الحمد لله مقدر ومكتوب
ماحصل لابد ما يعدي كنت على نهائي وامام فريق عادي مسيطر على المباراة ولم تصنع فرص ولم تصنع اي كوره عرضيه صح
خربين لاعب عادي والهلال كبير عليه انا ما ابيه قدام القادسيه او الفيصلي انا ابي نفعته في مثل مباراة اليوم والذهاب
ارجع واقول الكورات العرضيه في الهلال سلاح اهمله اليوم
والحمد لله ما كتبت لنا والجاي ربنا يكتب لنا فيه التعويض

إقتباس الرسالة الأصلية كتبت بواسطة mxo مبروك لنواف بن سعد تبي آسيا وانت جايب ماتياس ايش فائدة لاعب محترف ماهو بالتشكيلة قلنا نبي مهاجم سوبر ستار من اجل آسيا ودياز مدرب جبان لاعب بثلاث محاور ومهاجم وحيد كل المباراه عك

وش تبيه يسوي نواف بن سعد جاب لك افضل الاعبين الا ان كانكم تبونه يلعب مهاجم ويسجل هذا شي ثاني

صحيح اختيارات الاجانب غير موفقه لكن دفع الملايين من جيبه مو معقوله يدور لنفسه الخساره وهذا هو عرف ان ما تياس مو لاعب ويجلب غيره

المشكله مو في الادارة المشكله في سمسرة المدربين ع حسابنا المفروض المدرب يبعد عن الاختيار حتى وان اصر ع لاعب

والمفرج هذا قلنالكم والله مو نافع الهلال بشي شفنا البعض قوم الدنيا عليه والله ما ينفع وكيل بمدرسة حاطينه مدير ع الهلال

إقتباس الرسالة الأصلية كتبت بواسطة Kenzo يارجال يجيك واحد مدرعم يقول هاردلك البطوله القادمه نجيبها البلاء واحد وسلامت عقلك 17 سنه راح اجيال وجاء اجيال ومحلك نفسه وين الخلل .!!!!!!!!!!!!!!!

الخلل الواضح ما عندك فئات سنية

تطلع مثل سامي ونواف والشلهوب والتخيفي والثنيان والجمعان والتيماوي

من بعد رحيل عبدالله بن سعد - رحمه الله -

والفئات السنية في حالة تدهور ................


شوف الفريق الياباني كيف مهاراتهم في مسك الكورة والتمرير......

تعرف الفريق بيننا وبينهم

هذا اللي ضيع الهلال من سنين ............


=======

وكملها على مستوى الفريق الأول عدم وجود لجنة فنية

تقيم المدربين واللاعبين على حد سواء

الحمدلله على كل حال
اسيا تحتاج محترفين و تحتاج ضخ مالي
لا يمكن لفريق ان يتوج ببطوله قاريه بدون مهاجم فتاك و لاعب مهاري يخلخل الدفاعات
و يصنع للمهاجم
فريقنا ماقصر و الخلل اتضح عدم وجود المهاجم المخلص
لو شفنا دكة البدلاء خاويه على عروشها
نواف بن سعد اضاع الملايين على كنو و ماتياس و الحبسي
و لا واحد فيهم يصنع الفارق في مباراة نهائيه..

اتمنى من الاداره ان تسمع لو لمره واحده
اذا ما تم جلب مهاجم مرعب و صانع مهاري لن تصل للكاس باللاعبين الحاليين
حظ اوفر لنا بالنسخه القادمه

إقتباس الرسالة الأصلية كتبت بواسطة Kenzo استغرب فريق اليابان ضعيف مره مره وحنا نفوز على اللي اقوى منه .!!! فيه علامة استفهام كبيرررررررررررررررررررررررررررررررررررررررررررره على اللاعبين .!!!!! فيه شي ودي اقوله بسسس ,,, حسبي الله ونعم الوكيل 17 سنه مو قادرين تجيبون هالبطوله .!!! وراها مليون استفهااااااااااام وش اللي ناقص .!!!!! سؤال يسدح نفسه وش اللي ناقص .؟؟ لايجيني احد يقول الروح المدرب هذي كلها خرابيط (((فيه شي كبير يصير وسلامتكم)))

