[c]السلام عليكم ورحمة الله وبركاته
كيفكم يازعماء
ادري والله اني مقصر معكم ولكن لكل شخصث ظروفه الخاصه


المهم انتم كيفكم وكيف احوالكم واخباركم ؟؟؟

انا عندي لغز عاصي علي ماعرفت اجاوبه وقلت اعرضه على اخواني واخواتي اعضاء الشبكه
الكرام واكيد راح الاقي عندهم حل لها اللغز العاصي >> ترا موب لغز واحد هو لغزين
المهم مالنا وطولة السوالف

اللغز الاول هو :-

ياويش عودٍ يدفنونه وهو حي *** وان مات وسط القبر مايدفنونه
يعيش بالصحراء وفي داخل المي *** حتى صناديد البشر يختشونه

الترجمه : المي = الماء (البحر)

اللغز الثاني هو :-


ابنشدك عن عود عطاه الله ثلاث عيال
وله بنتٍ اذا ماتت يموت العود وعياله

الترجمه العود = الرجل الكبير بالسن ( الشايب )


اتمنى ان اللاقي عندكم حل لها اللغزين واكسب التحدي كفريقنا الهلال وهو يكسب التحديات في كل الاحوال

في انتظار اجاباتكم , واتمنى من كل واحد يعطني مع حله شرح مبسط للحل


تحياتو
[/c]

أخوي تمياطو اللغز صراحة صعب

أنا أتوقع تلقى الحل عند الشياب .

كنت أتمنى أن الحل عندي وأعطيك الجواب ولكن للأسف ما أعرفه .

هلا أخوي تمياطو .. والحمد لله على سلامتك يالغالي ..

اللغز سهل مرررة <---- إيه هين ..

والله حبيت اسلم عليك واتحمد لك على السلامة ..


تحياتي لك ،،،

هلا11111111111111111111 وغلا1111111111111111111

ويامرحبا بك اخوي تمياطو11 ،،،، والحمدلله على السلامه ،،، ياهووووووووو وينك من زمان ما

نورت المنتدى (( انواع .... )))


بعدين اي ظروف خاصه ترا ياخوي بو بندر نعين ونعاون

وعلى فكره حبيت اقولك من قبل يسموني حلال المشاكل وان شاء الله ماتشوف شر


وتقبل تحياتي


اخوك

ابو مساعد

[c]هلااااااااااا والله وغلااااااااااااااا
في عاشق الفيلسوف15 & مشرفنا البارق 2000 & ابو مساعد15
الله يسلمكم ويعافيكم والله لكم وحشه ولكم شووووووووق يقطع القلب من صماصيمه

اخوي عاشق الفيلسوف15 كنت واثق انه لو انك او احد الاعضاء يعرف حله ماراح يتأخر
في مساعدتي ولكن على قولتك الشيبان اخبر بالشغلات هذي
يعني شورتك >>> الاستعانه بشايب ولا جمهور شيّاب ؟

اخوي البارق 2000
الله يسلمك من كل شر اخوي وهذا ان دل دل على طيب معندك واصلك الطيب يالغالي
ويا عسى ما تشتاق لغالي قوووووووووول آمين ويسلمو عالشعور المتبادل بين اعضاء الزعيم
ولا يهونون اخواني الاعضاء

هلا والله بالحبيب ابو مساعد15 بشرنا عنك يالحبيب ولا عقب الترقيه صارت المسؤليه اكبر
على كاهلك الله يعينك ودور لي حل للغز عند مديركم تراه راعي الغاز من درجة السوبر فايزر


يسلمو على المشاركات ولكن كنت اتمنى التفاعل اكثر


تحياتو[/c]

[c]هلا والله بالغالي حبي تيماوي
بصراحه اخجلتم تواضعنا بترحيبكم الطيب وسؤالكم عننا رغم التقصير من حضرت جنابنا
الله يسلمك ويغليك ويخليك وعسى يارب ماتشتاق لغالي يابعدي قووووول آمين

اما بالنسبه للالغاز فاللغز الاول جبت حله وانا ولد ابوي
اللغزالاول :-
ياويش عودٍ يدفنونه وهو حي *** وان مات وسط القبر مايدفنونه
يعيش بالصحراء وفي داخل المي *** حتى صناديد البشر يختشونه

الحل هو:-
اللغم فيه نوعين لغم ارضي ولغم مائي

@@@@@@@@

اما اللغز الثاني فالصراحه وبكل فخر اللي جاب حله هو ( حبي تيماوي ) الله يعطيك العافيه
ياحبي وجوابك هو الاقرب ان لم يكن الأكيد لاني ما اعرف حله

اللغز الثاني :-
ابنشدك عن عود عطاه الله ثلاث عيال
وله بنتٍ اذا ماتت يموت العود وعياله


الحل هو:-
العود يقصد به القدر والقدر مايركب الا على ثلاث وهم من يقصد بهم عياله وبنته النار توقد تحته وإذا ماتت يعني ( طفت ) يموت القدر والأثاثي .


@@@@

الف شكر لكل من شاركنا اللموضوع وشكر خاص لحبي تيماوي على حله للغز الثاني ومساعدتي فيه
الى اللقاء في موضوع متجدد

تحياتو
[/c]