[ALIGN=CENTER]تقام في الساعة ثنتين الظهر يوم السبت على أرض جيمس بارك ملعب نيوكاسل قمة مباريات الدوري الإنجليزي بين :
+
مانشستر يونايتد + نيوكاسل يونايتد


المان يدخل المباراة ومعه 3 نقاط بعد ما فاز في لقاء الافتتاح على بولتون برباعية نظيفة بعد اداء حلو من المان ، و نيوكاسل يدخل المباراة ومعه نقطة وحدة جابها من ملعب آيلاند رود بعد ما تعادل مع ليدز 2 _ 2

مباريات الفريقين دائماً تكون حلوه ومثيرة ..
في آخر موسمين لعب الفريقين 4 مباريات وما قلّ معدل التسجيل في اي وحدة من المباريات عن 4 اهداف

في الموسم قبل الماضي :

ذهاباً فاز نيوكاسل 4 _ 3

اياباً فاز المان 3 _ 1

وفي الموسم الماضي :

ذهاباً فاز المان 5 _ 3

واياباً فاز المان 6 _ 2


فيرغسون يدخل ذا اللقاء وفي نيّته الفوز مستغلاّ معنويات الفريق العالية بعد الفوز الكبير يوم السبت ويبي يعتمد تقريباً على نفس التشكيل اللي لعب مباراة بولتون :


هاوارد يبي يمسك حارس >>> لا ياشيخ جبتا شي جديد


وخط الدفاع يبي يقوده اغلى مدافع في العالم ريو فرديناند


وعلى كثر الاصابات في الدفاع إلا إن فيرغسون دايم عنده الحل الجاهز ..


في الوسط إعتمد فيرغسون على روي كين كابتن الفريق


واولي غونار سولسكيار


ونيكي بات


ورايان جيجز


وفي الهجوم فالسير أليكس فيرجسون يراهن على رود فان نيستلروي وبول سكولز



و تثبت الاحصائيات انه في آخر 3 لقاءات بين الفريقين سجل المدفعجي الاشقر بول سكولز 6 اهداف



و سجّل رود فان نيستلروي 5 اهداف ( من اصل 14 هدف للمان في هذه المباريات الثلاث )



ويبقى عند فيرغسون اوراق احتياطية هامة مثل الفنان جون اوشي و الكاميروني دجامبا و البرتغالي الصاعد كريستيانو رونالدو

( رونالدو )



اما في فريق نيوكاسل فالسير بوبي روبسون عزز صفوفه هذا العام بلاعب وست هام ( لي بوير )


ويبي يعتمد في الحراسه على الإيرلندي ( شاي غيفن ) وتبقى المشكلة في الدفاع فعلى إن الانجليزي الدولي ( جوناثان وودغيت ) موجود الا ان إللي معه في الدفاع سواء كان (اوبراين) او (برامبل) مهومب على نفس المستوى اما في الوسط فالخيارات واجد منها :

لي بوير و جيرمان جيناس و كيرون داير و المخضرم غاري سبيد و نومبيرتو سولانو و لوران روبير و هوغو فيانا ..

وهذا إللي يبي يخلّي بوبي روبسون يحتار في الإختيار

وفي الهجوم فيه المهاجم الهداف آلان شيرر وعلى إنه حول ما يعتزل إلا إنه يبقى افضل هدّاف لنيوكاسل

وكلنا شفنا وش سوّا بليدز في الجولة اللي راحت ..

وفيه بعد في الهجوم المهاجم المشاكس كريغ بيلامي إللي يبي يزعج دفاع المان


وعندهم في الإحتياط شولا اميوبي و لومانو لوا لوا وكل ذا الإثنين يروّعون كل واحد يقول أنا احسن من الثاني ..

أتمنى التوفيق للشياطين الحمر [/ALIGN]

يـاهلا والله اخـوي نيسـ 10 ـتلروي ..

مـوضوع خـفيف عـلى الـمعدة <=== جـوعان :sad:
تـقديم جـميل ومُـتناسق بس يـاليت تـصغـّـر الـصور مـر ثـانيه ..
يـعنـي يـاخط صـغير مـاينشـاف أو صـور كـبر جـبهة هـلالي الـجوف ..

مـباراة قـمّة .. إلا والله قـمّتـين وثـلاث بـعد .. وعـلى الـرغم من ان الـدوري فـي بـدايته وهـناك فـرصة للـتعويض إلا أن الظـروف والأوضـاع ستـمنح اللـقاء مُـتعة أكـثر ..
طـبعاً هـذا إضـافة إلى أن الـفريقـين أمتـعانا بأداءهمـا الـهجومي .. ونتـائج الـمباريات خـير شـاهد ..
ولاتـنسى الـقوّة الـهجومـية للـفريقـين تُـؤكد أن الـنتيجة من الأتصعب أن تـبقى دون تـغيير لـمدّة طـويلة ..

