في الهلال الشهراني والبريك فقط
والبقية لاشيء
اين هلال الثنيان والجابر والدعيع والتمياط وبقية النجوم
الله لايبارك بالاحتراف اللي جاب لنا لاعبين مافيهم مخ كورة

افصاحك عن هذا الامر دليل على عشقك للهلال وانا لا اصدق ماقلته
ولو كنت جاد فيما تقول لابتعدت بصمت
لكن تذكر مقولة " الهلال يمرض ولا يموت "
سيعود لعادته قريباً بإذن الله ليسعدك ويسعد جمهوره
والحكمة المجرية تقول : " للعادة قميص من حديد "

اشاطرك الانكسار
اشاطرك الحسرة
أين كنا وأين اصبحتا
عرفت الهلال قبل هدف سعد مبارك الشهير
ولن اننسى ماحييت صورة الثنيان والغشيان وهما على الدكة احتياط, والهلال يضرب
بالأرقام القياسية لوفرة نجوم عاشقة, زرعت فيهم المثابرة والاخلاص والطموح .
حقيقة جميع عوامل التفوق موجودة ولكن ما يتقص الهلال حاليا وبصقة عاجلة تنصيب الاشراف
الاداري لشخص متمكن وهم كثر . وتغير المحور الاجنبي بمدافع في الفترة الشتوية .وبتزين الامور ان شاء الله .

أخوي .. مسألة التشجيع ما تعني إنك تشجع فريقك في عزّه و هو يفوز ..
التشجيع والإنتماء غصب عنك تحس فيها .. ماهب شيء اختياري ..

لا يمكن لشخص يقول أنا ماراح أشجع النادي اللي شجعته 30 سنة .. لا يمكن تتوقف عن حب شيء كبر معك ..

عاصرت أجيال من اللاعبين .. و أشوف اللاعبين الحاليين أخس نوعية لاعبين .. مهب بالهلال بس .. بكل الأندية ..
الآن اللاعب بليد .. ضعيف بدنياً و لياقياً .. مهارياً صفر .. كلهم كنهم مستنسخين من بعض .. الطول 160 سنتي و ستايل اللعب واحد

أول كل لاعب يمتاز بشيء .. فيه لاعبين طوال قامة ورأسياتهم خطيرة مثل سعود الحماد ..
فيه ناس يمتازون بقدم قوية .. مثل يوسف جازع و عبدالله الجمعان و بندر المطيري ..
في ناس لياقيين درجة أولى .. مثل خالد التيماوي و حسين المسعري
فيه ناس مهاريين و سريعين .. مثل الثنيان و الغشيان و سامي و الدوخي
فيه ناس عباقرة في التسديدات طويلة المدى و التمرير الطويل .. مثل ابو ثنين و التمياط و الموينع

وقائمة تطول ..
فالمدرب عنده خيارات كثيرة حسب تكتيك المباراة .. فمهما كان الفريق دامك مقفل طريقة معينة .. لازم تلقى له حل ..

الآن مطرسة وبربسة ..

لكن لا يمكن إنك تترك التشجيع لأن الهلال حالياً يملك جيل فاشل حاله حال جميع الأندية السعودية ..

الهلال لو بس تم اختيار أجانبه بعناية فائقة ممكن يرجع لقمة آسيا مرة ثانية .. بس مشكلته أجانبه ولا بريال ..

أنصحك إنك تشوف المباراة عادي بدون ماتتحمس .. و صدقني بتتعود مثلي .. أنا أشوف المباراة والنتيجة ماتهمني ..
احب أتابع المباراة و أحللها مع الشباب .. النقاشات الكروية من أمتع الحوارات .. اللاعب الفلاني و اللاعب العلاني ..

