغم مـن وضوح كـل شئ .. واقـسم بالله ان نـقله لـم يـكن لـسبب الدفاع عـن الـريال او غـيره .. ولـكن لـعدة أسـباب اجتـمعت وكـلها تـقف أمام اللـوائح مـنها التـطرّق لـكاتب مـعين أو لـموقع آخـر وهـذا الأمـر لانـسمح به نهائياً ..
وبـالعكس فـقد تـم طـرح مـواضيع ممـاثلة سـابقاً ولـم تـجد إلا التـرحيب الـكامل فـي ظل سـلامة الـطرح فـيها وعدم وجود مـا يتـسبب بـغير ذلك .. عـلى أي حـال .. كـل الأمـور مُـتوفرة تـحت يـد الـكاتب وبإمكانه الإطّـلاع عـليها .. إلا أن مـايُـثير الـحفـيظة هـو مـايحدث أحـياناً مـن سـوء فـهم أو تـفسير ..

ولا الدزابـله ولا عـقـبه ..
وتـرا الـموضوع الأسـاسي مـارديـنا عـليه .. خـلنا نـرد ولاحـقـين عـلى الـقهوه

رونـالدو الـفرصـة أمـامه قـوية للـظهور حتـى للـساحة الـدولـية ..
ويـكفينا قـوّة الإعـلام الإنـجليزي وخـصوصاً إذا قـدّم رونـالدو مـستويات تُـجبر الـجميع عـلى الـرضوخ لـحقيقـة أنه نـجمٌ يـسير عـلى خـطى الـكبار فـيقو وري كـوستا ..
الـغريب فـي الأمـر هـو مـاذكـره عـن إنـتقاله للـيفربـول !!!
التـقرير الـذي رُفـع عـنه لـم يـلقَ الإهتـمام !! .. فـهل يـندم اللـيفر عـلى التـفريط بـه ؟؟
اللـقاءات الـقويّـة الـقادمة للـمان سـواءاً فـي الـدوري أو غـيره مـن الـممكن أن تـمنحه بـعض الـثقـة ليُـواصل مـسيرته .. وأيـضاً قـد تـمنحنا بـعضاً مـن الـجوانب لـنحكم عـلى أداءه لـهذا الـموسم فـمن الـصعب إصـدار الأحـكام عـلى اللاعـبين فـي هـذا الـسن .. فـمن يـدري .. قـد يُـخفق لـموسم أو مـوسمين وقـد يـنجح فـي ثـلاث أو أربـع بـعدها ..

ومُـذهل جـداً ذلك التـعلّـق المـلحوظ عـلى شـباب الـبرتغال بـالرقم[7] !!
يـعطيك الـعافية يـالغالي ..
تـحياتي لك ..

حلـــــــــــو والله رقم 7 ومع المان

وبنشوف وش بيسوي في اقوي بطوله الشمبيون لييق

الله يعافيك اخوي مالينكو وصدقني لاتحسب كلامي اعتراض لتصرفك بنقل الموضوع بالعكس بس جت سالفة التريله والسطحه وتكلمت عنه والا قرارك سليم ميه ميه

ومعك حق التعلق مذهل جدا جدا <<=اوربت برقم سبعه بالنسبه للبرتغاليين

والف شكر مره ثانيه لردك وتعليقاتك الي مانستغتني عنها الي هي والله ملح المنتدى

الاخ بلو شيرت مشوكور لمشاركتك وبالبفعل بنشوف وش بيسوي

والسلام عليكم