نـيوكاسل بـعد تـعادله فـي اللـقاء الأول .. وإضـافة إلى أن هـذا اللـقاء فـي الـجيمس بـارك .. فـدون أدنـي شـك أن الـفريق سـيضرب بـيدٍ مـن حـديد .. خـصوصاً وهـو عـلى عـلم بأن الـمان إذا [كتـم لـها ودز] من الـصعب اللـحاق بـه .. ولايـهون الأرسـنال ..

فـيه لاعـب خـاش مـزاجي .. وبـقولك مـنهو بـس إذا ضـحكـت صدقـني باخـلي كـارلوس يـنفرد بك وأنـواع التـشويت <=== يـسمع بالاسـلوب

الـمهم اللاعب .. هـو ذا :

بـصراحة مـن بـعد مـباراة نـيوكاسل مـع الانـتر فـي التـشامبيونز الـموسم اللـي راح وأن أشـوف ان هـالرجال غـير طـبيعـي .. يـعني شـوية إعـلام هـنا وشـوي وسـامة هـنا وبـيسـمونه كـارلوس بـيرنـارد .. ومـايحتـاج وسـامه بـعد هـو كـله حـلى ..

وإذا جـيت للـجد .. سـلم لـي عـلى [ نـيستـلروي ] و [ شـيـرر ] ..
نـاس مـاتـرحم .. وتـقدّر التـمزيـع .. ويفـلّـونها إذا شـافوا طـبلون الأهـداف مـفلّـل ..
وصـدقـني انـها فـرصة لـرونـالدو .. اللـقاء الأول لـيس مـقـياس .. وهـذي فـرصة ذهـبيـة له ..
أمّـا قـيقز فـوالله يـا انـا اقـدّر هـاللاعب .. وصـدقـني أحـد أركـان الـمان هـو ولاغـنى عـنه ..
بـيلامـي ورقـم 20 لـوا لـوا والأنظـار تتّـجه لـهم ..

لـقاء روعـة .. بإذن الله نـشوف مُـحصـلة كـبيرة مـن الأهـداف فـيه ..
يـعطيك الـعافية يـالغالي .. وتـسلم يـمينك ..
تـحياتي لك ..

ابدعت في تقديمك الرائع

بالتوفيق للمانيو وانشاء الله يلعب رونالدو من اول المباراة

اما عن لاعب الغالي ملينكو فاعتقد انه شولا اميوبي بالفعل رائع

MALINKO
أبشر والله ما يكون خاطرك إلا طيب .. في المرات الجايه تشوف إن شاء الله تبي تشوف الكتابه بأذانك
والصور إن شاء الله تبي تشوفها بحجم معقول ..
واللاعب إللي معجبك لعبه وشكله .. هو أوليفر بيرنارد ..
وبالتوفيق للمان ..

GIALLOROSSI
مشكووووور حبيبي .. وإن شاء الله يمتّعنا المان ..

مشكور اخوي نستلروي .....

مباراة ستكون في غاية الاثارة والمتعة .......

على فكرة نكي بات من زين لعبه يحطه اساسي .....

واتوق هدف لنستلروي من ضربة جزاء تراو معودنا ....


والنتيجة 4/2 لنيوكاسل شيرر شيرر شيرر شيرر ....

الف شكر اخوي على التقديم الجميل

بس ممكن نعرف وش القنوات الي بتنقلها والتوقيت اذا ما عليك امر

تحياتي

الإبداع :
أكيد المباراة راح تكون حلووووووه من الفريقين وأكيد المباراة راح يكون فيها أهداف كثيره مثل ما عوّدتنا مباريات الفريقين ..
لكن يا أخوي الإبداع أنا اخالفك الرأي في اللاعب نيكي بات ..
نيكي بات لاعب صاحب مجهود كبير كبير كبير في المحور لكن يعيبه بعض الباصات الخاطئه ..
أما بالنسبه لتوقعك لاعب نيستلروي .. فأنا أتوقع إنه راح يسجّل هاتريك ويعوّض المستويات الضعيفه له في المباراتين الأخيرتين ..
وأما بالنسبه لتوقعك لنتيجة المباراة .. فالتوقع صعب جداً لكن إن شاء الله يفوز المان ولو بنصف هدف
مشكور حبيبي على الرد ..

هلالي العليا 176 :
العفو حبيبي ألبي ..

والمباراة راح تقام في تمام الساعة 2.00 بتوقيت السعوديه على قناة الـART2

مشكور أخوي على الرد ..

مشكور يالذيب ولاهنت وبالتوفيق للمان

مشكووووووووووور

ان شاء الله المان بيفوز في المباراة القادمه امام نيوكاسل يونايتد

بالتوفيق للمان

وانا حالياً متواجد في نيوكاسل وبحاول احضر المباراة....:p

هلالي العليا :
العفو أخوي ..


بيكهام للأبد :
الله يسمع منك حبيبي ..


so16so :
الله يسهّل عليك وتحضر المباراة ..

مشكورين على التواصل ..

مشكور عى التقديم الرائع و الجميل..و لا (نبيل معلول).

و ان شا الله نشوف مباراة ممتعه