السلام عليكم ورحمة وبركاته

الحمدلله رب العالمين والصلاة والسلام على سيدنا محمد صلى الله عليه وسلم اشرف الأنبياء والمرسلين.

اسعد الله صباحكم ومسائكم وكل ايامكم بالخير والمحبة والمسرات اما بعد.
اخواني واخواتي الأحبه الزعماء والزعيمات طبعا ماراح احد يشكك في حبنا وعشقنا للكيان الهلالي, اللي ابغى اتكلم فيه هو عن مشروع الحلم لكل هلالي وهلالية في هذ البلد الطاهر حلم اذا تحقق راح يتكلم عنه العالم كله طبعا لكل انسان يحق له ان يحلم ويتحقق حلمه اذا فيه خير له ولغيره في المجتمع اللي حنا عايشين فيه فما بالك بالحلم هذا اذا يخص (( فقط )) الهلاليين سواء في السعودية او خارجها بحكم شعبية الهلال في كل مكان فكرة الحلم هذا جلست احلم فيه من فترة ويمكن فيه ناس قبلي حلمت وفكرت في نفس الحلم لكن من الهامي لهذا الحلم بصراحة حبيت تشاركوني فيه وسامحوني لأنه تعليمي بسيط ويمكن اسلوبي في الكتابة متواضع وراح اختصرلكم المشروع الحلم هذا .
متطلب الحلم هذا يحتاج لثلاث اشياء رئيسيه
1- مكان 2- مادة ( نقود ) 3- تخطيط وعمل في خمس سنوات ويمكن اكون اكثر.

1- راح نبداء بالمكان

عشان يتحقق هذا الحلم يجب ان تكون مساحة الأرض لإنشاء هذا المشروع كبيرة يعني ارض بحجم حي سكني مو شرط يكون كبير بالمرة في الرياض طبعا

2- المادة واقصد فيها الفلوس
خلينا نفرض انه عدد مشجعين وانصار الهلال اقل تقدير 2 مليون مشجع ومشجعه وكلهم قادرين على دفع الف ريال سعودي 2 مليون ضرب الف يساوي 2 مليار وكل ما زاد العدد من المشجعين راح يزيد المبلغ .

طيب خلينا نفرض ان العدد اكثر من 3 او 4 او 5 مليون راح يسهل عمل المشروع.

3- تخطيط وعمل المشروع وكم يتطلب من زمن في عمل هذاالمشروع وماهو المشروع ؟

المشروع يتكون من

1- ملعب كرة قدم وصالة رياضية اولمبية عالمية فيها جميع الألعاب الأولمبية ومنها مسبح عالمي
2- فندق بحجم 7 نجوم وشقق مفروشه للعوائل.
3- مستشفى طبي متكامل
4- مول تجاري فيه كل المتطلبات صالة سينما مطاعم اسواق مثل كارفور وبنده
5- قاعة اجتماعات وصالات افراح ومناسبات كبيرة.
6-حديقة مصغرة ويكون حوليها مضمار مشي لا يقل عن 2 او 3 كيلو ومكان العاب ترفيهية للأطفال ( ملاهي ).
7- مبنى لمواقف السيارات يكون في وسط المنطقة .
بصراحة هذا اللي جاء على بالي وفي حالة تبني هذا المشروع (( الحلم )) ادارة الهلال فقط هي المسؤل الأول والأخير عن تبني هذا المشروع

على العموم هذا المشروع راح يكون باسم نادي الهلال فقط بمعنى ( ملعب نادي الهلال , مول نادي الهلال , قاعة نادي الهلال وهكذا ......الخ.

هذي فكرة مبسطه للمشروع طبعا هذا المشروع راح يكون مساهمة من كل مشجع هلالي سواء كان ذكر او انثى ومن كل المستوايات الإجتماعيه وكل الطبقات لأنه في الأول والأخير راح يكون مردوده شي واحد وهو حب هذا الكيان الهلال والهلال فقط وسلامتكم.