السلام عليكم

سأدخل في الموضوع مباشرة

فعليا فريق الهلال فريق ضعيف بعيدا عن المطبلين هذا الكلام موجه للمخلصين فقط

(جوميز) اللاعب هجوم لايصنع الفارق لاعب مهاجم ثقيل ومن 100 هجمه يسجل واحدة والمشكله الهلال مجدد معه سنتين للعقلاء الهلال تورط سنتين ��

لايوجد صانع لعب في الهلال اللاعب (فييتو) عاله على الهلال بمعنى الكلمة والذكي من ورط الهلال فيه واخذ عمولة الصفقه ��

اظهرة الهلال البريك والشهراني الى متى وانتم تضيعون جهد زملاءكم

ناصر الدوسري لاعب ليس بطموح الهلال

الهلال يعتمد على مهارات لاعبيه وليس على ذكاء اللاعبين والمدرب

يفتقد الهلال الى رجل بمعنى الكلمة يتناقش مع الحكم
هل من المعقول ان لاعب واحد سيء بمعنى الكلمة اسمه بيتروس يستفز فريق كامل وكذلك الجهاز الاداري وينطرد مدير الكره حقيقه ههههههههههه شيء مضحك ومهزله

اجزم جزما تاماً ان الهلال لن يأخذ الدوري هذا العام ولكن الفريق بحاجة الى التصحيح والتعديل ليس من المنطق والمعقول ان يُقال المدرب ويأتي مدرب ويستمر في اخطاء وتخبطات المدرب السابق بسبب الخوف من تغيير جلد الفريق وإضفاء فكره التدريبي هذا يعني شيئين لا ثالث لهما اما ان المدرب مفلس او ان المدرب يخاف
واحساسي ان الخيار الأول اقرب


زملائي الزعماء المخلصين وليس المطبلين يجب ان يتعلم الفريق ان البطولة تحتاج رجال اساسيين ورجال احتياط يلعبون بروح المحارب (كويلار) نجم خط الوسط

يجب ان يتم ابعاد بعض اللاعبين عن الهلال والبعض يجب
وضعه في الدكه واعطاء الفرصه لهم وان استدعت الحاجة لاستقطاب بعض اللاعبين الموهوبين للفريق.

الملخص :

المهاجم جوميز دكه
فيتو ابعاد
جفينكو منتهي
الفريق بحاجة لصانع لعب موهوب وصغير وليس كبير سن منتهي
اظهرة الهلال بحاجة لإضفاء وجوه جديده موهوبه وليس الموجودين وضامنين الخانه..
مدرب تكتيكي ذكي وشجاع والاهم يقرأ الخصم وقت المبارة ولايتفرج ولا يملك اي حيله��


الله يوفق الزعيم

الهلال فريق متهالك فنيا و اللاعبين يلعبون بدون نفس لقطة الهدف البليهي ينتظر الحكم يصفر تسلل وهو يمديه يخلص الكورة و الفريق يلعب بدون تكتيك أبداً

افضل ادارة هي ادارة الهلال
وافضل محترف هو فيتو
وافضل مدافع هو البليهي
واحسن صانع لعب مافيه علشان اطبله
يحتاج الهلال الى اعادة هيكلة

لا زال مسلسل الضياع مستمر في ظل إدارة صامتة، وللأسف في الوقت الذي كنا بحاجة لاستقطاب لاعبين مميزين نجد أن الإدارة قامت بالتجديد للاعبين متهالكين.
أتمنى من الإدارة أن تقف وقفة جادة لاستدراك ما يمكن استدراكه والمحافظة على هيبة الزعيم التي تعرفها كل الفرق!

اليوم تذكرت مقولة إذا غاب القط إلعب يا فار!
فالفيران تتراقص فرحاً حينما ساعدت الزعيم يواصل نزيفه!

اسوء لاعب في الاجانب كويلار
ولو اضع كنو مكانه
تفوق عليه

الاجانب اللي ممكن يبقون بالفريق
هم جانغ وكاريلو
البقية مع السلامة

أختلف معك في ناصر الدوسري ..
لاعب موهوب جداً ماشاء الله .. وصغير بالسن و يقدم هالعطاءات ..
يملك فكر كروي و ثقة عالية بنفسه و لمسته لمسة لاعب كرة قدم ..

مشكلة الهلال أنت فندتها ..
الهجوم مايسجل ..
قوميز مجرد خشبة للأسف هالموسم ..
أي نعم سجل و تصدر الهدافين ..
لكن حط في بالك إنه اللاعب الوحيد اللي لعب كل المباريات و كامل المباريات ..
حتى في أسوأ مبارياته .. يطلعون محور و يدخلون صالح الشهري أو الحمدان حالياً .. و يبقون على قوميز مهاجم ..
طيب صالح و الحمدان بياخذون فرصتهم بالهجوم؟
ليش تلعبهم خلف المهاجم أو مهاجمين ثانين؟
بالتالي .. قوميز ضرب مسمار بالهجوم لو تنط ما شالوه .. وخسرت عبدالله و صالح ..

ناهيك عن تواجد لاعب مزاجي جداً ولا يقدم أي مردود .. مثل كاريلو !
لاعب ما اقتنعت به ولا راح اقتنع به .. أرقام مخجلة .. ومزاجية و استهتار ..
يطلع لك بمباراة و يغيب عشرين مباراة لنهاية الموسم ..
وهالمباراة اللي يقدم به مستوى .. جماهيره ياكلون و يشربون به خمس شهور قدام ..

