السلام عليكم
مقدمه :
هذي تجربة حقيقية حدثت لي شخصياً .. هالتجربة بصراحة دخلتها بحسن نية قبل كم يوم ومستمرة معي لحد الأن ومادري وش تاليتها .. وحبيت اني انقل لكم اهم ماصار فيها من احداث عجيبة وغريبة ومتناقضة ماتوقعتها ابد ابد ابد .. بذكر لكم كم موقف واترك التعليق لكم
[HR]
تررررن ترررررررررن <<== جوالي يدق
انا حاط نغمة اشوفك كل يوم واروح ... بس ماعلينا
انا : نعم
هو : السلام عليكم
انا : عليكم السلام والرحمة .
هو : ياخوي في اعلان عن لوحة سيارة نازل اليوم بالجريدة ؟
انا : ايه اخوي صحيح والرقم ### والرمز ###
هو : ايه .. هذا هو .
انا : طيب وش بغيت يالحبيب .
هو : ابي اعرف بكم السوم ؟
انا : توني عارضه للبيع وماجاه سوم .
هو : طيب ماحديته ؟
انا : لا .. ماحديته وابي ابيع باعلى سوم .
هو : طيب شكرا .. بكلمك مرة ثانية ..
مع السلامه طوط طوط طوط <<== ياسلام على الادب والذوق والاحترام
[HR]
تررررن ترررررررررن
انا : نعم
هو : بكم الرقم ؟
انا : نعممممممممممممم
هو : اقول بكم الرقم ؟
انا : وين يالحبيب هو انت داخل دكان غلام اكبر خان
هو : مستعجل وشفت الاعلان وبغيت اسال بكم الرقم
انا : السوم وصل سبعة الاف .
طرااااااااااااااااخ طوط طوط طوط <<==
[HR]
تررررن ترررررررررن
انا : نعم
هو : مررررررررررحبا
انا : اهلين وسهلين
هو : كيف الحال ؟
انا : الحمدلله .
هو : وشلونك ؟
انا : طيب .
هو : من وين الأخ ؟
انا : ليش <<== بدت الاخلاق تخرب
هو : طيب .. انت منزل لوحة للبيع ؟
انا : ايه
هو : بكم السوم ؟
انا : وصل عشرة الاف .
هو : ماتبدلها برقم جوال ؟
انا : ياخي عندي جوال .. ولو بغيت رقم جوال كان حطيت اعلان معه .
هو : طيب ماتبدلها بلوحة ### والرمز ### مسيومة باربعة الاف <<== عرفت ان الاخ شريطي
انا : ياخوي تبي تشتري والا تبي تعرض بضاعتك ؟
هو : كلهن .
انا : اقولك مسيومة بعشرة الاف وتبي تبدلها بلوحة باربعة الاف
باي عقل تبغاني اوافق
هو : قلت يمكن ..
انا : لاتكفى .. مهنا يمكن .. انا جاد بالبيع .
هو : طيب فكر و مع السلامه طوط طوط طوط
[HR]
تررررن ترررررررررن
انا : نعم
هي : السلام عليكم
انا : عليكم السلام
هي : بكم كيلو العسل ؟
انا : نعممممممممممممممممممممممم
هي : ماتسمع انت .. اقول بكم كيلو العسل اللي منزلين عنه اعلان بالجريدة ؟
انا : صحيح اني انقط عسل .. بس عسلي ماهو للبيع
هي : تنكت انت وووجهك
انا : احم احم .. لا ياوخيتي .. انا منزل لوحة للبيع .. وجاري بالجريدة هو اللي منزل العسل .
هي : هاه .. يافشيلتي طوط طوط طوط <<==
[HR]
تررررن ترررررررررن
انا : نعم
هو : السلام عليكم
انا : عليكم السلام .
هو : كم وصل السوم على اللوحة ؟
انا : وصل 15 الف .
