![قديم](images/coc/images/statusicon/post_old.gif)
25/09/2023, 10:00 PM
|
![الصورة الرمزية الخاصة بـ عاشق الزعيم505](images2/images14/images/avatars/hilal/logo.png) | زعيــم مميــز | | تاريخ التسجيل: 14/04/2010 المكان: الخبر
مشاركات: 4,568
| |
للأسف مستوى غثيث ونتائج سيئة
من مباراة الاوزبكي وضمك ومباراة اليوم
طبعا لما تشوف أغلبية اللاعبين مستواهم سيء
هذا الشيء دليل ان المدرب سيء
سعود عبدالحميد وصل لمستوى عالي جدا لدرجة طلعت اخبار ان يوفنتوس يرغب التعاقد معه صار عك كروي مخيف وصار البريك المتهالك أفضل منه
أنانية سالم تخليك تنسى كل المستوى اللي يقدمه لأن بعض الكرات لو يمررها أهداف محققه
سلمان اللي كان ممتع كرويا صار استلام وتسليم خاطيء
واحتفاض بالكرة بدون فكر
نيمار النجم الأول بالفريق وسعره يشتري دوري كامل صار غيابه وحضوره ما يفرق.. قال إرهاق!!.. بنزيما من المطار بالليل اليوم الثاني كرف لحد الآن وانت دافع اثنين مليار على وش
اراحة ميشيل في مباراة فيها تكتل دفاعي دليل انك مدرب مفلس ريحت لاعب وارهقت كل الفريق
ميتروفيتش ما صدقنا خبر نشوفه بالهلال صار كل مباراة فيها تكتل يختفي..!!!
سافيتش من أفضل المحاور في العالم رعونه وارتكاب أخطاء ويلعب كانه مغصوب وكل مباراة تبديل او دكة او استبعاد من التشكيلة ناهيك عن اختفاء نجوميته والكوارث اللي يرتكبها... شيء لا يصدقه أكبر الخصوم
لازم حل من بدري قبل نشوف بلاوي تنسف كل احلام الهلاليين
توقعنا فريق مرعب يمطر شباك الخصوم وللأسف صرنا حديث الكل.. والكل يحلل المشهد بطريقته من محب وكاره
اللي باقي عنده امل في تحسن الفريق مع احترامي تراك تعيش الوهم لأن النجوم والأدوات متوفرة ولا إصابات ولا غيابات وفي كل مباراة نستنفذ التبديلات للبحث عن تعادل او فوز بهدف
مباراة الشباب الجاية اختبار مصغر
والاختبار الأصعب في ذهاب واياب الآسيوية إذا تزامنت مع ديربي وكلاسيكو محلياً راح يبين كل شي وساعتها ما ينفع الندم
خيسوس كان في نظرنا في السابق مدرب عظيم
ولكن بهذا الأسلوب والطريقة والمستوى اشوف الهلال اكبر من يمسكه مدرب مثل خيسوس لأن محد من اللاعبين قادر على تقديم مستوى باستثناء نيفيز بحكم خبرته وبونو اللي يلعب بدون توجيهات جيسوس
وجهة نظر شخصية
سنبقى خلف الهلال |