26/11/2017, 09:31 PM
|
زعيــم متواصــل | | تاريخ التسجيل: 28/11/2007
مشاركات: 168
| |
ينقصنا اللياقة والنظام الغذائي والتدريبي بشكل احترافي
لو عندنك لياقة بدنية ممكن تسوي الخطة الي تبغاها وتغير اسلوب اللعب أكثر من مرة خلال المباراة
للمعلومية واظنك تعرف الشي هذا، استخدام المهارة الفردية بشكل مفرط ودائم من قبل اللاعب يستهلك من لياقتك البدنية أكثر من المعدل الطبيعي
لما جاه نيمار لبرشلونة منعوه من استخدام مهاراته الفردية عشان ما يضيع جهده ولياقته والبرنامج المعد له لكل الموسم
حتى ان نيمار استغرب من تصريحات المدرب والمسؤولين ببرشلونة وكان اسلوبهم نقد وعدم رضا رغم ان مهاراته ساهمت بفوز برشونة
الناس هناك تخطط بشكل مدروس عشان تستفيد من اللاعب وتوزع جهده ولياقته حتى آخر مباراة في الموسم، وفي متابعة للاعب بعد نهاية الموسم، وأكثر دوري فيه متابعة للياقة اللاعب هو الدوري الإنجليزي، لأنك لازم تعدي اختبار اللياقة بشكل اسبوعي وإذا فشلت فأنت خارج حسابات المدرب في هذا الاسبوع وينخصم عليك من الراتب ويتوجه للاعب انذار
كل اللاعبين الاجانب الي يجون هنا يستغربون ان مافي فترة تدريب صباحية وهذا الشيء يعلم اللاعب على السهر
تخيل اللاعب يكون متواجد في النادي الساعة 4 العصر لين الساعة 10 بالليل وبعدها اللاعب يسهر لين الفجر يصلي وينام ويصحى على الظهر يتغدى ويروق ويروح للنادي وهذا حال اللاعب في السعودية كل يوم
والمدرب الي يفرض تدريبات صباحية على اللاعبين راح يتم محاربته من اللاعبين انفسهم ولا يطبقون خطته وينهزم الفريق لين ما يتم إقالته، تنشد عن الحال هذا هو الحال |