هو : ماتبيع بثمان والا بسبع ؟
انا : اقولك مسيوم بـ15
هو : طيب ماتبيع بتسع ؟
انا : وشلون تبغاني ابيع بتسع .. ماني ببايع ولا بخمس طعش
هو : عاد من زين هالرقم .. وفي ارقام احسن منه وارخص
انا : طيب ليش تدق مدامه ماهو زين .. ووش تبغى فيه طوط طوط طوط <<== قفل الخط بوجهي
وبعده مباشرة ..تررررن ترررررررررن
انا : نعم
هو : السلام عليكم
انا : عليكم السلام
هو : كم وصل السوم يالحبيب ؟
انا : وصل خمس طعش .
هو : وكم حدك فيه ؟
انا : لأعلى سوم .
هو : تبيع بست طعش .
انا : دق علي بعد يومين ويصير خير .. والا انا راح ادق عليك اذا وقف على سومك .
هو : مشكور يالاخو .. طوط طوط طوط
وارجع على طول لخوينا راعي التسع الاف اللي قفل الخط بوجهي اللي يقول ماهو زين
انا : السلام عليكم
هو : عليكم السلام
انا : انت اللي سمت الرقم ### بتسع الاف ؟
هو : ايه انا .. هاه تبي تبيع اكيد
<< متخيله يقولها وهو فاق الخشة
انا : لا والله ما ابغى ابيع .. لكن صحيح انك ماتستحي
تو واحد دق علي بعدك على طول وسامه بستطعش .. وانت تسوم بتسع مدري بثمان .. ليش كذا ..
هو : اقول احترم نفسك واعرف من تحاتسي .
انا : على تبن .. مدامك ماحترمتني وتكذبني وتبي تستغلني ماني محترمك مهما صرت .
هو : ************************ <<== كلام مشفر مافي داعي تسمعونه
وهالمرة انا اللي سويتها .. طراااااااااااااااااااخ طوط طوط طوط
[HR]
تررررن ترررررررررن
انا : نعم
هو : مرررررررررررحبا
انا : اهلين
هو : كم وصل السوم ؟
انا : وصل ست طعش .
هو : رقم لوحة بست طعش .
انا : ايوالله يالغالي .. هذا ماجاك .
هو :انت من وين .. وانت متزوج ؟
انا : ليش تسأل ؟
هو : ابي ازوجك بنتي
انا : نعمممممممم لاتكفى لاتزوجني ولا ازوجك .. انامتزوج وعندي عيال ولله الحمد
هو : طيب .. زوجني بنتك
<<== لوووووووووول الفراغ ومايسوي
انا : تبي تشري الرقم والا لا <<== خربت الاخلاق مرة ثانية
هو : ايه ابي اشريه .. بس غالي .
انا : هذا السوم والله ..
هو : طيب .. الله يوفقك وان شاءالله يجيب مية الف
<<== مدري هو حب الرقم والا حبني
انا : مشكور .. والله يرزقك برقم رخيص
[HR]
تررررن ترررررررررن
انا : نعم
هو : كم وصل سوم اللوحة ؟
انا : ست طعش
هو : طيب انا ابغى اشتري السيارة ؟
انا : تشتريها وانت ماتدري وشي
هو : صح .. وش السيارة ؟
انا : بطلت خلاص مابي ابيع ولا اشري
<<== عرفت بعدها اني ما اصلح تاجر
[HR]
تررررن ترررررررررن
انا : نعم
هو : السلام عليكم
انا : عليكم السلام
هو : كم وصل رقم الجوال ؟
انا : جوال ايش يابوي ؟
هو : الجوال اللي انت مسوي عنه اعلان بالجريدة ؟
انا : انت غلطان .. انا مسوي اعلان عن رقم لوحة .
هو : معليش ياخوي .. طيب انت اي رقم ؟
انا : تبي جوال والا تبي رقم لوحة ؟
هو : اي شي
انا : رقم ### والرمز ###
هو : كم وصل السوم
انا : وصل ست طعش .