الهلال يحتاج شيء بسيط .. علاج بسيط ..
المباريات القادمة اعكس العملية ..
قوميز احتياط يدخل آخر ربع ساعة .. بحكم عامل السن .. و لإراحته لوقت الحاجة لأنه واضح استهلكوه ..
الحمدان أساسي مهاجم صريح ..

كاريلو ينقال له أنت طرف فقط .. مانبيك تسوي شيء .. لا تبدل مراكز مع سالم .. ولا تدخل عمق ..
نبيك تلهي الرعيان بالطرف .. إن جتك الكورة خير و بركة .. إن ماجتك .. إلزم مكانك ..

سالم يمسك طرف يسار ولا يطلع لجهة اليمين أبداً .. هو و الشهراني يسار ..

الدفاع .. الكوري لا يلعب .. جحفلي البليهي المفرج .. عندك ثلاثة خذ أجهز اثنين ..

فييتو .. يمسك احتياط مع قوميز .. يلعب مكانه أي لاعب .. لو المعيوف ..

هذا المتوقع اقالة رازفان لن تقدم ولا تأخر في الفريق وكان معروف ان المدرب بينتهج نهج رازفان

بصراحه هناك مشاكل كثيره في الفريق فلنطوي صفحة هذا الموسم يارفاق

ابي واحد يقنعني بالكوري
لا تخليص للكرات العالية ولا افتكاك ولا سرعة
بس ديكور وماسكين على انه يصنع.
والله المفرج اطلق منه.
والبليهي حدث ولاحرج قنبله موقوته.
والادارة تخلصت من الشاب وليد الاحمد على الاقل مدافع شاب طويل
يمكن يتطور .

اوب .. اوب
وراكم على زعيم اسيا وصاحب ستين بطولة وثلاث قبل سنة ...
هدوا يا شباب .. تراهم نفس مجموعة العام وثلاث بطولات واسيا اللي حاولنا فيها سنين حتى اتت راغمه ...
عزي لك يا زعيم

الهلال يحتاج فقط " مدرب جريء " يغير بطريقة اللعب والسرعة بالتغيير اللاعب سيء حتى لو اضطر بالشوط الاول و ستشاهد هلال يسر الناظرين بإذن الله ،،،

الحقيقة ان الهلال الأفضل بكل شي و(ختم الكورة على قول احد الأبناء) وبفارق كبير ويملك افضل اللاعبين والمدربين والاداريين
انا عرفت الكرة وقت التبشير للفقر تقريبا 1401 وقتها كان يتجمع في سينما الناصرية اشخاص من مختلف مناطق المملكة ويتفرجون وياكلون على حساب احد الشخصيات ويعودون لمناطقهم ويقنعون أقاربهم بتشجيع الفقر وكانوا اغلبهم الفاحش البذئ والتابع الذليل ، المهم اخذني احد الأقارب لملعب الملز وكان يحدثني ان النصر افضل فريق بالعالم وانه يملك بيليه الصحراء وان هناك فريق لا يشجعه سوى البنات وغشاش ، حضرنا المباراة وتعادل الهلال والفقر وطرد الحكم لاعب هلالي بدون سبب بصراحه لا أتذكر اكثر الأحداث ووقتها لا أعرف اسم اي لاعب وجلس يطامر ويقول خذينا البطولة وبنروح نتعشا عند فلان فقلت بحسن نية كيف خذوا البطولة وهم ما فازوا قال لا كذا حنا فايزين وما أعجبتني الإجابة وقريب من البيت قلت انا بشجع الفريق الثاني والمشكلة كانت سيارته وهو الكبير وكان تقريبا باقي نصف كيلوا قبل بيتنا وقف السيارة وقال بنبرة صوت عالية انزل انا ما يركب معي بزر يشجع الهلال انت رجال فماعندك الا تشجع النصر او تكون بنت وتشجع الهلال نزلت قبل البيت ومشيت على رجلي وتابعت المباريات اما على التلفزيون او بالملز وصرت اشجع الهلال وكرهت شي اسمه الفقر .
المهم أربعين عام وانا مبسوط من الهلال وابو راشد كره الكورة . هذه الحقيقة.

الحمدلله الحمد لله الحمد لله
القادم افضل بحول الله وقوتة

انت قلتها مشكلة الهلال تتلخص في الهجوم وهجومك قوميز لاعب شايب واساسا ثقيل عشان كذا محنا فالحين وهو مهاجم

الله يعجل برجعة صالح الشهري

بالنسبه لصناع اللعب نحتاج صانع لعب ونحتاج لاعب رجله ثقيله ع المرمى ويسجل من كور ثابته من بعد رادوي ونيفيز ماعاد شفنا اهداف من فاولات

اندية ماعندها ولا ربع ميزانية الهلال وتجيب محترفين افضل منك وبرخص التراب

أوافقك الرأي 100% . الهلال بحاجة إلى غربلة . يجب ابعاد اللاعبين المتهالكين قوميز فيتو جوفينكو البريك هتان . وجلب لاعبين أجانب مغمورين . لأنهم بحاجة إلى الظهور فيلعبون بروح وقتالية كبيرة . أما اللاعبين المشهورين فيرون أنهم يمنون علينا بأنهم تنازلوا عن كبريائهم وجاؤوا ليلعبوا في دورينا . نلاحظ أجانب أندية أبها وضمك والعين والوحدة .بأقل الرواتب وأفضل المستويات . في الهلال لايستحق البقاء من الأجانب سوى الكوري سو وكويلار وكاريلو فقط .