بيرجع الهلال بظرف يوم وليلة .. بإذن الله ماتنام عينه

تخيل بس لو الهلال جاب مهاجم أجنبي مثل بن يطو و إلا السومة وإلا مهاجم الرائد ..
وتخيل لو معه لاعب بميزات جهاد الحسين في خط الوسط
وتخيل معه لاعب دفاع مثل دفاع التعاون البرتغالي ..
وتخيل معه لاعب وسط مثل لاعب الشباب البرازيلي ..
هذولا اربع لاعبين أجانب يعتبرونهم الناس أجانب نص نص .. بس مستوياتهم براس مستوى أجانبك مع بعض

الله المستعان خلاص مانفدر نبتعد عن الزعيم فالاولاد كلهم يتابعون ويشجعون الهلال وسيلحقهم الاحفاد

ان تركت الهلال فكاني ساترك معزة ومحبة اصدقاء الطفوله والمراهقه وهي اجمل ايام العمر

والله من جابوا الهدف الاول حسيت بصداع يكاد ينفجر راسي فانا اعاني من الضغط والسكر والهلال ماعننا وعته فهو العشق والحب الازلي

حرك الماوس واضغط اغنيه تحكي حالنا مع الهلال

https://www.google.com.sa/search?sou...j0l5.12811j0j8

هل يمكن انسى هذا الجيل وهؤلاء اللاعبين الافذاذ

أنا من جيلك ربما وحاولت بصراحة مثلك ما قدرت حبي وعشقي للزعيم شيء كبير واخالفك الرأي نادي الاتحاد كيان كبير وبطل وقدم تكتيك إغلاق المناطق الخلفية واعتماد الهجوم المرتد السريع وهذا التكتيك دائماً ينتهجه فرق كثيرة ضد الهلال لكن تفاءلوا بالخير والفترة الشتوية سيكون هناك تصحيح بإذن الله

وبالتوفيق للزعيم الملكي
شــــــــــعارنا دائماً
( يدا بيد من أجل الزعيم )
اللهم وفق الهلال فوق كل ارض وتحت كل سماء

اجل تبي تعتزل تشجيع الهلال ههههههههههه

دامك هلالي صميم
اتحداااااااااااااك تعتزل

الي يبي يعتزل تشجيع ويرتاح المفروض يروح بهدوء بدون محد يدري
الهلال تغيير كثير في السنين الماضية لدرجة أنه صار فريق عادي ووصار مقبول لجماهير الهلال ان الفريق يهزم من الاتحاد وغيره
بختصار ، ، ، الهلال الي تخبرونه ما راح يرجع

اتمنى من الامير جلب راس حربة الوحده مختار فلاته والله هاللاعب مهاري وسريع وهداف انا معجب فيه من زمان

اللاعب زامل السليم من يعرف اخباره والله مهاجم رائع ماادري عن احواله بغد الاصابه اين اتجه

الله اكبر يالاتحاد طلع له ريش والله ياجماعه اتذكره قبل عام 1405 مايتعدى المركز السادس من من جيلي يؤكد كلامي

الاتحاد كان اكثر فريق يخشاه هو نادي الهلال وكان نادراً مايفوز على الهلال لكن بعد ماجاه احمد بهجت وقال لهم عن سر الهلال والفوز عليه

وأنا مؤيد لك بهذا القرار ليش تتعب اعصابك ونفسيتك على اشباه لاعبين

إقتباس الرسالة الأصلية كتبت بواسطة هلالى40 الاتحاد كان اكثر فريق يخشاه هو نادي الهلال وكان نادراً مايفوز على الهلال لكن بعد ماجاه احمد بهجت وقال لهم عن سر الهلال والفوز عليه

ياعزيزي الهلال اذا اشتهى يفوز والله مايحسب لاي فريق حساب امس فيه فرق بين الشوط الاول والثاني شوط ضغط الهلال بشكل كبير وشكل خطوره اتوقع مشكلة الهلال لياقيه اكثر من ماهي فنيه وشف الاعبين نهاية الشوط الثاني انتهو وانت تلعب مع لاعبين صغار ويمتلكون السرعه والمهارهـ وارجع لمباراة الشباب الهلال ماسك الشوط الاول والشوط الثاني تراجع مخيف اتمنى رامون دياز يشتغل على اللياقه بفترة التوقف