هو : لاتبيع هالحين .. الرقم زين
انا : ليش ؟
هو : اللي يدفعون كل ابوهم مسافرين للخارج .. وماعندك هالحين الا المنتفين
<< == هذا ياكل زعتر وهو صغير
انا : طيب مشكور على النصيحة
هو : العفو .. طوط طوط طوط
[HR]
تررررن ترررررررررن
انا : نعم
هي : ليش تبي تبيع هاللوحة يالوح
<<== لوح
انا : انا لوح ؟
هي : ايه انت لوح <<== وبجنبها خويتها تضحك
انا : لووووووووووول مزاجي وش دخلك .. لوحة ابوك هي
هي : لا .. بس عجبني الرقم واستغرب ليش تبيعه ؟
انا : ماهو شغلك .. واحترمي نفسك
هي : ماتعطيني الرقم اهديه لخويي
<<== لاتعليق
انا : خويك ؟؟؟؟؟؟؟؟ طرررررررررررررراخ طوط طوط طوط .
[HR]
تررررن ترررررررررن
انا : نعم
هو : السلام عليكم
انا : عليكم السلام
هو : انت منزل اعلان بالجريدة عن رقم سيارة ؟
انا : صحيح .
هو : اخيو انا عندي رقم لوحة وابغى ابيعه ؟
انا : وش اسويلك .
هو : اعلن لي
انا : شايفني اعلانات الجريدة ؟
هو : هاه .. لا قصدي صحيح في ناس تشري <<== يبي يغير الموضوع
انا : ايه صحيح .. وفي ناس تدفع
هو : مشكوووووووووووووووور طوط طوط طوط
[HR]
تررررن ترررررررررن الساعة ثنتين بالليل
انا : نعم
هو : السلالالالالالالالالالالالالام عليكوووووووووم
انا : عليكم السلام
هو : هاااااااااااااااات ثلج ؟
انا : وشو ثلجه ياخوي .. تراني بالتلفون وماني شغالتكم .
هو : اقول اسكت انت .. اعني خويي
انا : طيب سكتت .. بس وش تبغى بالثلج ؟ اذا انت مصخن رح للمستشفى احسنلك <<== على نياته
هو : اقووووووول .. والله مااااااااامصخن غيرك .. اوووووول شي مااااااانيب يمك .. ووووووووووثاني شي وووووووووووشوله تبغى تبيع هااااااااااالرقم اللي مهناااااااااا زينه .. الين مااااااااااعندك لا تقدير ووووووووووولا عندك ذووووووووووق .. <<== تقدير وذوق للوحة
الا ماتعطين هاااااااااالرقم احطه على ددسني ؟
انا : اهاااااااااا
<<== هالحين عرفت وش السالفة
يفداك الرقم وصاحب الرقم
<<== مسوي فيها زقرت
هو : انت من وين ؟
انا : انا من الجوف يالحبيب .. وانت من وين ؟
هو : ياااااااااااااروحي اهل الجوووووف .. انا اعرف الجووووووف وعرررعر وتبووووك وقارا وزلوم
.. اقولك هات ثلج <<== وربي بغيت انقز واجيب ثلج
انا : ماقلت لي وينك ؟
هو : انا بالمزرعة
انا : قصدي من اي ديرة ؟
هو : بالحوطة .. تعال يمنا
انا : ايه احتروني .. هالحين اجيكم
هو : ماقلتلي .. ماتبي تعطين هالرقم احطه على الددسن حقتي <<==
انا : حلالك يالغالي <<== يبي يفتك
واستمرت المكالمة نص ساعة وبالقوة تخلصت منه
[HR]
تررررن ترررررررررن انا : نعم
هو : السلام عليكم
انا : عليكم السلام
هو : انت حاط رقم لوحة بالجريردة للبيع ؟
انا : ايه .
هو : كم سيم ؟
انا : بست طعش الف .
هو : طيب ماتبدل بلوحة سهل 888 ؟
انا : سهل 888
كررررركككككررررررككككككككررررررر
الله ياخذك انت ورقمك .. وش جابك يمي
؟
هو : ههههههههههههههه ابد .. شفت رقم الجوال بالجريدة وعرفتك ..
وكلمتك من جوال اخوي علشان ماتعرفني
وكان هذا اطرف موقف مريت فيه .. ولا توقعته
اكتفي بهالمكالمات اللي جت على بالي ;)
تحياتي للجميع
!!!!!!!!!!!! لكن يا حليل اللي تبي تشتري عسل من جد 
<< لاتكون لوحة دبابك 
ما عندك الا حلالك 
الوضع المتطور
