ثاني ضربة جزاء مشكوك فيها للاهلي (( بخاري )) ولكن شيء غريب من محللين القناة الناقلة في اختلاف التحليل ضربات الجزاء من فريق لاخر
ضربة الجزاء للاهلي ضد الشباب وضد الاتفاق جميعها مشكوك في صحتها

اقول سلم لي على السومه وبس فريق باكمله بصراحه اي فاول قريب من الثمانيه عشر هدف لاعب مكتمل من كل النواحي

الصراحة بلنتي صحيح

معاذ دخل بقوة على بصاص

الشباب مسوي هوايل

مهاجم مجنون مايرحم مثل بن يطو

مدافع خط دفاع لوحده ماشاء الله عليه جمال بن عمري

على الرغم المباراه ماتعني الهلال
لكن ع الاقل اللاعبين يحسوون ... مو كآنهم لابسين بشوت بالملعب ..

قفله

سامي بن عبدالله الجابر ... سر من اسرار الجاذبيه
اعشقه حد الثماله ... والذيب مايهرول عبث

بصراحه الهلال خسر مدرب بفكر سامي الجابر لكن ما نقول الا حسبي الله ونعم الوكيل

إقتباس الرسالة الأصلية كتبت بواسطة قاصدنت بصراحه الهلال خسر مدرب بفكر سامي الجابر لكن ما نقول الا حسبي الله ونعم الوكيل

ياماحكيناوكتبنا ولكن ماحدسمع ضحكوا عليهم الفقراوية واقالوا الجابر
الجابرمدرب متطوروبياكل الجو
الله يوفق الزعيم ويوفق الجابر

سامي الجابر اختلف بالتدريب مع الشباب اعتقد بدء بأكتساب الخبرة
اختياره للأجانب بالشباب حسب حاجة الفريق....وهو على الخط من قوة حماسة حسيتة هو اللي يلعب معهم

بالتوفيق لة ....وطبعا لهلالنا

انا اشوفها مو ضربة جزاء واستغربت على محللين القناة اقتناعهم فيها !!
شوف لو انها للهلال كان الدنيا قاامت وماقعدت !!
خلاص الوسط الرياضي صار معرووف ومفهووم .. الأخطاء الغلط واللي تحسب للهلال ؟! ام الشنااائع والفضائح وكيييف والتحكيم المحلي وياهم وتكبر وتهول ورئيس لجنة التحكيم الظالم مهنا بيوقف هالحكم وبيعلق وو والى اخره ؟؟
لكن كلللل المباريات الثانيه " سواء للفقر او الأهلي او الاتحاد " واخطااائهم الوااضحه والفاضحه والصريحه والكبيره والكثيره تمر مرور الكراام وبرداً وسلام على جميييع الرياضيين من محللين وبرامج وصحف واعلاميين ومهنا ولجانه والكل !!!
وطبعاً ظلم الهلال عادي وعاادل جدااً .. اظلم الهلال لما تشبع انت قمة الانصاف وماراح يلوح بهاالظلم على الهلال او يُبان او حتى يأخذ حقه من الايضاح وبالبرامج !!

من جد أحيانا اكره الكوره بقووه بسبب هالتناقض المستفز وتغير الاحكام بتغير لون الفريق والميول !!
والظلم اللي على الهلال من جميع النواحي ..
حسبنا الله ونعم الوكيل

يذهب من يذهب ويبقى الهلال

مباراه الشباب الدرس الوحيد منها الروح

والروح فقدت بعد سامي

إقتباس الرسالة الأصلية كتبت بواسطة قاصدنت اقول سلم لي على السومه وبس فريق باكمله بصراحه اي فاول قريب من الثمانيه عشر هدف لاعب مكتمل من كل النواحي

آخ والله من جد لاعب عن فريق كامل ،، ليت عندنا السومة بالهلال ونشيل باقي الزبالاين
السومة هو الاهلي لو موب السومة كان الاهلي الخامس السادس
لكن الله رزقهم بهالسومة

البلنتي مب صحيح آللــْـّہ يجزاك خير ، لان اللاعب كمل الهجمه وشات الكوره وهالشيء معروف ف عالم كرة القدم مادام انك كملت الهجمه ماتحتسب ركلة جزاء ياخوي

إقتباس الرسالة الأصلية كتبت بواسطة قاصدنت اقول سلم لي على السومه وبس فريق باكمله بصراحه اي فاول قريب من الثمانيه عشر هدف لاعب مكتمل من كل النواحي

السومة لاعب كبير م نختلف ... لكن يبو حميد ترى الفاول في نص المرمى بس وليد عبدالله مفهي ... و لا الفاول ما يدخل حتى بالسديري

الاهلي جاب الدوري بلاعبين عرب ليه مانستفيد منهم وينسجمون بسرعه السومه بن يطو كهرباء عبدالشافي ومدافع الشباب
لاعبين باقل الاسعار ويلعبون للشعار ويحرثون الملعب حرث

أكيد ان الاهلي مدعوم من كل النواحي مع هذا الاتحاد ... بالنسبه للبنتي اعتقد انه صحيح

و حتى لو كان غير صحيح لا يهم لأنهم هزمت ... مبروك للشباب .. يستاهلون ... قدمو مبارات جميله

بالتوفيق للزعيم