21/09/2017, 12:47 AM
|
| زعيــم فعــال | | تاريخ التسجيل: 09/07/2002
مشاركات: 241
| |
اخ منصور
عجيب امركم اذا كان الشخص اللي يتم تعيينه في اي منصب رياضي معروف بميوله الهلالية قامت الدنيا ولم تقعد على مستوى الاعلام والبرامج الرياضية والتربص بكل قرار يصدره والتمحيص والتدقيق وتضخيم صغائر الاخطاء ومحاربته حتى يقال من منصبه رغم كفائته و مؤهلاته العلمية وانتاجيته وتطبيق النظام وكله بسبب الميول
اخ منصور سيل القرارات الهائل الايجابيه اللي سميتها كمشجع هلالي لا تهمني حتى لوكانت سلبيه او كوارثيه لانها في النهايه المستفيد اوالمتضرر الانديه جميعها
اخ منصور كلامك في موضوعك اللي طرحته هذا في كفه ومانطالب به كهلاليين في كفيه اخرى
نطالب كهلاليين بطبيق الانظمة على الجميع من رؤساء انديه واداريين ولاعبين وهذا غير متوفر في ظل وجود اصحاب الميول المتعصب في اللجان ومن فوقهم
شاهدنا تجاوزات كثيره وكبيره لحساب نادي النصر خاصه وبعده الاتحاد والاهلي والسبب الميول والتعصب الرياضي وتضرر منها الهلال
اخ منصور تكدس الميول الواحد النصراوي في مفاصل الرياضه يدل التعصب والتحيز وعدم الثقه في الميول الاخرى وخاصه الهلالي واللي ما يثق في الهلالي رغم وضوح عمله وتطبيق الانظمه كيف يثق فيه المشجع الهلالي ويتقبله ويتقبل قراراته اللي ما تتبطق الا على الهلال
تكدس القضايا ضد النصر والاتحاد في الفيفا وش يدل عليه
لا نروح بعيد ياخ منصور فيه قضية هلالية قضية عوض خميس المفتعله ننتظر وش بيصير فيها رغم وضوحها
لاعب دخل فترة السته شهور واصبح حر وقع مع الهلال توقيع نظامي ويدخل النصر و يوقع معه بعنجهيه وفرد عضلات بسبب الهيمنه على مفاصل الرياضه رغم ان اللاعب لاعبهم وبين ايديهم قبل دخول السته شهور ويصبح الهلال معتدي ويجب عقابه وتهبيطه درجة اولى
محمد العويس لم يدخل فترة السته شهور ويختفي بعد معسكر المنتخب ويظهر في الاهلي خطف عيني عنك ضاربين بالانظمة عرض الحائط
اختيار ماجد عبدالله مدير للمنتخب احد يبي يقنعنا ان الميول مالها دخل وش مؤهلاته تقدر تسردها علي غير الميول والميول ولا غيره
اخ منصور ترى مانتكلم في سياسه حنا شعب نحب كرة القدم وكهلاليين ننشد العدل والمساواة بين الاندية وتطبيق الانظمة بحذافيرها ومتى تحقق هالشي لن ننظر لميول اي شخص يعمل في المجال الرياضي خاصه كرة القدم لكن الشواهد امامنا افقدتنا الثقه في اصحاب الميول الصفراء اذا تسلموا اي منصب رياضي
ليه دائما نطالب بحكام اجانب ؟ عانا الهلال الامرين من تخبط التحكيم وكل ما اعتزل حكم طلع نصراوي يحمل علم النصر ويقطر تعصب على الهلال
يطلع من يحاسبنا ويبي يكمم افوهنا وذنبنا اننا هلاليين
لا سبينا احد ولا شتمنا عاصرنا المر من اصحاب الميول الصفراء في الرياضه في تجاوزاتهم على الهلال بمخالفة الانظمة لمصلحتهم والاضرار بالهلال
اخ منصور اذا تعتقد ان الهلاليين متفائلين في من يعمل بالرياضه فانت واهم لن ترجع الثقة بسهوله سلبت من سنوات
نظل نراقب القرارات وبعد شهر او اكثر ترجع حليمة لعادتها القديمه وترجع التجاوزات وتخطي الانظمه لمصلحة الاصفر |