بسم الله الرحمن الرحيم


لفت نظري قرار ماتسوس في اعادة دوام ال12 ساعة من خلال فترة التوقف الحالية

مع نوعية بعض اللاعبين خاصة المحليين منهم الي يكون صغير في السن + مدخول شهري عالي + ضعف الثقافة الاحترافية = نتائج سيئة على مستوى اللاعب مع مرور الوقت وممكن تنهي مسيرته الكروية

او بغض النظر عن الي ذكرتة فوق, خذ كلام كل مدرب اجنبي قبل ما يقال من منصبة وفي اخر تصريح يذكر ان اللاعب السعودي مهاري, لكن ضعيف جدا من ناحية الانضباط و تطبيق الاحتراف.

وجود اللاعب تحت اشراف النادي لجزء كبير من اليوم ما يعني اكتساب فوائد فقط, بل تساعد على تجنب الامور السلبية مثل الاكل الغير صحي (سالم الدوسري و المعيوف), او السفر اثناء ايام التدريب خارج المدينة (ياسر القحطاني,نواف العابد) او الوقوع في مشاكل وامور محظورة (خالد شراحيلي) او حتى التشتت وفقدان التركيز ( خالد عزيز), فاشغال اللاعب في بيئة النادي مع وجود زملائة الاخرين والمرافق الصحية المتوفرة ما يمكن الا ان تعود لصالحهم و لصالح النادي.

مع مرور الوقت اللاعب راح يتكيف مع الدوام الطويل وراح يجبر نفسة على ان يستغل الوقت في تدريب نفسة وتطوير مستواة من خلال التركيز على تقوية نقاط القوة او تدعيم نقاط الضعف, سواء جانب لياقي او التدريب على تسديد الفاولات و الكور العرضية او حتى زيادة انسجام وفهم زملاءة اكثر للعمل على جمل تكتيكية خاصة فيهم. وهذا الامر نشوفة في الاندية الاوروبية

الكلام هذا نتيجة تدني مستوى بعض اللاعبين في الجزء الاخير من الدوري, مقارنة بظهور ملفت اول الموسم خاصة بعد المعسكر والمعروف ان المعسكر يضمن اشراف النادي على نوم اللاعب و تغذيته و حتى حصص تدريبية مكثفة, اما مسألة حضور لحصة تدريبية لمدة ثلاث او اربع ساعات و من ثم يطلع يسهر ما راح نتطور ابدا

حنا في 2016, حان وقت التطور والعمل بضمير واجتهاد

انا ما اطالب اننا نكون مثل النظام الامريكي بأن تكون الرياضة مرتبطة في الجامعات, مع انها امنية ان يكون لاعب صاحب مستوى فكري متطور افضل من شخص معه ابتدائي وتجي واسطات وتشتري له شهادة متوسطة (بدون ذكر اسماء) عشان يسجل كمحترف (ضمن لائحة فيفا اذا ما كنت غلطان) بل اتمنى نشوف اللاعبين في فترات الاجازة انهم يحافظون على انفسهم بدون رقابة ويصير ما نحتاج للصرامة هذي كلها, لكن العمل صعب الوصول له في يوم وليلة بس الاصرار يوصلنا للافضل باذن الله

هذا ما في خاطري, واول موضوع لي في المنتدى فاتمنى العذر على تواضع التنسيق لكن همي مصلحة النادي ككل ولله ولي التوفيق