علمنا وش اللي يصير

اللي انا اشوفه ان الحظ واحد من اسباب خسارة الهلال وطبعا هذا توفيق من الله يعني مو معقوله نهائيين ورا بعض الفريق مو قادر يسجل

إقتباس الرسالة الأصلية كتبت بواسطة osama1111 الحمد لله مقدر ومكتوب ماحصل لابد ما يعدي كنت على نهائي وامام فريق عادي مسيطر على المباراة ولم تصنع فرص ولم تصنع اي كوره عرضيه صح خربين لاعب عادي والهلال كبير عليه انا ما ابيه قدام القادسيه او الفيصلي انا ابي نفعته في مثل مباراة اليوم والذهاب ارجع واقول الكورات العرضيه في الهلال سلاح اهمله اليوم والحمد لله ما كتبت لنا والجاي ربنا يكتب لنا فيه التعويض

وش دخل خريبين

لاعب بين أربع مدافعين

السبب ما عندك خط وسط

وش تظن ميليسي والفرج وعطيف وسالم والعابد بيصنعون فرق

كلهم لاعبين مجهود .....ما في لاعب فيهم يفرق بمهاراة مميزة وحسن تمركز

وكمل معها أخطاء المدرب ......

وعلى فكرة ادواردوا لا يكفي وحده

يحتاج معه لاعب وسط يمين ويسار مميزين وصانع لعب مميز ومهاجم مرعب مع خريبين

كل عام وانتم بخير وصحة وسلامة

يا جماعة المشكلة من بدايت الموسم والادلة واجد وواضحة و من أهمها الضعف في تسجيل الأهداف و من لمسة او لمستين يضرب دفاعنا و الفاولات و الركنيات نلعبها فقط لان الحكم حسبها لنا فقط !!!! وصراحة الفريق يعتمد بشكل على ادواردو .
وديااااااز وما ادراك ما دياز هو السبب الاول في الخسارة والا مختار ما عمرة لعب مباراة رسمية تنزله في نهائي الزبدة ديااااااز مفلس .

كنا اليوم محتاجين لاعب يشوت لانه الحل الوحيد في مثل تكتلهم ولا فيه تسديدة وحده على المرمى
ولا كوره بالراس وش وظيفة الهجوم

ما دام هالدكه ياسر ومختار بغسل يدك بصراحه لاعبين منتهين ويكفي مجامله .. نبي صانع لعب وراس حربه ثاني مع خريبين وفكونا من هالنطيحه والمترديه وعلى ادارة الهلال هي اللي تختارهم وتفكنا من دياز واختياره اللي زي وجه مثل ما تياس اللي بالاخير هو ما قتنع فيه وطلعه برا التشكيله نبي الاداره هي اللي تختار لنا خلاص هالمدربين سمااااااااااسره بس

بالله لاعب زي ماتياس يستهال ثمانيه عشر مليون ريال والله ثم والله ما اسرحه بنعجه

قدر الله وماشاء فعل

الحمدلله على كل حال

الفريق فيه نقاط ضعف عظيمه واولها اللاعب سلمان الفرج اللي لا من خيره ولا كفاية شره !!!

ثانيا لا يوجد صانع لعب حقيقي ومميز !!!

ثالثا المدرب دياز !! إما أنه مدرب جبان ولا يعتمد عليه في مثل هذه المباريات المصيريه أو غبي وصعب يلاحظ نقاط الضعف في الفريق !!

يحتاج الفريق لاعب قلب دفاع اجنبي قوي ويحتاج صانع لعب اجنبي مميز ويحتاج راس حربه صريح وقوي

غير كذا صعب جدا تفوز بهذه البطوله


بالنهايه دياز لازم يناقش وبحده ويعاتب على جلبه لماتياس !!! وعدم الاستفاده من الالومبي بوجود لاعبين اكفاء .

هارد لك يا زعماء

انا هلالي صميم ومنتمي للشعار
ومؤمن تمامآ بأن اللي مايكتب عسير
ومحبتي له ماهي مرتبطه بإنتصار
اعشق شعاره سواء فاز ولا خسر

يجب ان نطوي هذه الصفحه الكئيبه والبحث عن مجدآ جديد
امامنا الدوري الذي لابد ان نحافظ على لقبه
سنعود اقوى وسترضخ هذه اللعينه في يومآ من الايام