16/04/2022, 09:42 PM
|
| زعيــم مميــز | | تاريخ التسجيل: 14/04/2010 المكان: الخبر
مشاركات: 4,533
| |
| إقتباس | | | | |
الرسالة الأصلية كتبت بواسطة ابوساري | | | | | | | |
صباح الخير ..
المباراة الهلال كان فيها فريق كبير و ثقيل و أظهر فارق امكانياته بينه وبين الفرق الثانية ..
والمفروض المباراة منتهية 4 على أقل تقدير ..
حارسهم استبسل و قدم مباراة جميلة جداً ..
ولاعبيننا قدموا لقطات حلوة أكثر من مرة و أظهروا فنياتهم ..
بيريرا للأمانة كان تواجده غير مهم .. و أول مرة أشوفه نشاز مثل مباراة اليوم ..
و مازلت أقول اللاعب امكانياته تختلف عن مهامه ..
اللاعب عنده بطء و غير مهاري ..
ميزته التمرير و الرؤية العالية و مخه و عقله حق صناعة لعب .. و يشكل ثنائية مع سالم عند الثمانطعش ..
لا تطلب منه يراكض ولا تطلب يدافع .. هذا تلعبه خلف المهاجم مباشرة .. أو أفضل حل لا تلعبه إذا لك تكتيك معين ماينفع له ..
ايقالو ..
هداف .. و يجي منه .. بس مازلت أقول فيه خيارات أفضل منه بمراحل ..
تقدر تجيب هداف مثله أو أفضل .. بنفس الوقت حركي و نشيط و يعرف يسوي كنترول زي الأوادم على الكورة ..
ايقالو يحتاج كور ترش رش عليه كل المباراة علشان يسجل لك ..
و بشكل الهلال الحالي و بلاعبي النص الموجودين .. أنت تحتاج للاعب نوعية ثانية .. لاعب مهاري .. يباصي .. خفيف .. يلعب الون تو بشكل مريح ..
ماتبي لاعب مبلش نفسه و مبلش أخوياه بالتحضين على كل صغيرة و كبيرة ..
البريك .. لاعب مجتهد الله يجزاه خير .. وله بعض اللقطات الجميلة ..
بس والله سعود أفضل منه و بالراحة بعد ..
سعود أوفراته أفضل .. و بالمجمل أسرع و أنشط منه ..
البريك الأوفر عنده شختك بختك .. اذا بغيته فوق حطها تحت .. اذا بغيته تحت حطها فوق .. قائم أول يلعبها خلف .. الخلف يلعبها قائم أول ..
هستر بي كمشاهد و لعب بنفسية المهاجمين ..
شكل الهلال جميل اليوم ..
كان ينقصه مصعب الجوير .. وعبدالله رديف ( الله يشفيه سريعاً ) .. و ناصر الدوسري من بدري ..
نبي هالثلاثي الصغير بالسن يدخل أجواء المباريات الرسمية بهالعمر و بهالفترة ..
نبي اذا اعتزل سلمان و سالم و الجيل الحالي .. يصير عندنا لاعبين ناضجين كروياً ..
وعبدالله رديف أراهن عليه لو لعبوه كذا مباراة ورى بعض .. لاعب و الله هداف و امكانياته جيدة و جسمانياً ماشاء الله ..
أما إذا ركنوه دكة .. ثم لعب بعد ثلاث سنوات أو اربع سنوات وهو احتياطي .. صدقوني بتدمر موهبته و الناس تبي تطالب بتنسيقه ..
بالتوفيق للزعيم في هالبطولة .. نبيها و بإذن الله نجيبها .. | | | | | | تحليل منطقي وغاية في الدقة
لا عدمناك يبو ساري
بيريرا غير صناعة الفرص لا ترجي منه شي ثاني
لمسة وتغيير النتيجة في ثواني
لكن ودنا يكون أكثر حيوية وقتالية وجرأة أمام المرمى
حقيقية هلال دياز ممتع وفريق ثقيل حتى مع النقص والغيابات تجد فريق شرس قوي طموح مترابط الخطوط والمنافس يدور الستر بس
سلمان وسالم وكويلار قدموا مباراة من العيار الثقيل
وهم الأعلى تقييماً بكل جدارة
ايقالو ما كان في يومه بين عشرة مدافعين
وهناك الكثير من الكرات المهدره ويجب على دياز إيجاد الحل سريعاً
شكراً نجوم الزعيم
شكراً للقوة الزرقاء |