مواقف مرعبة ( أدخل وشارك ) .. لايفوتكـ!! - نادي الهلال السعودي - شبكة الزعيم

ابو ريناز · #1 17/07/2003, 06:18 PM

[ALIGN=CENTER]بسم الله الرحمن الرحيم

[ALIGN=JUSTIFY]السلام عليكم ورحمة الله وبركاته

،،،،،،،،، وبعد :
أحببت أن ( أسيّر ) عليكم هنا في المجلس العام

.. وأطرح موضوعي هذا و بعيداً عن الرسميّة <
كما طالبني بذلك بعض الأعضاء >

.. فكرة هذا الموضوع جاءت على بالي بعدما تذكرت موقفاً شبه
مرعب مرّ علي في إحدى السنوات الماضية

.. ففكرت في طرحه هنا .. والإستمتاع بمشاركاتكم
بمواقفكم المرعبة

.. سأبدأ أنا في طرح الموقف الذي مرّ عليّ

.. وبعد ذلك تطرحون مشاركاتكم
في هذا الموضوع

.. مع العلم أن هذا المواقف حقيقيةً 100%

..[/ALIGN]
Oo~~الموقف المرعب ~~oO
[ALIGN=JUSTIFY]
في صيف عام 1420 هـ صيفّنا في عدد من مدن المملكة

.. وكان عمري في ذلك الوقت ( 12 سنة
تقريباً ) .. ومن إحدى هذه المدن .. مدينة الطائف

.. وفي يوم من الأيام .. ذهبنا إلى ( الهداء ) في
الساعة الثانية عشر ظهرأً ودخلنا إحدى المنتزهات .. واستمتعنا بذلك المنتزه .. حتى مليّنا

وقلنا خلنا نطلع برا المنتزه لمكان ثاني

.. وفعلاً خرجنا بالسيارة نجول داخل منطقة الهداء .. حتى استقر بناء المكان في منطقة خاليةً من البنيان

( برّ ومزارع ) وفيه دبابات وخيول وسيارات عسكريم تدور وتبيع وزي كذا يعني

.. المهم .. بعد نصف ساعة تقريباً .. أذن المغرب .. وأنا أسمع صوت ( آذان مسجد ) .. وأدوّر المنارة حقت المسجد وألقاها غرب المزرعة (حنا كنا قاعدين شرق المزرعة

) الوالد الله يحفظه هو وإخواني صلوّا بمكانهم .. زي كل الناس اللي بالمنطقة هذي

.. أما أنا قلت لا .. لازم أصلي بالمسجد

( طبعا زي ماقلت لكم حنا قاعدين شرق المزرعة والمسجد غرب المزرعة .. يعني اذا بغيت اروح للمسجد لازم أدخل المزرعة من بابها الشرقي وأطلع من بابها الغربي للمسجد ..والمزرعة كانت كبيرة

.. وفيها بعارين مسوّر عليها بشبك

) .. وأنا الله يحفظن

ملزّم أروح أصلي بالمسجد .. ( طبعا هذا الكلام قبل الصلاة .. يعني الشمس ماغابت .. يعني في نور

) .. والله وأجزم وأجحد أهلي ( أصلاً أنا ماعلمتهم .. مسوي كبير

) وأروح أقطع المزرعة من النصف .. وفي مسافة من المسافات كان في بعارين على يساري

.. وانا متوحش .. بس كان فيه سور على البعارين

.. ومع ذلك متحوش منهن

.. وكملت الطريق الين وصلت المسجد .. وأدخل وأصلي المغرب مع الجماعة

.. ويوم طلعت .. وألقى الدنيا ظلااااااام

.. والمنطقة اللي حنا فيها زي ماقلت لكم ( برّ ومزارع ) يعني مافيها أنوار .. وأقعد شوي عند باب المسجد .. ماسك الصيحة

.. وأفكر وش أسوي

.. الدنيا ظلام ونور القمر ضعيف

.. ولازم أدخل داخل المزرعة وامسك خط إلى مايفرجها الله والقى اهلي

( اهلي كانوا قاعدين قدام باب المزرعة الشرقي )

.. وبعد تفكير ومسك قوي للصيحة

قررت ان أخش المزرعة بعد ماشفت واحد قدامي دخلها .. قلت يمكن اهله قاعدين بجنب اهلي وهو يبي يروح لهم .. خليني اروح معه

.. وامسك خط معه .. وتبون الصراحة كان الموقف وحنا داخل المزرعة موقف يخوف مرة .. خصوصا ان اللي دخلت معه ( عبدّ

) .. وكلنا عبيد لله

.. أنا أمشي واقرأء المعوذات وادعي

ومن الخوف ماادري وش اقول بالدعاء

.. المهم وحنا في نصف الطريق .. جاءت لفة على يمين .. الرجال اللي معي .. لفّ يمين .. أنا كنت محتار ألفّ معه يمين .. والا أطوّل .. أنا كنت واثق أن الطريق الصحيح هو اني اطوّل قدام .. لكن بصراحة .. خايف امشي بلحالي

.. وطبعا أنا طوّلت قدام .. لأني زي ماقتلكم أنا واثق ان الطريق الصح هو اللي قدام والخطأ هو اللي يمين

.. لكن وش اسوي .. الخوف وسوس بي

.. المهم طولت وطولت وطولت .. إلين شفت ( ناس شابين ضويّه " نار" )

( طبعا الجو بالهداء كان بارد .. والناس يشبون ضوء يتدفون ) .. أنا أول ماشفت هالنار .. أنطلقت نحوها ==> لي أسبوع أحاول أطلعها

..[/ALIGN] [ALIGN=JUSTIFY]وزي ماقلت لكم .. أنطلقت نحوها

ويوم قربت لها لقيت نفسي عن الباب الشرقي للمزرعة

.. وقلت بيني وبين نفسي ( هيييييييييييييييييه لقيت اهلي

) .. وأجي لهم وأنا راز(ن) صدري

.. ومسوي كبير

رحت بالظلماء للمسجد ورجعت .. ومن زود الفرحة .. بغيت ارجع للمسجد ثانية ثمن ارجع لأهلي

.. بس اشوى ستر ربك .. والا كان علوووووم

.. عاد أهلي مصدقين اني دال(ن)الطريق زين .. مايدرون عن اللي صار واني ماسك الدميعة

.. [/ALIGN]
هاه .. وش رايكم بالموقف ؟

.. يالله عاد ودنّا نشوف مواقفكم المرعبة

بإنتـــظاركـــم

[/ALIGN]

سهل · #2 17/07/2003, 06:35 PM

ههههههههه ما شاء الله اكتشفنا موهبه جديده عند ابو ريناز
فبعد تصاميم الفلاش وبنات عمه

ظهرت لنا موهبة تصميم القصه ;)
وربطها ومحاولة ايصالها لباب المزرعه الشرقي

يالذروق

ههههههههههههه ماسكن دمعتي من الضحك

ابروح ادور لي على تصميم

قصدي قصه مرعبه

وراجعين ;)

نواف طلال · #3 17/07/2003, 06:56 PM

يا شجاع انت

وماسك الصيحه
تعجب

معاك واحد خواااااااااااااااااف مررررررررررررررره

ماله بالاشياء المرعبه
حتى ملاهي العزيزيه
يخاف منها
اصلا اخاف ادخلها علشان لا اتروع من صراخ العالم